Nehemiya 9:30 - Fulfulde Bible

³⁰ A munyani ɓe duuɓi ɗuuɗɗi. A reentini ɓe bee Ruuhu ma bee kunnduɗe annabi'en ma, ammaa ɓe cali nanugo. Ngam maajum a acci ɓe les baawɗe ummaatooje jananne.

Fulfulde DC Bible

³⁰ A munyani ɓe duuɓi ɗuuɗɗi. A reentini ɓe bee Ruuhu ma bee kunnduɗe annabi'en ma, ammaa ɓe cali nanugo. Ngam maajum a acci ɓe les baawɗe ummaatooje jananne.

Nehemiya 9:30 Iomraidhean Croise

2 Laamiiɓe 18:11

Laamiiɗo Assuura dahi Isra'iila'en, o jo'ini ɓe haa Halah e baŋnge maayo Habor nder lesdi Goojan e nder gure Medi'en.

2 Laamiiɓe 21:10

Jawmiraawo wolwi bee kunnduɗe jaggiiɓe muuɗum annabi'en, o wi'i:

2 Habaruuji Nyalaaɗe 24:19

Jawmiraawo neli annabi'en caka maɓɓe, haa ɓe lortina yimɓe haa maako. Annabi'en barri ɓe, ammaa ɓe cali nanango ɓe.

Esira 9:10

Ammaa ɗume min mbi'ata jonta kadi, yaa Allah amin? Ngam min acci tokkaago umrooje ma

Nehemiya 9:20

A hokki ɓe Ruuhu ma booɗɗo ngam haa ɓe keɓa hikma. A salanaaki ɓe mannu, a hokki ɓe ndiyam saa'i ɓe ɗomɗuɓe.

Nehemiya 9:26

Ammaa ɓe ndartani ma, ɓe tuurtani ma, ɓe ngudini tawreeta ma haa ɓaawo maɓɓe. Ɓe mbari annabi'en reentinɓe ɓe ngam lortingo ɓe haa maaɗa, ɓe mbolwi bolle kalluɗe masin dow maaɗa.

Nehemiya 9:29

A reentini ɓe ngam haa ɓe lorto haa tawreeta maaɗa. Ammaa ɓe mawniti, ɓe ɗowtanaaki umrooje ma, ɓe mbaɗi hakke dow kiitaaji ma. Kanji, to goɗɗo tokkake ɗi, o yeeɗan. Ɓe ngaylitani ma ɓaawe, ɓe caatini ko'e maɓɓe, ɓe cali ɗowtaago.

Jabuura 86:15

Ammaa an, yaa Jawmiraawo, a Allah marɗo enɗam e hinnuye, mo tikkataa law, mo mbooɗeeŋga mum e gooŋgaaku mum ɗuuɗi.

Jabuura 95:10

Duuɓi cappanɗe nayi yimɓe yidere nde'e laatani yam nyidduɓe. Mi wi'i: Yimɓe ɓe'e ɓe majjuɓe, ɓe anndaa laawol am.

Esaaya 28:10

Woodi dooka dow dooka, dooka dow dooka, haala dow haala, haala dow haala, ɗo seɗɗa to seɗɗa.”

Esaaya 42:24

Moy hokki Isra'iila, danygol Yaakubu haa juuɗe jaɓtooɓe? Naa ɗum Jawmiraawo mo mbaɗɗen hakke dow muuɗum? Ɓe cali tokkaago laabi maako, ɓe ɗowtanaaki tawreeta maako.

Esaaya 48:9

Ngam daliila innde am paasitanmi tikkere am. Ngam daliila maŋgtoore am naŋgtumi hoore am, ngam taa mi nattina on.

Esaaya 63:10

Ammaa kamɓe ɓe tuurtani mo, ɓe mettini Ruuhu maako Ceniiɗo. Ngam maajum o wayli, o laati konneejo maɓɓe, o honi ɓe bee hoore maako.

Yeremiya 25:4

Jawmiraawo tokki nelango on jaggiiɓe mum annabi'en fuu, ammaa on nanaay, on kakkilaay sam.

Yeremiya 44:22

Jawmiraawo waawaay munyango kuuɗe mon kalluɗe nyidduɗe. Ngam maajum lesdi mon laati winnde, ferwi, walaa mo jooɗi ton. Yimɓe naaliran bee innde maari, bana ko laati hannde.

Yeremiya 44:4

Mi tokki nelugo suka'en am annabi'en haa maɓɓe, ɓe mbi'a ɓe: Taa mbaɗe nyidduɗum ɗu'um, ngam mi ɗon wanya ɗum!

Yeremiya 44:5

Ammaa kamɓe ɓe nanaay, ɓe kakkilaay. Ɓe accaay waɗugo kalluɗum, ɓe tokki wulango ɗowanteeɓe woɗɓe uurle.

Yeremiya 7:25

Diga kaakiraaɓe mooɗon ngurti Misra haa wargo hannde, mi tokki nelugo nde weeti fuu annabi'en sukaaɓe am fuu haa maɓɓe.

Gimi Boyki 2:17

Jawmiraawo waɗi ko annini, hebbini wolde mum nde o wi'i diga ɓooyma. O yibbini ma, walaa ko lutti. O hokki konne'en ma jaalorgal, o semmbiɗini wanywanyɓe ma.

Daniyel 9:6

Min nananaay jaggiiɓe ma annabi'en, wolwanɓe laamiiɓe amin e mawɓe amin e kaakiraaɓe amin e ummaatoore lesdi amin fuu bee innde ma.

Zekariya 7:12

Ɓe caatini ɓerɗe maɓɓe bana hayre saatunde, ngam taa ɓe nana tawreeta e bolle, ɗum ko Ruuhu Jawmiraawo honooɓe asama umrani ɓe bee kunnduɗe annabi'en ɓooyma. Kanjum waɗi tikkere Jawmiraawo honooɓe asama saati masin.

Zekariya 7:13

Ngam maajum Jawmiraawo mo asama wi'i: “Mi ewni ɓe, ammaa ɓe nanaay. Nden kamɓe ɓe ewni yam, ammaa min mi nanaay.

Limle 11:26

Ɗiɗo maɓɓe, Eldat e Meedat, ɗonno nder saŋngeere, ɓe ngaraay haa laymaaru fottirde. Ruuhu jippi dow maɓɓe, kamɓe boo ɓe mbaɗi annabaaku ton nder saŋngeere.

Kuuɗe Nelaaɓe 13:18

Duuɓi cappanɗe nayi o munyani ɓe nder ladde.

Kuuɗe Nelaaɓe 28:25

Nden ɓe ɗon ngaabotira, ɓe caaki. Ammaa diga ɓe caakaaki tawon, Pol ɓesdani ɓe wolde nde'e, wi'i: “Ndaa ko Ruuhu Ceniiɗo wolwani kaakiraaɓe mooɗon bee hunnduko annabi Esaaya:

Kuuɗe Nelaaɓe 7:51

Onon saata-ko'e'en, on nanataa haala Allah sam! On cali nanango Ruuhu Ceniiɗo bana kaakiraaɓe mon!

Roma'en 2:4

Malla a ɗon yawo jeynitaaje mbooɗeeŋga maako ɗuuɗŋga e munyal maako? A anndaa no mbooɗeeŋga Allah ɗon ɗowe haa tuubu na?

2 Piyer 1:21

Ngam walaa annabaaku meeɗi iwugo haa muuyo neɗɗo. Ammaa Ruuhu Ceniiɗo ɗowi yimɓe, ɓe mbolwi ko iwi diga Allah.

2 Piyer 3:9

Woɗɓe ɗon numa Jawmiraawo ɗon neeɓa waɗugo ko o iinino. Ammaa o ɗon munyana on ngam o yiɗaa koo moy halka, o yiɗi yimɓe fuu tuuba.