Nehemiya 6:1 - Fulfulde Bible

¹ Nde Samballat e Tobiya e Gesem Arabjo e konne'en amin woɗɓe nani mi timmini nyiɓtaago mahol, walaa ceekgol nder maagol sam. Koo nde mi tiggaay pareeje haa dammuɗe tawon,

Fulfulde DC Bible

¹ Nde Samballat e Tobiya e Gesem Arabjo e konne'en amin woɗɓe nani mi timmini nyiɓtaago mahol, walaa ceekgol nder maagol sam. Koo nde mi tiggaay pareeje haa dammuɗe tawon,

Nehemiya 6:1 Iomraidhean Croise

Nehemiya 13:4

Hiddeko kuuje ɗe'e laato, Eliyasib, limanjo kalfitinaaɗo sigordu haa haykaliiru Allah men, hokkuno banndum Tobiya sigordu wooru mawndu. Naane ɓe cigino ton dokke nyaamdu e uurle guleteeɗe e kuuwruɗe e zakka alkamaari e inaboojam kesam e nebbam, waato ko umra ngam Lewi'en e yimooɓe e aynooɓe dammuɗe e dokke ngam liman'en.

Nehemiya 2:10

Ammaa nde Samballat Horoniijo e Tobiya, jaggiiɗo Ammooniijo nani goɗɗo wari suklango hayru Isra'iila'en, ɓe ɓerni masin.

Nehemiya 2:19

Samballat Horoniijo e Tobiya, jaggiiɗo Ammooniijo e Gesem Arabjo nani haala man. Ɓe njanci min, ɓe njawi min, ɓe ƴami: “Ɗume on mbaɗata ɗo? On ɗon tuurtana laamiiɗo na?”

Nehemiya 3:1

Eliyasib, hooreejo liman'en ummodi bee banndiraaɓe muuɗum liman'en ngam nyiɓtaago Dammugal Baali. Ɓe ceni ngal, ɓe tiggi pareeje maagal. Ɓe nyiɓti mahol haa yotti suudu towndu wi'eteendu Teemerre, ɓe ceni ɗum haa yotti suudu Hananiyel towndu.

Nehemiya 3:3

Yimɓe nder danygol Senaa nyiɓti Dammugal Liɗɗi. Ɓe kippi dow maagal bee leɗɗe, ɓe tiggi pareeje maagal bee jogorɗe e palduɗe maagal.

Nehemiya 3:6

Yoyada ɓii Paseha e Mesullam ɓii Besodiya mbo'itini Dammugal Berniwol Kiiɗŋgol. Ɓe kippi dow maagal bee leɗɗe, ɓe tiggi pareeje maagal bee jogorɗe e palduɗe maagal.

Nehemiya 4:1

Ammaa nde Samballat e Tobiya e Arab'en e Ammooni'en e yimɓe Asdod nani Yahuudu'en ɗon mbo'itina mahol Urusaliima booɗɗum e puɗɗi maɓɓugo gibbe, ɓe ɓerni masin.

Nehemiya 7:1

Nde mahol lamsaama, mi tiggi pareeje haa dammuɗe boo, aynooɓe dammuɗe e yimooɓe e Lewi'en njo'itinaama nder kuuɗe muuɗum'en.

Daniyel 9:25

Ngam maajum anndu e faamu ɗu'um: Diga saa'i wolde iwi haa Allah ngam nyiɓtaago Urusaliima haa wargo ardiiɗo mo Allah moyti ɗum, duuɓi joweeɗiɗi nde joweeɗiɗi caaloto. Nden nder duuɓi cappanɗe joweego e ɗiɗi (62) nde joweeɗiɗi, yimɓe nyiɓtoto Urusaliima: Laabi e gasɗe paddooje mahititte nder wakkati ɓillaaje.