Nehemiya 1:7 - Fulfulde Bible

⁷ Min mbaɗi kalluɗum masin dow maaɗa, min ɗowtanaaki farillaaji e umrooje e kiitaaji ɗi umruɗa jaggiiɗo ma Muusa.

Fulfulde DC Bible

⁷ Min mbaɗi kalluɗum masin dow maaɗa, min ɗowtanaaki farillaaji e umrooje e kiitaaji ɗi umruɗa jaggiiɗo ma Muusa.

Nehemiya 1:7 Iomraidhean Croise

1 Laamiiɓe 2:3

Sey a tokko ɗowtanaago Jawmiraawo Allah maaɗa. Tokka laabi maako, hakkilan farillaaji maako e umrooje maako e kiitaaji maako e seedamkuuji maako, bana ko winnda nder tawreeta Muusa, ngam keɓa barka nder kuuɗe ma fuu e koo toy njahata fuu,

2 Habaruuji Nyalaaɗe 25:4

Ammaa o mbaraay ɓiɓɓe maɓɓe. O waɗi fodde ko winnda nder tawreeta, deftere Muusa. Ton Jawmiraawo umri: “Taa baabiraaɓe maaya ngam daliila hakkeeji ɓiɓɓe muuɗum'en. Taa ɓiɓɓe boo maaya ngam daliila hakkeeji baabiraaɓe muuɗum'en. Ammaa koo moy maaya ngam daliila hakke muuɗum tan.”

2 Habaruuji Nyalaaɗe 27:2

O waɗi ko fottani Jawmiraawo, bana baaba maako Uzziya waɗno fuu, bilaa woofugo bee nastugo nder haykaliiru Jawmiraawo, ammaa ummaatoore tokki waɗugo kalluɗum.

Jabuura 106:6

Min mbaɗi hakke bana kaakiraaɓe amin, min mbaɗi ko halli, min aybuɓe.

Jabuura 89:31

Ammaa to yimɓe danygol maako acci tawreeta am, to ɓe tokkaaki kiitaaji am,

Jabuura 89:32

to ɓe tuurtani farillaaji am, to ɓe ɗowtanaaki umrooje am,

Esaaya 1:4

Bone laatanto ummaatoore hakke'en nde'e, ummaatoore heewnde zunuuba, asŋgol halluɓe, ɓiɓɓe wonniiɓe! Ɓe ngudini Jawmiraawo, ɓe njawi Ceniiɗo Isra'iila, ɓe ndokkiti mo ɓaawo.

Daniyel 9:11

Isra'iila'en fuu ƴaɓɓi tawreeta ma, cali ɗowtanaago bolle ma. Min mbaɗi hakke dow maaɗa, ngam maajum naalooje e kunayeeje binndaaɗe nder tawreeta jaggiiɗo ma Muusa fuu ukkani min.

Daniyel 9:13

Kiita ka winnda nder tawreeta Muusa fuu do'i dow amin. Ammaa koo jonta boo, yaa Jawmiraawo Allah amin, min toraaki ma mo'ere, min tuubaay dow aybeeji amin, min kakkilanaay gooŋga ma.

Hose'a 9:9

Ɓe mbonni masin bana yimɓe Gibiya. Allah siftoran aybeeji maɓɓe, hiitoto hakkeeji maɓɓe.”

Farillaaji Lewi'en 27:34

Kanjum woni umrooje ɗe Jawmiraawo umri Muusa dow hooseere Sina ngam Isra'iila'en.

Sefaniya 3:7

Mi tammi: Jonta ngol hulatam sike, ngol jaɓan elto am. Nokkuure maagol wilatake! Nde mi hiiti yimɓe maagol fuu, ɓe tullitini kuuɗe maɓɓe.

Tooktaaki Tawreeta 4:1

Muusa wi'i: Jonta, onon Isra'iila'en, nane farillaaji e kiitaaji ɗi ekkitinanmi on, ɗowtane ɗum. Nden on ngeeɗan, on nastan lesdi ndi Jawmiraawo, Allah kaakiraaɓe mooɗon hokkan on ngam maron ɗum.

Tooktaaki Tawreeta 4:5

“Ndaa, mi ekkitini on farillaaji e kiitaaji, fodde ko Jawmiraawo, Allah am umri yam. Ɗowtane ɗi nder lesdi ndi ɓadiiɗon nastugo ngam maron ɗum.

Tooktaaki Tawreeta 5:1

Muusa mooɓti Isra'iila'en fuu, wi'i ɓe: “Onon Isra'iila'en, nane farillaaji e kiitaaji fuu ɗi umranmi on hannde! Ekkite ɗi, kakkilane ɗi, ɗowtane ɗi.

Tooktaaki Tawreeta 6:1

“Ndaa umrooje e farillaaji e kiitaaji fuu ɗum Jawmiraawo, Allah mooɗon umri yam ekkitingo on. Ɗowtane ɗum nder lesdi ndi on ɓadake nastugo ngam maron ɗum.

Wahayu Yuhanna 19:2

Ngam kiitaaji maako ɗi gooŋgaaji e adiliiji, o hiiti daakaareejo ɓurduɗo hallugo mo wonni duniyaaru fuu bee daakaareeku muuɗum. O waati mo ƴiiƴam jaggiiɓe maako ɗam o rufi.”