Nehemiya 9:29 - Fulfulde Bible

²⁹ A reentini ɓe ngam haa ɓe lorto haa tawreeta maaɗa. Ammaa ɓe mawniti, ɓe ɗowtanaaki umrooje ma, ɓe mbaɗi hakke dow kiitaaji ma. Kanji, to goɗɗo tokkake ɗi, o yeeɗan. Ɓe ngaylitani ma ɓaawe, ɓe caatini ko'e maɓɓe, ɓe cali ɗowtaago.

Fulfulde DC Bible

²⁹ A reentini ɓe ngam haa ɓe lorto haa tawreeta maaɗa. Ammaa ɓe mawniti, ɓe ɗowtanaaki umrooje ma, ɓe mbaɗi hakke dow kiitaaji ma. Kanji, to goɗɗo tokkake ɗi, o yeeɗan. Ɓe ngaylitani ma ɓaawe, ɓe caatini ko'e maɓɓe, ɓe cali ɗowtaago.

Nehemiya 9:29 Iomraidhean Croise

2 Laamiiɓe 17:13

Jawmiraawo reentinino Isra'iila e Yahuuda bee kunnduɗe annabi'en e yi'ooɓe fuu, o wi'no ɓe: “Tuube, acce laabi mooɗon, ɗowtane umrooje am e farillaaji am fodde tawreeta ka umrumi kaakiraaɓe mooɗon fuu, ka neldumi on bee annabi'en, jaggiiɓe am.”

2 Laamiiɓe 17:14

Ammaa ɓe cali nanugo ɗum, ɓe caatini ko'e maɓɓe bana kaakiraaɓe maɓɓe, salnooɓe nuɗɗingo Allah Jawmiraawo maɓɓe.

2 Habaruuji Nyalaaɗe 24:19

Jawmiraawo neli annabi'en caka maɓɓe, haa ɓe lortina yimɓe haa maako. Annabi'en barri ɓe, ammaa ɓe cali nanango ɓe.

2 Habaruuji Nyalaaɗe 33:10

Jawmiraawo wolwani Manassa e yimɓe mum, ammaa ɓe cali nanugo.

2 Habaruuji Nyalaaɗe 36:15

Nde ɗuuɗɗum Jawmiraawo Allah kaakiraaɓe maɓɓe nelani ɓe nelaaɓe mum, ngam o yurmini yimɓe maako e jooɗorde maako.

Nehemiya 13:15

Saa'i man ngi'mi Yahuudu'en woɗɓe ɗon njaaɓa inabooje nder ɓiɗɗirɗe maaje nyalaade siwtorde, ɓe ɗon mooɓta alkamaari, ɓe ɗon ndimnda ndi bamɗe maɓɓe, non boo inaboojam e inabooje e ibbe e dimle goɗɗe boo, ɓe ɗon ngadda ɗum haa Urusaliima nyalaade siwtorde. Mi barri ɓe, taa ɓe coorra kuuje maɓɓe nyalaade man.

Nehemiya 9:10

A waɗi alaamaaji e kaayeefiiji dow Firawna e sukaaɓe muuɗum fuu e ummaatoore lesdi muuɗum fuu, ngam a yi'i no ɓe mawnitori dow kaakiraaɓe amin. A waɗani hoore ma innde mawnde, bana ko laati hannde.

Nehemiya 9:16

Ammaa kaakiraaɓe amin mawniti, caatini ko'e muuɗum'en, ɗowtanaaki umrooje ma.

Nehemiya 9:26

Ammaa ɓe ndartani ma, ɓe tuurtani ma, ɓe ngudini tawreeta ma haa ɓaawo maɓɓe. Ɓe mbari annabi'en reentinɓe ɓe ngam lortingo ɓe haa maaɗa, ɓe mbolwi bolle kalluɗe masin dow maaɗa.

Nehemiya 9:30

A munyani ɓe duuɓi ɗuuɗɗi. A reentini ɓe bee Ruuhu ma bee kunnduɗe annabi'en ma, ammaa ɓe cali nanugo. Ngam maajum a acci ɓe les baawɗe ummaatooje jananne.

Gurtaaki 10:3

Muusa e Haruna njehi haa Firawna, mbi'i mo: “Ndaa nii Jawmiraawo, Allah Ibraniŋke'en wi'i: Haa ndeye a tokkoto salaago leesnugo hoore ma yeeso am? Accu ummaatoore am yaha haa nde jaggano yam!

Yeremiya 17:23

Kamɓe ɓe nananaay yam, ɓe kakkilaay, ammaa ɓe caatini ko'e maɓɓe, ɓe cali nanango yam, ɓe njaɓaay elto am.”

Yeremiya 19:15

“Ndaa nii Jawmiraawo honooɓe asama, Allah Isra'iila wi'i: Mi yahran sarru dow berniwol ngo'ol e gure maagol fuu, bana ko mbi'mi. Ngam on caatini ko'e mooɗon, on cali ɗowtanaago bolle am.”

Yeremiya 42:19

Nden Yeremiya tokki wi'ugo ɓe: “Onon luttuɓe Yahuuda, Jawmiraawo wolwani on, taa on njaha Misra. Ndaa, mi reentini on hannde.

Yeremiya 43:2

Azariya ɓii Hosa'ya e Yohanan ɓii Kareha e worɓe elewɓe fuu mbi'i mo: “A ɗon fewa! Jawmiraawo Allah amin nelaay ma wi'ugo min, taa min njaha Misra ngam faɓɓoygo ton.

Yeremiya 44:10

Haa wargo hannde on leestinaay ko'e mon, on kulaay yam, on tokkaaki tawreeta am e umrooje ɗe umrumi on, onon e kaakiraaɓe mon.

Yeremiya 7:26

Ammaa on nanaay, on kakkilaay. Ko'e mooɗon caati, on mbaɗi kalluɗum ko tulli kaakiraaɓe mooɗon.

Ezekiyel 20:11

Mi anndini ɓe farillaaji am, mi ekkitini ɓe kiitaaji am. Koo moy tokki ɗi, yeeɗiran bee maaji.

Daniyel 5:20

Ammaa ɓernde maako mawniti, saati haa o laati elewɗo. Ngam maajum Allah jippini mo diga leeso laamu maako, tedduŋgal maako ɓortaama.

Hose'a 6:5

Ngam maajum paɗɗanmi ɓe bee habaru annabi'en, mi mbaran ɓe bee bolle hunnduko am. Fakat kiita am waŋgan bana annoora.

Farillaaji Lewi'en 18:5

Tokke umrooje am e kiitaaji am. Koo moy baɗanɗo ɗum yeeɗan. Min woni Jawmiraawo.

Matta 19:17

Yeesu wi'i mo: “Ngam ɗume a ƴami yam ko wooɗi? Walaa booɗɗo, sey gooto tan. To a yiɗi nastugo nder ngeendam nduumiiɗam, sey a jogo umrooje.”

Luka 10:28

Yeesu wi'i mo: “A jaabake booɗɗum, waɗ bana non, a heɓan ngeendam.”

Roma'en 10:5

Ndaa ko Muusa winndi dow no goɗɗo laatorto adiliijo bee laawol tawreeta: “Koo moy ɗowtani umrooje tawreeta, yeeɗiran ɗe.”

Galaatiya'en 3:12

Tawreeta kam darataako dow nuɗɗinki, ammaa ɗowtaniiɗo umrooje ɗe'e, yeeɗiran ɗe.

Tooktaaki Tawreeta 31:21

To boneeji e ɓillaaje ɗuuɗɗe ɗe'e ukkanake ɓe, nden yimre nde'e laatoto ceedoowo am dow maɓɓe, ngam danygol maɓɓe yejjitittaa nde. Koo jonta boo mi anndi numooji maɓɓe, hiddeko mi nastina ɓe nder lesdi ndi kunaniimi ɓe.”

Tooktaaki Tawreeta 31:27

Ngam mi anndi tuurtol mooɗon e caatal-ko'e mooɗon. Mi ɗon wondi bee mooɗon hannde ma, on tuurtani Jawmiraawo, sakko ɓaawo maayde am!

Tooktaaki Tawreeta 4:26

Mi ɗon ewno hannde asama e lesdi, ɗum laato seedooɓe am dow mooɗon: To on mbaɗi ɗum, on kalkan law dow lesdi. On nduurataa nder lesdi gaɗa Urdun ndi nastoton ngam maron ɗum. On nduurataa nder maari. On kalkan fuu.

Alkaali'en 6:10

Mi wi'i on: Min woni Allah Jawmiraawo mon, taa kule ɗowanteeɓe Amoori'en ɓe njooɗiiɗon nder lesdi muuɗum'en. Ammaa on nananaay yam.”