Nahum 1:6 - Fulfulde Bible

⁶ Moy dartoto yeeso ɓernuki maako? Moy waawata dartanaago tikkere maako saatunde? Ɓernuki maako ɗon waanjo bana yiite, tapaaje ceeki yeeso maako.

Fulfulde DC Bible

⁶ Moy dartoto yeeso ɓernuki maako? Moy waawata dartanaago tikkere maako saatunde? Ɓernuki maako ɗon waanjo bana yiite, tapaaje ceeki yeeso maako.

Nahum 1:6 Iomraidhean Croise

1 Laamiiɓe 19:11

Jawmiraawo wi'i mo: “Wurta, dara dow hooseere yeeso am.” Ndaa Jawmiraawo ɗon saalo. Law henndu saatundu wifi bee semmbe haa ndu seeki kooseeje, ndu fusi tapaaje yeeso Jawmiraawo. Ammaa Jawmiraawo wonaay nder henndu. Ɓaawo henndu, dimmbaaki lesdi waɗi. Ammaa Jawmiraawo wonaay nder dimmbaaki lesdi.

Ayuba 26:11

To o telɓani daŋraŋge asama, ɗe ndimmboto, ngam ɗe ɗon kultora.

Ayuba 40:11

Laar mawnitiiɓe, leesnu ɓe, a rufa tikkere dow maɓɓe fuu boo.

Ayuba 9:5

O sottinan kooseeje bilaa anndaaŋgal maaje, nder ɓernuki maako o hippan ɗe.

Jabuura 130:3

To a limi aybeeji amin, yaa Jawmiraawo Allah, moy waawata daraago yeeso ma?

Jabuura 2:12

Kebbe Ɓiɗɗo oo, ngam taa o ɓerna, nden on kalka haa laawol mon. Ngam nii seɗɗa o ɓernan. Seyo laatani nyukkotooɓe haa maako.

Jabuura 76:7

An a furkiti ɓe, yaa Allah Yaakubu, pucci mbaati, wa'iiɓe ɗi fuu ndo'i, maayi.

Jabuura 76:8

Fakat a kulniiɗo! Moy waawata daraago yeeso ma to a tikki?

Jabuura 90:11

Moy anndi semmbe ɓernuki ma? Moy anndi tikkere ma fodde kulol ngol haandani ma?

Esaaya 10:16

Ngam man Allah, Jawmiraawo honooɓe asama nelan fooyre caka fayɓe laamiiɗo Assuura. Yiite bana jamnere huɓɓete, nyaaman tedduŋgal maako.

Esaaya 13:13

Ngam man ndimmbanmi asama, lesdi dimmboto dow caɓɓaaje maari daliila tikkere Jawmiraawo honooɓe asama, daliila nyalaade nde tikkere maako saatata.

Esaaya 27:4

Mi acci tikkango ka. To mi tawi gi'e e giŋngille, mi honan ɗe, mi wulan ɗe fuu.

Esaaya 33:14

Marɓe hakke nder Siyona ɗon kultora, diwnol naŋngi yedduɓe Allah. Ɓe ɗon mbi'a: “Moy caka meeɗen waawata faɓɓugo kommbi yiite wulanŋge? Moy waawata faɓɓugo kommbi nguli maage haa foroy?”

Esaaya 66:15

Ngam ndaa, Jawmiraawo ɗon wara nder yiite, mootaaji pucci maako bana duluuru. O hiɓɓinan tikkere maako bee caatal, o telɓiran bee ɗemɗe yiite.

Yeremiya 10:10

Ammaa Jawmiraawo o Allah bee gooŋga, o Allah geeto, o laamiiɗo duumiiɗo. To o ɓerni, lesdi dimmboto, to o tikki, ummaatooje ndarataako.

Gimi Boyki 2:3

Bee caatal tikkere maako o nattini semmbe Isra'iila fuu. O sali wallugo en, nde konne'en ngari. O huɓɓi yiite nder lesdi Yaakubu, nge ɗon nyaama ko taari ɗum fuu.

Gimi Boyki 2:4

O tiri lagaawal maako bana konneejo, nyaamo maako dimmbaaki. Bana ganyɗo o mbari koo ɗume ko fottani gite men. O rufi tikkere maako bana yiite nder cuuɗi men.

Gimi Boyki 4:11

Jawmiraawo timmini tikkere mum, waanji ɓernuki mum caatuki dow Siyona. O huɓɓi yiite nder Siyona, nge nyaami koo caɓɓaaje boo.

Ezekiyel 21:31

Min Allah Jawmiraawo wi'i ɗum. Ittu meetaleewol ma e fawnere taariinde hoore ma. Kuuje fuu ngayloto! Leesɓe ɓaŋgoto, ɓaŋgiiɓe boo leestan.

Ezekiyel 30:16

Mi jamnan yiite nder Misra, Siin diwnan ngam kulol. Konne'en ceekan mahi taariiɗi No, ndiyam ilnan berniwol boo.

Ezekiyel 39:6

Mi neldan yiite nder lesdi Magog, non boo haa duuɗe, haa yimɓe ɗon njooɗi nder jam. Ɓe paaman min woni Jawmiraawo.

Ezekiyel 7:8

Jonta mi ɓadi rufugo ɓernuki am dow mooɗon, haa mi rufda tikkere am fuu dow mooɗon, mi hiito on fodde kuuɗe mon, mi ƴamtan on kuuɗe mon nyidduɗe.

Nahum 1:2

Jawmiraawo o Allah kaajuɗo, o waatoto! Jawmiraawo waatoto, o keewɗo tikkere, o waatoto wanywanyɓe maako, o yejjitittaa aybe konne'en maako!

Sefaniya 2:2

hiddeko on caŋkito, on majja bana nyaande, hiddeko tikkere Jawmiraawo saatunde ukkano on, hiddeko nyalaade tikkere maako wara dow mooɗon.

Malakiya 3:2

Ammaa moy waawata ɓusugo nyalaade garki maako? Moy waawata dartaago nyalaade nde o waŋgoyta? Ngam o laatoto bana yiite ɓolinoowo, bana saabulu lootoowo.

Wahayu Yuhanna 16:1

Nden mi nani sawtu iwi diga haykaliiru ɗon wi'a malaa'ika'en njoweeɗiɗo go bee semmbe: “Njehe, ndufe taasaaje ɓernuki Allah joweeɗiɗi go haa duniyaaru!”

Wahayu Yuhanna 16:8

Nden malaa'ikaajo nayaɓo rufi ko woni nder taasawo muuɗum haa naaŋge. Nge hokkaama laawol wulugo yimɓe bee yiite wulŋge jaw.

Wahayu Yuhanna 6:17

Ngam nyalaade ɓernuki maɓɓe mawnde yottake, moy waawata dartanaago nde?”