Nehemiya 9:34 - Fulfulde Bible

³⁴ Laamiiɓe amin e ardiiɓe amin e liman'en amin e kaakiraaɓe amin ɗowtanaaki tawreeta ma, ɓe kakkilanaay umrooje ma e seedamkuuji ma ɗi a anndini ɓe.

Fulfulde DC Bible

³⁴ Laamiiɓe amin e ardiiɓe amin e liman'en amin e kaakiraaɓe amin ɗowtanaaki tawreeta ma, ɓe kakkilanaay umrooje ma e seedamkuuji ma ɗi a anndini ɓe.

Nehemiya 9:34 Iomraidhean Croise

2 Laamiiɓe 17:13

Jawmiraawo reentinino Isra'iila e Yahuuda bee kunnduɗe annabi'en e yi'ooɓe fuu, o wi'no ɓe: “Tuube, acce laabi mooɗon, ɗowtane umrooje am e farillaaji am fodde tawreeta ka umrumi kaakiraaɓe mooɗon fuu, ka neldumi on bee annabi'en, jaggiiɓe am.”

2 Laamiiɓe 17:15

Ɓe ngudini umrooje maako e alkawal ngal o haɓɓuno bee kaakiraaɓe maɓɓe e seedamkuuji maako ɗi o seedni ɓe. Ɓe tokki labbi meereeji, ɓe mbaɗi meereejum. Ɓe tokki al'aada ummaatooje taariiɗe ɓe, koo nde Jawmiraawo umruno ɓe taa ɓe mbaɗa bana ɓeya.

2 Habaruuji Nyalaaɗe 29:6

Ngam baabiraaɓe men ngewi umroore Allah Jawmiraawo men, ɓe mbaɗi kalluɗum yeeso maako, ɓe acci mo. Ɓe ɗoyli jooɗorde Jawmiraawo, ɓe ngaylitani nde ɓaawe maɓɓe.

Esira 9:10

Ammaa ɗume min mbi'ata jonta kadi, yaa Allah amin? Ngam min acci tokkaago umrooje ma

Nehemiya 9:30

A munyani ɓe duuɓi ɗuuɗɗi. A reentini ɓe bee Ruuhu ma bee kunnduɗe annabi'en ma, ammaa ɓe cali nanugo. Ngam maajum a acci ɓe les baawɗe ummaatooje jananne.

Nehemiya 9:33

Nder ko heɓi min fuu, an a adiliijo, ngam a waɗi gooŋgaaku. Ammaa minin min mbaɗi kalluɗum.

Nehemiya 9:35

Ɓe ɗonno nder lesdi maɓɓe, a waɗani ɓe mbooɗeeŋga ɗuuɗŋga, a hokki ɓe lesdi njaasndi, semmbiɗndi ndi, ammaa ɓe njagganaaki ma, ɓe tuubaay, ɓe accaay kuuɗe maɓɓe kalluɗe.

Yeremiya 29:19

Kanjum fuu ɗum laatoto ngam ɓe ɗowtanaaki bolle am ɗe tokkiimi neldugo haa maɓɓe bee kunnduɗe sukaaɓe am annabi'en, ɓe cali nanugo. Non Jawmiraawo wi'i.

Yeremiya 44:17

Fakat min mbaɗan ko min mbi'i fuu. Min ngulana ɗowanteeɗo debbo bi'eteeɗo Mayramjo Asama uurle, min ngaɗana mo dokke dufeteeɗe bana ko min mbaɗi, minin e kaakiraaɓe amin e laamiiɓe amin e ardiiɓe amin, nder gure Yahuuda e dow laabi Urusaliima. Saa'i man min ngoodino nyaamdu fantundu, min njooɗino jam, min ngi'aayno sarru sam.

Yeremiya 44:4

Mi tokki nelugo suka'en am annabi'en haa maɓɓe, ɓe mbi'a ɓe: Taa mbaɗe nyidduɗum ɗu'um, ngam mi ɗon wanya ɗum!

Ezekiyel 5:6

Ammaa ngol tuurtani kiitaaji am e farillaaji am bee halleende ɓurnde nde ummaatooje e lesɗe taariiɗe ngol. Ngam yimɓe maagol ngudini kiitaaji am, ɓe ngeeɗaay fodde farillaaji am.

Daniyel 9:6

Min nananaay jaggiiɓe ma annabi'en, wolwanɓe laamiiɓe amin e mawɓe amin e kaakiraaɓe amin e ummaatoore lesdi amin fuu bee innde ma.

Tooktaaki Tawreeta 31:21

To boneeji e ɓillaaje ɗuuɗɗe ɗe'e ukkanake ɓe, nden yimre nde'e laatoto ceedoowo am dow maɓɓe, ngam danygol maɓɓe yejjitittaa nde. Koo jonta boo mi anndi numooji maɓɓe, hiddeko mi nastina ɓe nder lesdi ndi kunaniimi ɓe.”