Nehemiya 4:14 - Fulfulde Bible

¹⁴ To on nani luwal, ngare haa nokkuure man, kawte bee amin. Allah men haɓanan en.”

Fulfulde DC Bible

¹⁴ To on nani luwal, ngare haa nokkuure man, kawte bee amin. Allah men haɓanan en.”

Nehemiya 4:14 Iomraidhean Croise

2 Samuyila 10:12

Semmbiɗiɗ, en tiiɗa ngam daliila yimɓe meeɗen e ngam berniiji Allah meeɗen! Jawmiraawo boo waɗan ko fottanta mo.”

2 Habaruuji Nyalaaɗe 32:7

“Cemmbiɗe, cuusɗine ɓerɗe mon. Taa kule, taa tampe sam daliila laamiiɗo Assuura bee jama'aare ɗuuɗnde wonnde bee muuɗum. Ngam gonduɗo bee meeɗen ɓuri gonduɗo bee maako baawɗe.

Nehemiya 1:5

mi wi'i: “Yaa Allah Jawmiraawo mo asama, Allah mawɗo kulniiɗo! A ɗon hakkilana alkawal ma e a ɗon waɗana yiɗɓe ma e ɗowtaniiɓe umrooje ma mbooɗeeŋga.

Ayuba 37:22

Ɗelko bana kaŋŋeeri ɗon iwa diga woyla, maŋngu Allah ɗon waŋga, ɗon hulna en.

Jabuura 143:5

Mi ɗon siftora nyalɗe caaliiɗe, mi ɗon numta kuuɗe ma fuu mi ɗon numta ko juuɗe ma mbaɗi.

Jabuura 20:7

Jonta mi anndi Jawmiraawo woni kisnoowo laamiiɗo mo o suɓi, o jaaboto mo diga haykaliiru maako seniindu haa asamanji, o wallan mo bee nyaamo maako marŋgo baawɗe.

Jabuura 27:1

Yimre Daawuda. Jawmiraawo woni annoora am e kisndam am, moy kulanmi? Jawmiraawo woni hisrude yoŋki am, moy waawata hulnugo yam?

Jabuura 46:11

O ɗon wi'a: “Nde'ite, annde min woni Allah. Min woni Ɓaŋiiɗo dow ummaatooje duniyaaru fuu.”

Jabuura 65:5

Barka laatani cuɓaaɗo ma mo nduŋaniiɗa ɓaditaago ma haa o jooɗo nder saare maaɗa! Min kaaran barkaaji suudu ma, haykaliiru ma seniindu.

Jabuura 66:3

Mbi'e Allah: “Kuuɗe ma ɗe kaayeefiije! Koo konne'en ma boo tefi fottango ma bee bolle belɗe, ngam baawɗe ma ɗuuɗi masin.

Jabuura 66:5

Ngare, ndaare kuuɗe Allah, kuuɗe maako kulniiɗe ɗe o huuwani ɓiɓɓe Aadama!

Gurtaaki 14:14

Jawmiraawo haɓanan on, onon on cirwo!”

Gurtaaki 14:25

O fali pallooje mootaaji maɓɓe haa ɗe ngirlataa booɗɗum. Misra'en mbi'i: “Ndoggen Isra'iila, ngam Jawmiraawo ɗon haɓa bee meeɗen ngam Isra'iila'en!”

Gaazoowo 12:1

Siftor tagɗo ma nder saa'i sukaaku ma, hiddeko balɗe kalluɗe ngara, hiddeko duuɓi ɓadito haa mbi'ata: Ɗum fottantaa yam fahin,

Daniyel 11:32

Fiistuɓe alkawal Allah, laamiiɗo estan ɓe bee pewe mum. Ammaa ummaatoore anndunde Allah muuɗum dartoto bee semmbe.

Zekariya 14:3

Nden Jawmiraawo wurtoto, haɓan bee ummaatooje ɗe'e, bana o woowri haɓugo nder nyalaade haɓre.

Limle 14:9

Tan nii, taa on tuurtana Jawmiraawo! Taa kule boo ummaatoore wonnde ton ngam en njaaloto nde bee koyɗum. Nde walaa fadduye fahin, ammaa enen kam Jawmiraawo ɗon wondi bee meeɗen. Taa kule nde!”

Matta 10:28

Taa kule yimɓe ngam koo ɓe mbaawan mbarugo ɓalli mooɗon, ɓe mbaawataa mbarugo yoŋki. Ammaa kule Allah baawɗo halkugo ɓanndu e yoŋki fuu nder yiite jahannama.

Tooktaaki Tawreeta 1:21

Ndaare lesdi ndi Jawmiraawo, Allah kaakiraaɓe mon hokkata on. Njehe, nyaame ndi bana o umri on. Taa kule, taa kultore sam!

Tooktaaki Tawreeta 10:17

Ngam Jawmiraawo, Allah mooɗon o Allah ɓurduɗo ɗowanteeɓe fuu, o Jawmiraawo jawmiraaɓe. O Allah mawɗo, baawɗo, kuleteeɗo. O senndindirtaa yimɓe, o jaɓataa ngeenaari zammba.

Ibraniŋke'en 13:6

Ngam maajum en mbaawan wolwugo bee dartaare: “Jawmiraawo woni balloowo yam, mi hulataa! Ɗume neɗɗo waawata waɗugo yam?”

Yosuwa 1:9

Naa mi umri ma na? Sey a semmbiɗa, a laato cuusɗo. Taa hul, taa diwtora sam, ngam min, Allah Jawmiraawo maaɗa mi ɗon wondi bee maaɗa haa njahata fuu.”

Alkaali'en 3:27

Nde o nasti ton, o fuufi luwal konu nder kooseeje Efrayim ngam haa o ewno Isra'iila'en. Ɓe ndiirti kooseeje, kaŋko o ardi ɓe.