Nehemiya 9:5 - Fulfulde Bible

⁵ Nden Lewi'en Yeesu'a e Kadmiyel e Baani e Hasabeniya e Serebiya e Hodiyya e Sebaniya e Petahiya mbi'i: “Umme! Maŋgte Jawmiraawo, Allah mooɗon foroy haa abada!” Sey yimɓe maŋgta innde ma teddunde, ɓurnde maŋgtoore e tedduŋgal fuu!

Fulfulde DC Bible

⁵ Nden Lewi'en Yeesu'a e Kadmiyel e Baani e Hasabeniya e Serebiya e Hodiyya e Sebaniya e Petahiya mbi'i: “Umme! Maŋgte Jawmiraawo, Allah mooɗon foroy haa abada!” Sey yimɓe maŋgta innde ma teddunde, ɓurnde maŋgtoore e tedduŋgal fuu!

Nehemiya 9:5 Iomraidhean Croise

1 Laamiiɓe 8:14

Nden laamiiɗo yeesiti, barkiɗini yimɓe jama'aare Isra'iila fuu, saa'i ɓe ɗon ndari.

1 Laamiiɓe 8:15

Nden o wi'i: “Mi yetti Jawmiraawo Allah Isra'iila! Bee baawɗe maako o hebbitini ko o iinani baaba am Daawuda. Ndaa ko o wi'i mo:

1 Laamiiɓe 8:22

Nden Suleymaanu dari yeeso hirsirde Jawmiraawo, jama'aare Isra'iila fuu ɗon laara. O weeɗi juuɗe maako gal asama,

1 Laamiiɓe 8:27

Ammaa yaa Allah, gooŋga a jooɗoto haa lesdi na? Ndaa, asamanji fuu, koo asamanji ɓurɗi towugo ke'ataa ma jooɗaago, sakko suudu ndu mi mahani ma!

1 Habaruuji Nyalaaɗe 16:36

Maŋgtoore e yettoore laatano Jawmiraawo Allah Isra'iila foroy haa abada. Yimɓe fuu mbi'i: “Aamiina!” Ɓe maŋgti Jawmiraawo.

1 Habaruuji Nyalaaɗe 29:11

Yaa Jawmiraawo, an mari maŋngu e baawɗe e tedduŋgal e daraja e ɗelko, ngam an mari ko woni nder asama e lesdi fuu. Yaa Jawmiraawo, an mari laamu, a ɓaŋiiɗo dow koo ɗume fuu.

1 Habaruuji Nyalaaɗe 29:13

Jonta kam, yaa Allah amin, min ngetti ma, min ɗon maŋgta innde ma teddunde.

1 Habaruuji Nyalaaɗe 29:20

Nden Daawuda wi'i yimɓe jama'aare fuu: “Ngette Jawmiraawo, Allah mooɗon!” Ɓe fuu ɓe ngetti Allah Jawmiraawo kaakiraaɓe maɓɓe, ɓe turi, ɓe cujidi yeeso Jawmiraawo e yeeso laamiiɗo.

2 Habaruuji Nyalaaɗe 20:13

Yimɓe Yahuuda fuu ndari yeeso Jawmiraawo bee rewɓe e ɓikkoy muuɗum'en boo.

2 Habaruuji Nyalaaɗe 20:19

Nden Lewi'en, nder danygol Kahat e danygol Koora, ummi, maŋgti Jawmiraawo Allah Isra'iila bee sawtu.

Esira 3:11

Ɓe ngetti Jawmiraawo, ɓe maŋgti mo bee yimre: “O booɗɗo, hinnuye maako dow Isra'iila ɗon haa abada.” Yimɓe fuu maŋgti Jawmiraawo bee hoolo seyo, ngam caɓɓawal haykaliiru Jawmiraawo saɓɓaama.

Nehemiya 9:4

Yeesu'a e Baani e Kadmiyel e Sebaniya e Bunni e Serebiya e Baani e Kenani ndari dow ba'orɗe Lewi'en, ngookani Jawmiraawo Allah maɓɓe bee sawtu.

Nehemiya 9:6

An feere ma woni Jawmiraawo. An waɗi asama, asamaawu ɓurŋgu towugo bee jama'aare maagu fuu. A waɗi lesdi e ko woni dow maari, non boo beeli e ko woni nder maaji. An hokki tagle fuu yoŋki, jama'aare asama ɗon sujidane.

Ayuba 1:21

O wi'i: “Temmbo ngurtiimi reedu daada am, temmbo boo lorotoomi. Jawmiraawo hokki, Jawmiraawo hoociti, barka laatano innde Jawmiraawo!”

Jabuura 106:2

Moy waawata anndingo kuuɗe Jawmiraawo mawɗe e yeeynugo maŋgtooje maako fuu?

Jabuura 134:1

Yimre jahaaŋgal haa Urusaliima. Maŋgte Jawmiraawo, onon jagganooɓe Jawmiraawo fuu, darotooɓe nder suudu maako jemmaaje fuu!

Jabuura 145:2

Mi yettete nyalɗe fuu! Mi maŋgtan innde ma haa abada abadin!

Jabuura 145:5

Mi numtan tedduŋgal ma e daraja ma e maŋngu ma e haala kaayeefiiji ma.

Jabuura 146:2

Sey mi maŋgta mo balɗe am fuu, mi yimana Allah am yaake mi ɗon yeeɗa!

Jabuura 16:2

Mi ɗon wi'a Jawmiraawo: “An woni Jawmam, hayru am fuu iwi haa maaɗa.”

Jabuura 66:2

Ngime ngam tedduŋgal innde maako, teddine mo bee gime maŋgtooje.

Jabuura 99:3

Sey ɗe fuu ɗe maŋgta innde maako mawnde, hulniinde, o Ceniiɗo!

Gurtaaki 15:11

Yaa Jawmiraawo, moy nanndi bee ma caka ɗowanteeɓe? Moy nanndi bee ma? Senaare ma nde hayɗiniinde! A kulniiɗo, ke'iiɗo teddineego, baawɗo waɗugo kaayeefiiji!

Gurtaaki 15:6

Nyaamo ma, yaa Jawmiraawo, mari tedduŋgal e baawɗe! Nyaamo ma, yaa Jawmiraawo, sampiti konne'en ma!

Daniyel 2:20

wi'i: “Yettoore laatano innde Allah foroy haa abada! Ngam o mari hikma e baawɗe.

Matta 11:25

Saa'i man Yeesu wi'i: “Yaa Baabiraawo, Jawmu asama e lesdi, mi yetti ma ngam a waŋginani ɓikkoy pamaroy kuuje ɗe'e ammaa a suuɗi ɗe hikma'en e marɓe faamu.

2 Korintu'en 4:6

Ngam Allah mo wi'no: “Sey annoora yayna nder nyiɓre”, acci annoora mum yayna nder ɓerɗe amin boo, ngam haa min annda tedduŋgal maako jaynanŋgal dow yeeso Almasiihu.

Tooktaaki Tawreeta 28:58

To on kakkilanaay umrooje tawreeta Allah, binndaaɗe nder deftere nde'e fuu, to on ɗowtanaaki ɗe, to on kulaay Jawmiraawo, Allah mooɗon marɗo innde teddunde e hulniinde,

1 Piyer 1:3

Ngetten Allah, Baabiraawo Jawmiraawo meeɗen Yeesu Almasiihu! O waɗani en enɗam ɗuuɗɗam, o laatini en danyaaɓe hesɓe barka ummitineeki Yeesu Almasiihu diga maayde. Ɗum hebbini ɓerɗe meeɗen bee tammunde gooŋgaare.

Alkaali'en 13:18

Malaa'ikaajo Jawmiraawo jaabi: “Ngam ɗume ƴamata innde am? Nde kaayeefiire.”