Roma'en 12:1 - Fulfulde Bible

¹ Deerɗiraaɓe am, Allah waŋginani en enɗam mum ɗuuɗɗam. Ngam maajum mi ɗon toro on on lii'ano mo ko'e mon bana kirseteeɗi geeti, ceniiɗi, pottananɗi mo. Kanjum woni dewal ngal haandani mo.

Fulfulde DC Bible

¹ Deerɗiraaɓe am, Allah waŋginani en enɗam mum ɗuuɗɗam. Ngam maajum mi ɗon toro on on lii'ano mo ko'e mon bana kirseteeɗi geeti, ceniiɗi, pottananɗi mo. Kanjum woni dewal ngal haandani mo.

Roma'en 12:1 Iomraidhean Croise

Jabuura 116:12

Ɗume mbaawanmi hokkugo Jawmiraawo ngam kuuɗe booɗɗe ɗe o huuwi ngam am fuu?

Jabuura 19:14

Aynu jaggiiɗo ma diga mawnitaare, taa nde laamano yam. Nden kam mi laatoto timmuɗo, mi marataa aybewol maŋngol.

Esaaya 56:7

mi yahran ɓe haa hooseere am seniinde, mi seynan ɓe nder suudu do'a am. Mi yerdoto guleteeɗi maɓɓe e kirseteeɗi ɗi ɓe lii'anto yam dow hirsirde am. Suudu am wi'ete suudu do'a ngam ummaatooje fuu.

Yeremiya 6:20

Mi ɗaɓɓataa uurdi lesdi Seba, koo ƴommbe uurɗe ɗe lesdi ndaayiindi. Guleteeɗi mooɗon pottantaa yam, kirseteeɗi mooɗon pottantaa yam.

Hose'a 14:2

Onon Isra'iila'en, lorte haa Jawmiraawo, Allah mooɗon! Ngam aybe mooɗon do'i on.

Luka 7:47

Ngam maajum mi ɗon wi'e: Yiide maako mawnde waŋgini hakkeeji maako ɗuuɗɗi njaafaama. Ammaa mo ɓe njaafani pamarum, yiide nde o waŋginta famɗan.”

Roma'en 12:2

Taa tokke ko yimɓe zamanuuru ndu'u mbaɗata, ammaa acce Allah wayla ɓerɗe mon, hesɗitina hakkiilooji mon. Nden kam on anndan muuyo Allah, waato ko wooɗi e ko fottanta mo e ko woni timmuɗum.

Roma'en 15:16

O laatini yam kuuwanoowo Yeesu Almasiihu haa ummaatooje goɗɗe. Mi ɗon huuwa kuugal cenaaŋgal ngal Linjiila Allah, haa ummaatooje ɗe'e laatano mo dokkal cenaaŋgal bee Ruuhu Ceniiɗo, pottananŋgal mo.

Roma'en 15:30

Deerɗiraaɓe am, mi ɗon toro on bee innde Jawmiraawo men Yeesu Almasiihu, ngam daliila yiide boo nde Ruuhu Allah hokki on, haa on tiino do'anaago yam. Mballeeɗam toraago Allah,

Roma'en 2:4

Malla a ɗon yawo jeynitaaje mbooɗeeŋga maako ɗuuɗŋga e munyal maako? A anndaa no mbooɗeeŋga Allah ɗon ɗowe haa tuubu na?

Roma'en 6:13

Taa lii'ane hakke terɗe mon ngam haa ɗe laato kuuwtinirɗe halleende. Ammaa lii'ane Allah ko'e mooɗon ngam haa o huuwtinira terɗe mon waɗugo kuuɗe adilaaku ngam on ngurtake maayde, on nasti ngeendam.

Roma'en 6:16

On anndaa na? Nde on lii'ani goɗɗo ko'e mon haa on ɗowtano mo, on laati maccuɓe maako. To on ɗon ɗowtano hakke, nden kam on maayan, ammaa to on ɗon ɗowtano Allah, o adilinan on.

Roma'en 6:19

Mi ɗon wolwana on bana yimɓe mboowi wolwugo ngam on tampuɓe. Naane on kuuwtiniri terɗe mon bana maccuɓe coɓki e halleende, on mbaɗi kalluɗum. Bana non jonta boo naftore terɗe mon bana maccuɓe adilaaku haa on ngeeɗa nder senaare.

Roma'en 9:23

Haa woɗɓe boo, o muuyi waŋginango ɓe ɗuuɗeeŋga tedduŋgal maako, o enɗi ɓe, o taaskitini ɓe diga ɓooyma ngam haa ɓe keɓa tedduŋgal maako.

1 Korintu'en 1:10

Deerɗiraaɓe am, mi ɗon suusɗina on bee innde Jawmiraawo meeɗen Yeesu Almasiihu: Njooɗe on narruɓe! Taa cenndol wona caka mooɗon. Laate narruɓe dow hakkiilo wooto e anniya ngoota.

2 Korintu'en 10:1

Min Pol, mi ɗon toro on barka yaŋkinaare Almasiihu e mbooɗeeŋga muuɗum – Woɗɓe ɗon mbi'a mi leesɗo saa'i mi ɗon wondi bee mooɗon, ammaa mi caatuɗo dow mooɗon saa'i mi daayiiɗo!

2 Korintu'en 4:1

Allah nder enɗam muuɗum, halfini min kuugal nga'al. Ngam maajum min tampataa sam.

2 Korintu'en 4:16

Ngam daliila man min tampataa sam. Koo to ɓalli amin ɗon tampa, ɓerɗe amin ɗon kesɗita nyalɗe fuu.

2 Korintu'en 5:20

Ngam maajum min wakiili'en Almasiihu. Allah bee hoore mum ɗon wolwana on bee kunnduɗe amin. Ngam daliila Almasiihu min ɗon toro on: Culhotire bee Allah.

2 Korintu'en 6:1

Nde nii min huuwdooɓe bee Allah, min ɗon toro on: Taa lasbine mo'ere Allah nde keɓɗon.

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 5:10

Tiine heɓtugo ko fottanta Jawmiraawo.

Tooktaaki Tawreeta 14:2

Ngam onon, on ummaatoore senaande ngam Jawmiraawo, Allah mooɗon. Jawmiraawo suɓi on nder ummaatooje duniyaaru fuu ngam on laato ummaatoore maako yiɗaande.”

Filippi'en 1:20

Ndaa ko ngenwanmi e ko tammiimi: Walaa ko semtintammi, ammaa bana foroy, non jonta, mi anndi fakat yimɓe teddinan Almasiihu ngam ko tammi heɓugo yam, koo bee ngeendam am koo bee maayde am boo.

Filippi'en 2:17

Koo to ƴiiƴam am laatoto bana dokkal dufeteeŋgal dow kirsaaɗum e dewal mon nder nuɗɗinki mon, mi seyorto ɗum e mi seyodotto bee mooɗon fuu.

Filippi'en 4:18

Mi heɓi dokkal ngal nelduɗon bee juŋngo Epafrodit. Mi heɓi ko mi mari haaje fuu, haa ɗum ɓuri haaje am, mi ɗon nder jeynitaare. Ɗum laati bana dokkal uurdi mbelndi, kirsaaɗum ko Allah seyorto, yerdoto.

1 Tessaloniiki'en 4:1

Ko lutti wi'ugo on, onon deerɗiraaɓe, min ɗon toro on, min ɗon tiɗɗina on bee innde Jawmiraawo meeɗen Yeesu: Nde on ekkitake haa amin no on njooɗorto, haa on pottana Allah, bana non mbaɗoton boo, ɓesde waɗugo ɗum yeeso yeeso.

1 Tessaloniiki'en 4:10

Kanjum ngaɗoton heedi deerɗiraaɓe fuu nder lesdi Makedoniya. Ammaa min ɗon tiɗɗina on ɓesdaago yeeso yeeso.

1 Tessaloniiki'en 5:12

Onon deerɗiraaɓe, min ɗon toro on: Teddine huuwanɓe nder bone caka mooɗon, suklaniiɓe on. Jawmiraawo suɓi ɓe haa ɓe ardo on, ɓe ndeentina on boo.

1 Timote 2:3

Ɗum huunde woonde fottanannde Allah Kisnoowo men,

1 Timote 5:4

Ammaa to debbo jurumɗo woodi ɓiɓɓe malla taaniraaɓe, sey ɓe ekkito waŋgingo kulol maɓɓe heedi Allah haa yimɓe saare maɓɓe tawon, ɓe mbarjo daada maɓɓe malla maama maɓɓe, ngam ɗum fottanan Allah.

Filemon 1:10

Mi ɗon toro ma ngam Onesimus, laatiiɗo ɓiŋngel am haa ɗo nder fursina, ngam min mi nastini mo nuɗɗinki.

Filemon 1:9

ammaa ngam daliila yiide mi ɗon toro ma, min Pol, ndottiijo, jonta boo mi kaɓɓaaɗo ngam Yeesu Almasiihu:

Ibraniŋke'en 13:22

Onon deerɗiraaɓe, mi ɗon toro on: Njaɓe bolle am ɗe'e bee munyal, haa ɗe tiɗɗina ɓerɗe mooɗon. Wasuyeewol am ngo'ol juutaay.

1 Piyer 2:20

Ɗume munyal mooɗon nafata to on munyi piyɗe ɗe ɓe piyi on daliila aybeeji mooɗon? Ammaa to on munyi boneeji ɗi on njari ngam on mbaɗi ko wooɗi, ɗum fottanan Allah.

1 Piyer 2:5

Onon boo bana kaa'e geete, laate mahruɗe haykaliiru Ruuhu Ceniiɗo. Laate liman'en senaaɓe haa lii'anon Allah kirseteeɗi pottananɗi mo barka Yeesu Almasiihu.