Nehemiya 2:5 - Fulfulde Bible

⁵ nden mi jaabi laamiiɗo: “To ɗum fottani ma, barkaama, to a yerdanake maccuɗo ma, useni nelam haa lesdi Yahuuda, haa berniwol ngol ɓe uwi kaakiraaɓe am, ngam haa mi nyiɓto ngol.”

Fulfulde DC Bible

⁵ nden mi jaabi laamiiɗo: “To ɗum fottani ma, barkaama, to a yerdanake maccuɗo ma, useni nelam haa lesdi Yahuuda, haa berniwol ngol ɓe uwi kaakiraaɓe am, ngam haa mi nyiɓto ngol.”

Nehemiya 2:5 Iomraidhean Croise

2 Samuyila 14:22

Yo'ab tuggi koppi, waali, hippi yeeso Daawuda, wi'i: “Allah barkiɗine barkaama! Jonta mi anndi a yerdi yam, ngam a jaɓani yam tornde am.”

Esira 5:17

Kadi jonta, to ɗum fottani ma, barkaama, umru linyugo nder sigordu defte haa laamorde Baabila ngam anndugo: Gooŋga laamiiɗo Koores umri nyiɓtaago haykaliiru Allah haa Urusaliima na malla naa non? Ɓaawo man a anndina min muuyo maaɗa, barkaama.”

Nehemiya 2:4

Laamiiɗo ƴami yam: “Ko ngiɗɗa kadi?” Mi tori Allah mo asama,

Nehemiya 2:6

Laamiiɗo ɗonno jooɗodi bee daada saare muuɗum ƴami: “Haa ndeye jahaaŋgal ma duurata? Ndeye a lortoto?” Ɗum fottani mo o accammi mi dilla. Min boo mi wi'i mo wakkati man.

Asta 1:19

To ɗum fottani ma, barkaama, waɗ umroore, nde winnde nder umrooje Persiya'en e Mediya'en ngam taa nde waylo. Nde wi'a: Taa Wasti meeta waŋgugo yeeso laamiiɗo Ahasuwerus, laamiiɗo tammi hokkugo tedduŋgal maako haa debbo feere, ɓuranɗo mo wooɗugo.

Asta 5:8

To mi heɓi mo'ere haa maaɗa, barkaama, to ɗum fottani ma a yerdo tornde am, a waɗa ko mi ɗaɓɓata boo, nden kam war jaŋngo bee Hamman ngam nyaamduuji ɗi mi waɗanta on. Jaŋngo njaabotoomi ko ƴamɗa, barkaama.”

Asta 7:3

Asta, debbo laamiiɗo jaabi: “To mi heɓi mo'ere haa maaɗa, barkaama, to ɗum fottani ma, mi tori ma a hisna yoŋki am e yimɓe ummaatoore am boo.

Asta 8:5

Nden o wi'i: “To a yerdake, barkaama, to mi heɓi mo'ere haa maaɗa, to haala ka fottani ma, to mi heɓi yerduye ma boo, ɓe mbinnda bataakeeji ngam waylititgo ɗi Hamman ɓii Hammedata Agagiijo nufi, winndi ngam halkugo Yahuudu'en wonɓe nder lesɗe maaɗa fuu, barkaama.

Balndi 3:4

Nden kam a heɓan yerduye e innde woonde haa Allah e yimɓe fuu.

Daniyel 9:25

Ngam maajum anndu e faamu ɗu'um: Diga saa'i wolde iwi haa Allah ngam nyiɓtaago Urusaliima haa wargo ardiiɗo mo Allah moyti ɗum, duuɓi joweeɗiɗi nde joweeɗiɗi caaloto. Nden nder duuɓi cappanɗe joweego e ɗiɗi (62) nde joweeɗiɗi, yimɓe nyiɓtoto Urusaliima: Laabi e gasɗe paddooje mahititte nder wakkati ɓillaaje.

Matta 23:27

Bone laatanto on, onon moodiɓɓe tawreeta e Farisa'en, naafiki'en! On ɗon nanndi bee genaale ndanwinaaɗe, booɗɗe laareego, ammaa nder maaje ɗon heewi i'e maayɓe e nyolɗum fuu.

Ruut 2:13

Ruut jaabi: “Accu mi heɓa mo'ere haa maaɗa, jaagorɗo am ngam a de'itini yam, a seyni yam, koo nde mi wonaay gooto caka horɓe ma boo.”