Roma'en 1:1 - Fulfulde Bible

¹ Min Pol, maccuɗo Yeesu Almasiihu, mi ɗon winndana on, onon jama'aare nuɗɗinɓe wonɓe haa Roma: Allah ewni yam, waɗi yam nelaaɗo muuɗum, suɓi yam ngam haa mi waazina Linjiila maako.

Fulfulde DC Bible

¹ Min Pol, maccuɗo Yeesu Almasiihu, mi ɗon winndana on, onon jama'aare nuɗɗinɓe wonɓe haa Roma: Allah ewni yam, waɗi yam nelaaɗo muuɗum, suɓi yam ngam haa mi waazina Linjiila maako.

Roma'en 1:1 Iomraidhean Croise

1 Habaruuji Nyalaaɗe 23:13

Ɓiɓɓe Amram boo, Haruna e Muusa. Ammaa Haruna suɓaama ngam o sena kuuje ɓurɗe senaago, kaŋko e ɓiɓɓe maako haa foroy, ngam o wula uurle yeeso Jawmiraawo, o huuwana mo, o barkiɗina yimɓe bee innde Jawmiraawo haa foroy.

Esaaya 49:1

Naneeɗam, onon duuɗe! Keɗite, onon ummaatooje daayiiɗe! Jawmiraawo ewni yam diga mi siwaa danyeego. Diga reedu daada am o ewni innde am.

Yeremiya 1:5

“Hiddeko mi waɗe nder reedu daada ma, mi anndi ma. Hiddeko a danye, mi seni ma, mi darni ma a annabiijo ngam ummaatooje.”

Markus 1:14

Ɓaawo naŋngeeki Yuhanna, Yeesu wari haa lesdi Galiili, o waazi Linjiila Allah,

Yuhanna 12:26

Sey kuuwanoowo yam fuu tokko yam, ngam haa o wona haa ngonmi. Koo moy laatake kuuwanoowo yam, Baabiraawo am teddinan mo.”

Yuhanna 15:15

Mi ewnataa on huuwooɓe fahin, ngam kuuwoowo anndaa ko jaagorɗo muuɗum waɗata. Mi ewni on soobiraaɓe am, ngam ko mi nani haa Baabiraawo am fuu, mi anndini on ɗum.

Yuhanna 15:20

Ciftore ko mi wi'i on: Kuuwoowo ɓurataa jaagorɗo muuɗum maŋngu. To ɓe toonyake yam, ɓe toonyoto on onon boo. To ɓe ɗowtanake bolle am, ɓe ɗowtanto bolle mooɗon boo.

Kuuɗe Nelaaɓe 13:9

Ammaa Sol bi'eteeɗo Pol boo, kebbinaaɗo Ruuhu Ceniiɗo, suti hiilaajo go,

Kuuɗe Nelaaɓe 20:24

Ammaa mi laaraay yoŋki am bana huunde marnde saman, ko ngiɗmi kam, mi timmitina daɗa-daɗa am e kuugal ngal Jawmiraawo Yeesu halfini yam, waato seedaago Linjiila ka mo'ere Allah.

Kuuɗe Nelaaɓe 21:40

O duŋani mo. Nden Pol wa'i ba'orɗe, ɓaŋgti juuɗe mum ngam haa yimɓe njeeɗo. Nde ɓe njeeɗi siriw, o wolwani ɓe bee Ibraniŋkeere, o wi'i:

Kuuɗe Nelaaɓe 22:21

Jawmiraawo wi'i yam: Yah, ngam mi nelete daayiiɗum haa ummaatooje goɗɗe.”

Kuuɗe Nelaaɓe 22:7

Mi do'i haa lesdi, mi nani sawtu wi'i yam: Sol, Sol, koni toonyotoɗa mi?

Kuuɗe Nelaaɓe 26:1

Agarippa wi'i Pol: “Mi duŋanake ma waŋgingo hujja ma jonta.” Pol ɓaŋgti juŋngo mum, wolwi hujja muuɗum, wi'i:

Kuuɗe Nelaaɓe 26:14

Min fuu min ndo'i haa lesdi. Nden mi nani sawtu wolwani yam bee Ibraniŋkeere: Sol, Sol, koni toonyotoɗa mi? A ɗon naawna hoore ma meere bee tuurtango yam.

Kuuɗe Nelaaɓe 27:23

Ngam haŋki malaa'ikaajo Allah mo mi jagganto waŋgani yam,

Kuuɗe Nelaaɓe 9:15

Jawmiraawo wi'i mo: “Yah, ngam mi suɓi mo, mi laatini mo kuuwanoowo yam haa o waŋgina innde am haa ummaatooje e laamiiɓe e haa Isra'iila'en.

Roma'en 1:16

Mi semtaay waazingo Linjiila ngam ɗum baawɗe Allah: Ka waawi hisnugo nuɗɗinɓe ka fuu, aran Yahuudu'en, nden yimɓe ummaatooje goɗɗe boo.

Roma'en 1:5

Ngam barka maako min keɓi mo'ere, min laati nelaaɓe haa ummaatooje fuu nuɗɗina Linjiila, ɓe ɗowtano Allah, ɓe teddina innde maako.

Roma'en 1:9

Foroy mi ɗon toro ngam mooɗon: Allah woni ceedoowo yam! Kaŋko mi huuwanta bee ɓernde woore bee waazingo Linjiila Ɓiɗɗo maako.

Roma'en 11:13

Onon ummaatooje goɗɗe, jonta mi ɗon wolwana on: Min woni nelaaɗo haa ummaatooje goɗɗe, ngam maajum mi ɗon samɗina kuugal am boo.

Roma'en 15:16

O laatini yam kuuwanoowo Yeesu Almasiihu haa ummaatooje goɗɗe. Mi ɗon huuwa kuugal cenaaŋgal ngal Linjiila Allah, haa ummaatooje ɗe'e laatano mo dokkal cenaaŋgal bee Ruuhu Ceniiɗo, pottananŋgal mo.

Roma'en 15:29

To mi wari haa mooɗon, mi anndi mi wardan bee barka Almasiihu fuu.

Roma'en 16:18

Irin maɓɓe kuuwantaa Almasiihu, Jawmiraawo men, sey deeɗi maɓɓe tan. Ɓe ɗon majjina sooyɓe anndal bee bolle ne'iiɗe e haalaaji belɗi.

Roma'en 16:25

Tedduŋgal laatano Allah! Kaŋko o woodi baawɗe semmbiɗingo on fodde Linjiila ka ngaazinanmi. Linjiila ɗon anndina haala Yeesu Almasiihu, ka ɗon waŋgina gooŋga Allah sirriiha. Gooŋga man ɗonno suuɗi diga ɓooyma,

1 Korintu'en 1:1

Min Pol mo Allah ewni fodde muuyo mum ngam laataago nelaaɗo Almasiihu Yeesu, min bee Sostenes, deerɗiraawo meeɗen,

1 Korintu'en 9:1

Mi laataaki dimo na? Mi laataaki nelaaɗo na? Mi yi'aay Yeesu, Jawmiraawo meeɗen na? Onon boo, on laataaki nafuuda kuugal am ngal kuuwananmi Jawmiraawo na?

2 Korintu'en 1:1

Min Pol nelaaɗo Yeesu Almasiihu fodde muuyo Allah, min bee Timote, deerɗiraawo meeɗen, min ɗon mbinndana on, onon yimɓe jama'aare Allah wonɓe haa Korintu e senaaɓe nder lesdi Akaya fuu:

2 Korintu'en 11:5

Mi anndi mi famɗanaay nelaaɓe wi'eteeɓe mawɓe ɓe'e.

2 Korintu'en 11:7

Nde ngaazumi on Linjiila Allah, mi waɗi ɗum caahu. Mi leesni hoore am ngam ɓaŋgtugo on. Kanjum ɗum aybe na?

2 Korintu'en 12:11

On ndooli yam, mi warti mi ɗon wolwa bana paataaɗo ngam haani onon ceedantammino. Koo to mi laataaki koo ɗume, mi famɗanaay nelaaɓe mawɓe ɓe'e sam.

2 Korintu'en 2:12

Nde mi yotti Torowas haa mi waazina Linjiila Almasiihu, tawmi Jawmiraawo maɓɓitani yam laawol ngam kuugal nga'al.

2 Korintu'en 4:5

Min ngaazintaa haala ko'e amin, ammaa ɗum Jawmiraawo meeɗen Yeesu Almasiihu min ngaazinta. Minin kam min huuwanooɓe on ngam daliila Yeesu.

Galaatiya'en 1:1

Min Pol, nelaaɗo Yeesu Almasiihu e Allah Baabiraawo, ummitinɗo Yeesu diga maayde, naa goɗɗo malla yimɓe neli yam, ammaa Allah bee hoore muuɗum.

Efesu'en 1:1

Min Pol, nelaaɗo Yeesu Almasiihu fodde muuyo Allah, mi ɗon winndana on, onon senaaɓe wonɓe haa Efesus e nuɗɗinɓe Yeesu Almasiihu:

Efesu'en 1:13

Non boo on nani wolde gooŋga, waato Linjiila kisndam mon, on nuɗɗini mo, Allah boo waɗi on lammba Ruuhu Ceniiɗo mum mo o iinani on.

Efesu'en 4:11

Kaŋko woni dokkuɗo dokke: O waɗi woɗɓe nelaaɓe, woɗɓe annabi'en, woɗɓe waazooɓe, woɗɓe boo waynaaɓe e ekkitinooɓe

Tooktaaki Tawreeta 10:8

Saa'i Isra'iila'en ɗon haa hooseere go, Jawmiraawo suɓi lenyol Lewi'en ngam ɓe ndoondo sundukru alkawal Jawmiraawo, ɓe ndaro yeeso maako ɓe kuuwana mo kuugal limanku, ɓe mbarkiɗina yimɓe bee innde maako. Ɓe ɗon mbaɗa ɗum haa wargo hannde.

Filippi'en 1:1

Min Pol e Timote, maccuɓe Yeesu Almasiihu, min ɗon mbinndana on, onon senaaɓe Yeesu Almasiihu wonɓe haa Filippi fuu e ardiiɓe e wallooɓe jama'aare nuɗɗinɓe:

Filippi'en 2:11

e koo moy seeda: “Yeesu Almasiihu woni Jawmiraawo” ngam tedduŋgal Allah Baabiraawo.

Kolossi'en 1:1

Min Pol, nelaaɗo Yeesu Almasiihu fodde muuyo Allah e Timote, deerɗiraawo men,

Kolossi'en 1:25

Mi jaggiiɗo maare fodde kaliifaaku ngu Allah halfini yam: Anndingo on wolde Allah fuu.

1 Tessaloniiki'en 2:2

On anndi hiddeko min ngara haa mooɗon, ɓe njarni min bone, ɓe kuɗi min haa Filippi. Ammaa Allah meeɗen semmbiɗini min, haa min anndina on Linjiila maako koo nder haɓre saatunde boo.

1 Tessaloniiki'en 2:8

Daliila enɗam amin ngam mooɗon, min ɗonno taaski hokkugo on naa Linjiila tan, ammaa koo yoŋkiiji amin boo. Bana nii yiide amin ɗuuɗiri ngam mooɗon.

1 Tessaloniiki'en 2:9

Onon deerɗiraaɓe, on ɗon ciftora torra amin e comri amin. Saa'i min ɗonno ngaazina on Linjiila, min kuuwi jemma e naaŋge fuu ngam nguure amin, ngam taa min teddana koo gooto mooɗon.

1 Timote 1:1

Min Pol nelaaɗo Yeesu Almasiihu fodde umroore Allah, Kisnoowo men e Yeesu Almasiihu, laatiiɗo tammunde meeɗen,

1 Timote 2:7

Ngam man Allah waɗi yam mi gooynoowo e nelaaɗo, mi ekkitinoowo ummaatooje boo fodde nuɗɗinki e gooŋga. Gooŋga mi wi'i, mi fewaay!

2 Timote 1:11

Ngam daliila Linjiila ka'a, Allah waɗi yam mi gooynoowo e nelaaɗo e ekkitinoowo.

Titus 1:1

Min Pol, maccuɗo Allah, nelaaɗo Yeesu Almasiihu, ngam waddugo suɓaaɓe Allah haa ɓe annda gooŋga, ɓe ngeeɗa nder kulol Allah,

Ibraniŋke'en 5:4

Walaa mo hoosanta hoore muuɗum tedduŋgal laataago hooreejo liman'en. Ɗum Allah ewnata bana o ewnori Haruna.

Ibraniŋke'en 7:26

Yeesu woni hooreejo liman'en mo haandani en. O ceniiɗo, o walaa aybe koo seɗɗa, o laaɓɗo, o senndaama bee hakke'en, o ɓaŋgtaama dow asamanji.

Yaakuba 1:1

Min, Yaakuba maccuɗo Allah e Jawmiraawo men Yeesu Almasiihu, mi hoofni le'i Isra'iila sappo e ɗiɗi caŋkitiiɗi haa duniyaaru.

1 Piyer 4:17

Wakkati kiita yottake, Allah boo aartiran bee yimɓe muuɗum. To ka fuɗɗi haa meeɗen, noy ɗum laatorto haa ɓen njaɓaay kubaruwol ceynoowol ngol Allah?

2 Piyer 1:1

Min Simon Piyer, maccuɗo e nelaaɗo Yeesu Almasiihu, mi ɗon winndana on, onon heɓɓe nuɗɗinki marki saman bana ki amin. On keɓri ki bee adilaaku Allah meeɗen e bee Yeesu Almasiihu, kisnoowo.

Yahuuda 1:1

Min Yahuuda, maccuɗo Yeesu Almasiihu, deerɗiraawo Yaakuba, mi ɗon winndana on onon ewnaaɓe, yiɗaaɓe Allah Baabiraawo e aynaaɓe Yeesu Almasiihu.

Wahayu Yuhanna 1:1

Ndaa wahayu mo Allah hokki Yeesu Almasiihu ngam anndingo jaggiiɓe mum ko ɓadi wargo bee doole. Ngam maajum Almasiihu neli malaa'ikaajo muuɗum ngam anndingo ɗum jaggiiɗo muuɗum Yuhanna.

Wahayu Yuhanna 22:6

Nden malaa'ikaajo go wi'i yam: “Bolle ɗe'e, ɗe gooŋgaaje, ɗe koolniiɗe. Jawmiraawo Allah dokkuɗo annabi'en ruuhuuji annabaaku, neli malaa'ikaajo muuɗum ngam ɓe kolla jaggiiɓe muuɗum ko ɓadake wargo bee doole.”

Wahayu Yuhanna 22:9

Ammaa o wi'i yam: “Taa waɗ ɗum! Min boo mi jaggiiɗo Allah bana maaɗa e deerɗiraaɓe ma annabi'en e ɗowtaniiɓe bolle deftere nde'e fuu. Sujidan Allah!”