Nehemiya 9:13 - Fulfulde Bible

¹³ A jippi dow hooseere Sina, a wolwani ɓe diga asama. A hokki ɓe kiitaaji darnuɗi e sarɗiiji gooŋɗuɗi e farillaaji e umrooje booɗɗe.

Fulfulde DC Bible

¹³ A jippi dow hooseere Sina, a wolwani ɓe diga asama. A hokki ɓe kiitaaji darnuɗi e sarɗiiji gooŋɗuɗi e farillaaji e umrooje booɗɗe.

Nehemiya 9:13 Iomraidhean Croise

2 Laamiiɓe 17:37

Nyalɗe fuu kakkilane farillaaji e kiitaaji e tawreeta e umrooje, ko mi winndani on fuu. Taa kule ɗowanteeɓe woɗɓe.

Jabuura 119:137

Yaa Jawmiraawo, a adiliijo, kiitaaji ma ɗi darnuɗi.

Jabuura 119:160

Dubbeere wolde ma ɗum gooŋga, kiitaaji ma adiliiji fuu nduumoto.

Jabuura 119:4

An a waɗi sarɗiiji, haa min ɗowtano ɗi bee tiinaare.

Gurtaaki 16:23

O wi'i ɓe: “Kanjum woni ko Jawmiraawo umri, jaŋngo woni siwtaare, nyalaade siwtorde senaande ngam Jawmiraawo. Tamse ko ngiɗɗon tamsugo, ndefe ko ngiɗɗon defugo. Ko lutti fuu, cige ɗum haa mooɗon haa jaŋngo fajiri.”

Gurtaaki 19:11

Ɓe taaskano faɓɓijaŋngo, ngam faɓɓijaŋngo min Jawmiraawo mi jippoto gite ummaatoore fuu dow hooseere Sina.

Gurtaaki 20:1

Ndaa bolle ɗe Allah wolwani Isra'iila:

Gurtaaki 20:22

Jawmiraawo wi'i Muusa: “Ndaa nii mbi'ata Isra'iila'en: Onon on ngi'i mi wolwani on diga asama.

Esaaya 64:1

Bana yiite wulirta cannji, bana yiite waywinirta ndiyam, war, anndin wanyɓe ma innde ma, haa ummaatooje ndiwna yeeso maaɗa!

Esaaya 64:3

Diga ɓooyma, walaa mo meeɗi anndugo koo nanugo malla yi'ugo no ɗowanteeɗo waɗani hooliiɓe ɗum, sonaa an!

Habakuk 3:3

Allah ɗon wara diga Teman, Ceniiɗo ɗon wara diga hooseere Paran. Maŋngu maako ɗon sudda asama, maŋgtoore maako ɗon hebbina lesdi.

Roma'en 7:16

Nde mi ɗon waɗa ko mi yiɗaa, nden kam mi gooŋɗini tawreeta ka mbooɗka.

Tooktaaki Tawreeta 33:2

O wi'i: “Jawmiraawo wari diga hooseere Sina bana naaŋge, fuɗi haa Se'ir ngam maɓɓe, o yaynani ɓe diga hooseere Paran. Malaa'ika'en ujine sappo ngardi bee maako. Tawreeta ngam maɓɓe ɗon bana jamre yiite haa juŋngo maako nyaamo.

Tooktaaki Tawreeta 4:33

Ummaatoore ndeye lutti bee yoŋki ɓaawo nde nani ɗowanteeɗo bolwuɗo nder yiite, bana onon on nani, on lutti boo?

Tooktaaki Tawreeta 4:36

Diga asama o wolwani on, on nani sawtu maako ngam o elta on. Dow lesdi boo, o waŋginani on yiite maako maŋnge, on nani bolle maako nder maage boo.

Tooktaaki Tawreeta 4:8

Ummaatoore ndeye, koo nde mawnde, woodi farillaaji e kiitaaji gooŋɗuɗi bana tawreeta ka'a fuu ka anndinanmi on hannde?

Tooktaaki Tawreeta 5:4

Dow hooseere, Jawmiraawo waŋgani on caka yiite, wolwani on gite bee gite nder yiite.