Nahum 1:2 - Fulfulde Bible

² Jawmiraawo o Allah kaajuɗo, o waatoto! Jawmiraawo waatoto, o keewɗo tikkere, o waatoto wanywanyɓe maako, o yejjitittaa aybe konne'en maako!

Fulfulde DC Bible

² Jawmiraawo o Allah kaajuɗo, o waatoto! Jawmiraawo waatoto, o keewɗo tikkere, o waatoto wanywanyɓe maako, o yejjitittaa aybe konne'en maako!

Nahum 1:2 Iomraidhean Croise

Ayuba 20:23

Saa'i o ɗon hebbina reedu maako, Allah ukkanan mo ɓernuki muuɗum fuu, bana iyeende ki toɓan dow goɗɗo oo.

Jabuura 94:1

Yaa Jawmiraawo, an woni Allah baatoowo! Waŋgin ɓernuki ma, yaa Allah baatoowo!

Gurtaaki 20:5

Taa sujidan suuraaji ɗi'i, taa rewu ɗi! Ngam min Jawmiraawo Allah ma, mi yiɗaa a tokko ɗowanteeɗo feere sam. Mi hiitoto aybe wanyɓe yam haa ɓiɓɓe maɓɓe, koo haa taaniraaɓe maɓɓe e jaatiraaɓe maɓɓe boo.

Gurtaaki 34:14

Taa cujidane ɗowanteeɗo feere, ngam Jawmiraawo mo innde muuɗum Kaajuɗo, o Allah mo yiɗaa on tokko ɗowanteeɗo feere sam.

Gurtaaki 34:7

Mi tokkoto waŋgingo mbooɗeeŋga am haa yotto gide ujineere. Mi yaafoto aybe e tuurtol e hakke. Ammaa mi laarataa aybuɗo bana laaɓɗo sam. Mi hiitoto aybe baabiraaɓe haa ɓiɓɓe e taaniraaɓe haa yidere tataɓre e nayaɓre.”

Esaaya 42:13

Jawmiraawo ɗon wurto bana jaaliiɗo, bana konoowo o ɗon ummina tikkere maako saatunde. O ɗon hoola, o ɗon wooka wookaandu konu. O ɗon jaalo konne'en maako.

Esaaya 51:17

Fin, fin! Umma, an Urusaliima! A yari jardugel tikkere ngel juŋngo Jawmiraawo hokki ma. A yari ko woni nder jardugel fuu haa ɗum hokki ma giilol!

Esaaya 51:20

Ɓiɓɓe ma tampi, njani. Ɓe ɗon mbaali haa nyobborle laabi bana jabaare nder tuuforgol. Jawmiraawo Allah maaɗa rufi tikkere mum dow maɓɓe, o telɓani ɓe.

Esaaya 66:15

Ngam ndaa, Jawmiraawo ɗon wara nder yiite, mootaaji pucci maako bana duluuru. O hiɓɓinan tikkere maako bee caatal, o telɓiran bee ɗemɗe yiite.

Yeremiya 25:15

Jawmiraawo, Allah Isra'iila wi'i yam: “Ndaa jardugel keewŋgel tikkere am. Hoo'u ngel nder juŋngo am, yarnu ngel ummaatooje haa nelanmaami fuu.

Yeremiya 28:8

Annabi'en aartuɓe en, kamɓe boo ɓe mbaɗi annabaaku dow lesɗe ɗuuɗɗe e laamuuji mawɗi. Ɓe mbolwi haala konu e sarru e nyawu kalluŋgu ndaaɓoowu.

Yeremiya 3:5

A numi: O tikkantam haa foroy na, o limantam ɗum aybe haa abada na? Bana nii mbi'ɗa, ammaa bee non fuu a tokki waɗugo kalluɗum.”

Yeremiya 36:7

Teema tornde maɓɓe yottoto Jawmiraawo, ɓe fuu ɓe lortoto diga laabi maɓɓe kalluɗi. Ngam Jawmiraawo furkiti yimɓe ɓe'e bee ɓernuki mum e tikkere mum saatunde masin.”

Yeremiya 4:4

Njuulne ko'e mooɗon ngam Jawmiraawo, itte saadooniiku ɓerɗe mooɗon, onon yimɓe Yahuuda e jooɗiiɓe haa Urusaliima, ngam taa tikkere am ummo bana yiite, taa nde wula ngam kuuɗe mooɗon kalluɗe, walaa baawanɗo nyifugo nge.”

Yeremiya 50:15

Ummine gookaali konu nder taarde maagol fuu. Jonta berniwol Baabila yoofi balmi mum. Cuuɗi maagol cemmbiɗɗi ngibbi, mahi maagol ngibbi. Min Jawmiraawo mi ɗon waato yimɓe Baabila. Onon boo mbaate ɓe, mbaɗe ɓe ko ɓe mbaɗi naane!

Gimi Boyki 4:11

Jawmiraawo timmini tikkere mum, waanji ɓernuki mum caatuki dow Siyona. O huɓɓi yiite nder Siyona, nge nyaami koo caɓɓaaje boo.

Ezekiyel 36:6

Ngam maajum waɗ annabaaku dow lesdi Isra'iila. Yeccu kooseeje e towndiije e maahoy e waadiiji ko min Allah Jawmiraawo mbi'anmi bee tikkere kaajal am ngam daliila jancooje ummaatooje dow lesdi ndi'i.

Ezekiyel 38:18

Allah Jawmiraawo wi'i: “Nyalaade nde Gog ukkanto Isra'iila, mi tikkan.

Ezekiyel 38:19

Ngam daliila tikkere am haajunde, saatunde, mi ɗon huno: Nyalaade man dimmbaaki lesdi cemmbiɗki waɗan nder Isra'iila.

Ezekiyel 39:25

Ndaa nii Allah Jawmiraawo wi'i: “Jonta mi wartiran dahaaɓe danygol Yaakubu haa lesdi muuɗum'en, mi enɗan yimɓe Isra'iila fuu. Mi aynan innde am seniinde bee yiide haajunde.

Ezekiyel 5:13

Mi rufdan tikkere am fuu dow maɓɓe, mi de'itinan ɓernuki am, mi feewnan ɓernde am. Nden, ɓe paaman min Jawmiraawo wolwi ɗum nder kaajal am to mi rufdi tikkere am fuu dow maɓɓe.

Ezekiyel 6:12

Daayiiɓe maayran bee nyawu kalluŋgu ndaaɓoowu, ɓadiiɓe njaniran bee kaafahi, luttanɓe hisɓe boo maayran bee weelo. Bana non mi rufirta tikkere am fuu dow maɓɓe.

Ezekiyel 8:18

Ngam maajum maatinanmi ɓe tikkere am. Mi laarataa ɓe bee enɗam, mi yurmintaa ɓe sam. Koo to ɓe mboyani yam bee sawtu, mi nanataa ɓe.”

Yo'el 2:18

Jawmiraawo yiɗi lesdi muuɗum bee yiide haajunde, o enɗi yimɓe ummaatoore maako.

Farillaaji Lewi'en 26:28

nden kam mi honan on bee tikkere, mi tullitinan kiitaaji dow hakkeeji mon cowi joweeɗiɗi fahin.

Mika 7:18

Moy ɗowanteeɗo nanndi bee maaɗa? A yaafoto aybe, a falataa tuurtol yimɓe maaɗa luttuɓe. Tikkere maaɗa duurataa haa foroy ngam a yerdi woonango min.

Zekariya 1:14

Nden malaa'ikaajo oo wi'i yam: “Wooynu ni'i: Ndaa ko Jawmiraawo honooɓe asama wi'i: Mi mari yiide haajunde masin dow Urusaliima e Siyona.

Zekariya 8:2

“Min Jawmiraawo honooɓe asama, mi woodi yiide haajunde masin ngam Siyona. Nde ɗon wula nder am jaw bana yiite.”

Limle 25:11

“Pinehas ɓii Eli'azaaru ɓii Haruna limanjo feewtini tikkere am dow Isra'iila'en, o waŋgini kaajal am dow maɓɓe. Asee boo tikkere am haajunde halkidaay ɓe fuu.

Roma'en 12:19

Soobiraaɓe am, to goɗɗo waɗi on aybe, taa mbaate, ammaa acce tikkere Allah waɗa ɗum, ngam Deftere wi'i: “Min waatoto, min warjoto ɓe. Nii Jawmiraawo wi'i.”

Roma'en 13:4

Ngam marɗo laamu ɗon huuwana Allah haa o walla on waɗgo mbooɗeeŋga. Ammaa to on mbaɗi kalluɗum, doole on kula mo. Ngam o kuuwanoowo Allah, o woodi baawɗe hiitaago, Allah darni mo ngam haa o waŋgina tikkere Allah dow waɗanɓe halleende.

Tooktaaki Tawreeta 4:24

Ngam Jawmiraawo, Allah mooɗon ɗon bana yiite wulanŋge, o yiɗaa on tokko ɗowanteeɗo feere sam.

Tooktaaki Tawreeta 7:10

Ammaa o neeɓataa waataago wanyɓe mo. Fakat o halkan koo moy ganyɗo mo.

Ibraniŋke'en 10:30

Ngam en anndi mo wi'i: “Min waatoto, min warjoto,” o wi'i boo: “Jawmiraawo hiitoto ummaatoore muuɗum.”

Yosuwa 24:19

Yosuwa wi'i yimɓe ummaatoore: “On mbaawataa jagganaago Jawmiraawo, ngam o Allah ceniiɗo o yiɗaa on tokko ɗowanteeɓe woɗɓe. O munyantaa tuurtolji e hakkeeji mon.

2 Piyer 2:9

Ammaa Jawmiraawo anndi no hisnirta hulɓe mo diga jarribeeki. O anndi boo no o aynirta halluɓe ngam haa o hiito ɓe nyannde kiita,