Nahum 3:6 - Fulfulde Bible

⁶ Mi rufan mbuuwri dow maaɗa, mi bustinte, mi laatinte huunde laareteende meere.

Fulfulde DC Bible

⁶ Mi rufan mbuuwri dow maaɗa, mi bustinte, mi laatinte huunde laareteende meere.

Nahum 3:6 Iomraidhean Croise

Ayuba 30:19

Allah hoo'i yam, sakkini yam nder loope, haa mi nanndi bee ndoondi e mbulwuldi.

Ayuba 30:8

Mooɓre meere'en non, ɓe ngalaa inɗe boo, ɓe riiwaaɓe bee ɓoccol yaasi lesdi.

Ayuba 9:31

a nastintam nder loope. Nden kam, koo limce am elnatam.

Yeremiya 51:37

Nden Baabila laatoto waagaare kaa'e e jooɗorde cuuli. Woodaa mo jooɗoto ton. Caalotooɗo fuu hultoran, hayɗinan dow maagol.

Gimi Boyki 3:16

O dooli yam ƴakkugo kaa'e, o i'i yam nder ndoondi.

Ezekiyel 16:37

Ngam maajum mi mooɓtan waaye'en ma ɓe pottanɗa fuu, yimɓe ɓe ngiɗɗa e yimɓe ɓe a yiɗaa fuu. Mi mooɓtan ɓe haa maaɗa diga koo toy. Nden cudditanmi ɓanndu ma yeeso maɓɓe haa ɓe ngi'a temmbuki ma.

Nahum 1:14

An Niniwe, ndaa ko Jawmiraawo umri dow maaɗa: “Yeeso ɗo, a heɓataa danygol tabitinanŋgol innde maaɗa fahin. Mi nattinan suura cehaaka e suura njamndi ɓolinaandi nder suudu ɗowanteeɓe maaɗa. Mi taaskitinan yenaande ma, ngam a laati huunde meere.”

Habakuk 2:16

A haari bee toskaare, naa bee tedduŋgal. Sey a yara, an boo, a waŋgina saadooniiku ma. Jardugel tikkere nder juŋngo nyaamo Jawmiraawo loroto dow hoore maaɗa, tedduŋgal maaɗa laatoto toskaare mawnde.

Sefaniya 2:15

Bana non berniwol ceyiiŋgol koolɗiniiŋgol laatorto, ngol jooɗino jam, ngol wi'no: “Sey min, walaa berniwol potanŋgol bee am sam!” Ayye! Ngol laati ladde meere e waalorde kuuje ladde! Koo moy caalotooɗo haa maagol wemmboto, dimmban hoore mum.

Malakiya 2:2

To on nanaay, to on mbaɗaay anniya teddingo innde am, nden kam mi ukkan naaloore dow mooɗon, mi laatinan barkaaji mon naaloore. Ooho, mi naali ɗi, ngam on ngalaa anniya hakkilango koo ɗume.” Non Jawmiraawo honooɓe asama wi'i.

Malakiya 2:3

“Ndaa, mi furkititto danygol mon, mi wiccan coowoowe dabbaaji ɗi on kirsata nder juulɗe mon haa geese mon, ɓe ndufdan on bee maaje fuu.

Malakiya 2:9

Ngam man mi yawni on, mi toskini on yeeso ummaatoore fuu, ngam on kakkilanaay laabi am. Nde on mbaɗi kiita boo, on kiitaaki yimɓe fuu kal-kal.”

1 Korintu'en 4:13

To ɓe nyo'i min, min njaabo bee bolle belɗe. Haa jonta min laati bana mbuuwri duniyaaru, bana nyidduɗum ko yimɓe fuu ngudinta.

1 Korintu'en 4:9

Ammaa mi tammi minin nelaaɓe, Allah waɗi min ɓaawo'en bana hiitaaɓe ngam mbareego. Min laatake bana huunde fijirteende yeeso duniyaaru, yeeso malaa'ika'en e yimɓe.

Ibraniŋke'en 10:33

Ndego ɓe kuɗi on, ɓe toonyi on yeeso yimɓe, luttuɓe mooɗon boo tiɗɗini huɗaaɓe go.

Yahuuda 1:7

Bana non boo Sodoma e Gomorra bee berniiji piltuɗi. Yimɓe maaji mbaɗi bana malaa'ika'en go mbaɗi, ɓe tokki waɗugo daakaareeku, ɓe mbaɗi baaldal ngal luuti ɗabiya. Kiita yiite duumiiŋge ɗon torra ɓe, ɗum laati deentinki ngam yimɓe fuu.