Obadiya 1:19 - Fulfulde Bible

¹⁹ Yimɓe Yahuuda wonɓe haa fombina, koocan kooseeje Isuwa, maran ɗe. Wonɓe haa lesdi towndiije boo koocan lesdi Filisti'en. Ɓe maran lesdi Efrayim bee lesdi Samariya. Yimɓe Benyamin maran lesdi Gile'at.

Fulfulde DC Bible

¹⁹ Yimɓe Yahuuda wonɓe haa fombina, koocan kooseeje Isuwa, maran ɗe. Wonɓe haa lesdi towndiije boo koocan lesdi Filisti'en. Ɓe maran lesdi Efrayim bee lesdi Samariya. Yimɓe Benyamin maran lesdi Gile'at.

Obadiya 1:19 Iomraidhean Croise

2 Laamiiɓe 17:24

Laamiiɗo Assuura waddi yimɓe diga Baabila e Kuta e Awwa e Hamat e Sefarwayim. O jo'ini ɓe mbattudi Isra'iila'en nder gure Samariya. Kamɓe ɓe njooɗi haa Samariya e gure lesdi maajum, ɓe mari ɗe.

1 Habaruuji Nyalaaɗe 5:26

Ngam maajum Allah Isra'iila ummini ɓerɗe Pul e Tigilat-Pileser, laamiiɓe Assuura ngam dahugo yimɓe Ruben e yimɓe Gada e reeta lenyol Manassa haa Halah e maayo Habor e Hara e maayo Goosan. Ton ɓe ngoni haa wargo hannde.

Esira 4:17

Laamiiɗo neldi jaawaabu ni'i: “Bataakewol yahugo haa Rehum, ngomnaajo e Simsay, binndoowo e huuwdiɗɗiraaɓe muuɗum'en luttuɓe wonɓe nder Samariya e lesɗe luttuɗe haa hiirnaaŋge maayo Efratis, mi hoofni on.

Esira 4:2

Ɓe ngari haa Zorobaabila e Yeesu'a e baaba-ci'e'en, ɓe mbi'i: “Min mballan on nyiɓtugo, ngam minin boo min ɗowtaniiɓe Allah mooɗon bana mooɗon. Min ɗon lii'ano mo kirseteeɗi diga wakkati Esarhaddon, laamiiɗo Assuura mo waddi min haa ɗo.”

Jabuura 69:35

Maŋgte Allah, onon asamanji e lesdi, onon beeli e ko waancata nder mooɗon fuu.

Yeremiya 32:44

Ɓe coodan ɗe bee ceede, ɓe mbaɗanan ɗe ɗereeji coggu, ɓe maɓɓan ɗi, ɓe mbaɗan lammba dow maaji, ɓe ceednan ɗe bee seedooɓe. Ɗum fuu ɗum laatoto nder lesdi Benyamin e nder gure taariiɗe Urusaliima e nder gure Yahuuda, non boo nder gure haa kooseeje e lesdi towndiije e Lesdi Fombina. Ngam mi wartiran joonde maɓɓe bana naane.” Non Jawmiraawo wi'i.

Yeremiya 49:1

Ndaa ko Jawmiraawo wi'i dow Ammooni'en: “Woodaa worɓe haa Isra'iila na? Woodaa ronooɓe ton na? Koni sujidanooɓe lawru Milkom kooci lesdi lenyol Gada, njooɗi nder berniiji ton?”

Ezekiyel 25:16

Ngam maajum min Allah Jawmiraawo mi fortan juŋngo am ngam honugo Filisti'en. Mi nattinan Kereti'en e luttuɓe jooɗiiɓe haa fomoonde mbeela.

Ezekiyel 36:28

On njooɗoto nder lesdi ndi ndokkumi kaakiraaɓe mon. On laatoto ummaatoore am, min boo mi laatoto Allah mon.

Amos 1:13

Ndaa nii Jawmiraawo wi'i: “Yimɓe Ammoon mbaɗi aybe dow aybe, fakat mi hiitoto ɓe ngam ɓe ceeki reedu'en haa Gile'at ngam ɓe njaajina keeri maɓɓe.

Amos 1:8

Mi nattinan jooɗiiɓe haa Asdod e laamiiɗo Askalon. Mi waylitan juŋngo am dow Ekuruun, luttuɓe Filisti'en kalkan.” Non Allah Jawmiraawo wi'i.

Amos 9:12

Nden ɓe maran luttuɓe Edoom e ummaatooje ɗe innde am ewna dow muuɗum'en fuu.” Min Jawmiraawo mi wi'i ɗum, mi waɗan ɗum boo.

Mika 7:14

Yaa Jawmiraawo, aynu ummaatoore ma bee sawru ma, ɗum tokkere ma, an mari nde. Ngam nde ɗon feere maare nder laynde haa caka gese booɗɗe. Duru nde bana ɓooyma haa Baasan e Gile'at.

Limle 1:32

Lenyol Efrayim ɓii Yusufu: Ujine cappanɗe nayo e teemeɗɗe njowo (40.500).

Yosuwa 13:25

Ndaa ko woni geɗal maɓɓe haa lesdi: Ya'ajer e berniiji Gile'at fuu e reeta lesdi Ammooni'en haa yotti Aro'er tiitotirŋgol bee Rabba.

Yosuwa 13:31

Ɓe keɓi reeta Gile'at, non boo Astarot e Edirey, berniiji laamorɗi nder maral Ook mo Baasan. Kanjum woni geɗal reeta danygol Makir ɓii Manassa fodde geɓe maagol.

Yosuwa 15:21

Berniiji maɓɓe ɓurɗi daayaago haa Lesdi Fombina, kommbi keerol lesdi Edoom ngoni: Kabseyel e Eder e Yagur

Yosuwa 15:33

Berniiji maɓɓe nder lesdi towndiije ngoni: Estawol e Cor'a e Asna