Nehemiya 8:9 - Fulfulde Bible

⁹ Nehemiya, ngomna e moodibbo Esira, limanjo e Lewi'en faamtinɓe ummaatoore nde mbi'i ɓe fuu: “Hannde woni nyalaade senaande ngam Allah Jawmiraawo mooɗon. Taa cune, taa mboye.” Ngam ummaatoore fuu ɗon woya, saa'i ɓe ɗon nana bolle tawreeta.

Fulfulde DC Bible

⁹ Nehemiya, ngomna e moodibbo Esira, limanjo e Lewi'en faamtinɓe ummaatoore nde mbi'i ɓe fuu: “Hannde woni nyalaade senaande ngam Allah Jawmiraawo mooɗon. Taa cune, taa mboye.” Ngam ummaatoore fuu ɗon woya, saa'i ɓe ɗon nana bolle tawreeta.

Nehemiya 8:9 Iomraidhean Croise

2 Laamiiɓe 22:11

Nde laamiiɗo nani bolle Deftere Tawreeta, o seeki limce maako.

2 Laamiiɓe 22:19

Ɗum meemi ɓernde ma, a leesni hoore ma yeeso am nde nanɗa ko mbolwumi dow nokkuure nde'e e jooɗiiɓe haa maare, haa nde laato daliila kultoreeŋgol e naaloore. A seeki limce ma, a woyi yeeso am, min boo mi jaɓi tornde ma, non Jawmiraawo wi'i.

2 Habaruuji Nyalaaɗe 15:3

Duuri, Isra'iila walaano Allah gooŋɗuɗo, walaa limanjo anndinoowo ɓe, walaa tawreeta boo.

2 Habaruuji Nyalaaɗe 30:22

Hezekiya suusɗini ɓerɗe Lewi'en, ngam ɓe fuu ɓe paami kuugal Jawmiraawo booɗɗum. Nyalɗe joweeɗiɗi ɓe nyaami nder juulde man, ɓe lii'i kirsaaɗi ngam kawtal yimɓe, ɓe ngetti Jawmiraawo Allah kaakiraaɓe maɓɓe.

2 Habaruuji Nyalaaɗe 34:19

Nde laamiiɗo nani ko winnda nder tawreeta, o seeki limce mum.

2 Habaruuji Nyalaaɗe 34:21

“Njehe, ƴame Jawmiraawo ngam am e ngam luttuɓe nder Isra'iila e Yahuuda fuu dow bolle binndaaɗe nder deftere heɓtaande nde'e. Ngam kaakiraaɓe meeɗen kakkilanaay wolde Jawmiraawo haa ɓe mbaɗa fodde ko winnda nder deftere nde'e dow meeɗen fuu. Ngam maajum, Jawmiraawo ukkani en tikkere maako saatunde.”

2 Habaruuji Nyalaaɗe 35:3

O wolwani Lewi'en, anndinooɓe yimɓe Isra'iila fuu, senaaɓe ngam Jawmiraawo. O wi'i ɓe: “Njo'ine sundukru seniindu nder haykaliiru ndu Suleymaanu ɓii Daawuda, laamiiɗo Isra'iila nyiɓi. On meetataa roondaago sundukru ndu dow balbe mon. Jonta kam, kuuwane Jawmiraawo Allah mon e yimɓe Isra'iila.

Esira 2:63

Ngomna wi'i ɓe taa ɓe nyaama kuuje ɓurɗe senaago, sey to limanjo mawɗo ta'i haala ka'a bee Uriima e Tumiima.

Esira 7:11

Ndaa bataakewol ngol laamiiɗo Artahasta hokki limanjo Esira, moodibbo annduɗo umrooje e farillaaji Jawmiraawo ngam Isra'iila:

Nehemiya 10:1

Ngam daliila kuuje ɗe'e fuu min koo'i anniya timmuka, min mbinndi bolle maaka. Ardiiɓe amin e Lewi'en amin e liman'en amin mbaɗi juuɗe muuɗum'en haa binndol baɗaaŋgol lammba man.

Nehemiya 12:26

Kamɓe ɓe ngeeɗi nder zamanu Yooyakim ɓii Yeesu'a ɓii Yocadak e Nehemiya ngomnaajo e Esira, limanjo e moodibbo tawreeta.

Nehemiya 7:65

Ngomna wi'i ɓe, taa ɓe nyaama kuuje ɓurɗe senaago, sey to limanjo mawɗo ta'i haala ka'a bee uriima e tumiima.

Nehemiya 7:70

Woɗɓe caka baaba-ci'e'en mbaati haa ndesaari kuugal: Ceede kaŋŋeeri ujine noogas e cardi baakin kilo ujineere e teemerre (1.100).

Nehemiya 8:2

Nyannde go'oore nder lewru joweeɗiɗaɓru, Esira, limanjo waddi tawreeta yeeso mooɓtorde, worɓe e rewɓe e derke'en heewtuɓe faamugo fuu.

Gaazoowo 3:4

saa'iire ngam woyugo e saa'iire ngam jalugo, saa'iire ngam uumugo e saa'iire ngam wamugo,

Esaaya 61:3

meetugo yimɓe Siyona jooɗiiɓe nder ndoondi, rufugo nebbam seyo haa pellel bojji, maŋgtooje haa pellel saklere. Ɓe ewneteeɓe Leɗɗe Adilaaku, ciraka Jawmiraawo ngam waŋgingo tedduŋgal maako.

Hose'a 4:6

Ummaatoore am ɗon halka ngam nde walaa anndal. An a wudini anndal, ngam maajum min boo mi wudinte diga kuugal limanku am. A faalaay tawreeta Allah maaɗa, ngam maajum min boo mi faalataa ɓiɓɓe maaɗa.

Farillaaji Lewi'en 23:24

o wi'a Isra'iila'en ni'i: “Nyannde go'oore nder lewru joweeɗiɗaɓru laatano on siwtorde. Sey on mooɓta mooɓtorde senaande bee fuufugo luwe.

Malakiya 2:13

Woodi boo huunde ɗiɗawre nde on mbaɗata: On ɗon cudda hirsirde Jawmiraawo bee gonɗi e bojji e uumaali, ngam o faalataa dokke mon, o jaɓataa ɗe diga juuɗe mon.

Roma'en 3:20

Walaa mo laatoto adiliijo yeeso Allah bee ɗowtanaago tawreeta. Neɗɗo woodi hakke, kanjum tan tawreeta anndinta en.

Roma'en 7:9

Naane mi geetono, mi anndaano tawreeta. Nden umroore wari, hakke boo fuɗɗi yeeɗugo.

Tooktaaki Tawreeta 12:12

Ceye ton yeeso Jawmiraawo, Allah mooɗon, onon e ɓikkoy mon worɓe e rewɓe e maccuɓe mon e horɓe mon e Lewi'en jooɗiiɓe nder gure mon, ngam Lewi'en marataa lesdi caka mooɗon.

Tooktaaki Tawreeta 12:7

Sey on nyaama ton yeeso Jawmiraawo, Allah mooɗon, onon e yimɓe ci'e mooɗon, on ceyora nafuuda kuuɗe mon, ngam Jawmiraawo barkiɗini on.

Tooktaaki Tawreeta 16:11

Ceye yeeso maako, onon bee ɓikkoy mooɗon worɓe e rewɓe e jeyaaɓe mon e Lewi'en wonɓe nder berniiji mon e hoɗɓe e atiime'en e rewɓe yurumɓe caka mooɗon. Mbaɗe ɗum haa nokkuure nde Jawmiraawo, Allah mooɗon suɓata ngam innde muuɗum wona ton.

Tooktaaki Tawreeta 26:14

Mi nyaamaay goɗɗum man wakkati boyki maayɗo. Mi wurtinaay koo ɗume nder maajum yaake mi coɓɗo. Mi lii'anaaki maayɗo koo ɗume nder maajum. Mi ɗowtani wolde Jawmiraawo Allah am, mi waɗi bana a umri yam.

Yaakuba 4:9

Cune, ngooke, mboye. Jaleeɗe mooɗon laato bojji, seyo mooɗon laato suno.