Mika 6:5 - Fulfulde Bible

⁵ Ummaatoore am, siftor ko Balak, laamiiɗo Mo'ab nufani ma e ko Balaama ɓii Be'or jaabi mo. Siftor boo ko saali diga Sittim haa yotti Gilgal, haa annda kuuɗe Jawmiraawo adiliije.”

Fulfulde DC Bible

⁵ Ummaatoore am, siftor ko Balak, laamiiɗo Mo'ab nufani ma e ko Balaama ɓii Be'or jaabi mo. Siftor boo ko saali diga Sittim haa yotti Gilgal, haa annda kuuɗe Jawmiraawo adiliije.”

Mika 6:5 Iomraidhean Croise

Jabuura 111:4

Jawmiraawo siftinori en kaayeefiiji mum, o marɗo enɗam e hinnuye.

Jabuura 143:11

Hisnu yoŋki am daliila innde ma, yaa Jawmiraawo! Wurtinam ɓillaare, daliila adilaaku ma!

Jabuura 36:10

Ngam haa maaɗa seeɓoore ngeendam fuu iwi, ngam daliila annoora ma min ɗon ngi'a annoora.

Jabuura 71:19

Adilaaku ma, yaa Allah, ɗon yotto asama, a waɗi kuuɗe mawɗe, yaa Allah, moy nanndi bee ma?

Esaaya 1:27

To Siyona waɗi kiita ngooŋɗuka, ngol hisnete. To yimɓe maagol tuubi, mbaɗi ko fottanta adilaaku, ɓe kisneteeɓe.

Limle 22:41

Jaŋngo fajiri man Balak wa'odi bee Balaama haa Bamot-Ba'al. Ton Balaama eewi yeɓre Isra'iila'en.

Limle 23:27

Nden Balak wi'i Balaama: “War useni, mi yahre haa nokkuure woɗnde. Teema ɗum fottanan Allah a naalanammi ɓe ton.”

Limle 25:1

Isra'iila'en caŋngini haa Sittim. Nden worɓe maɓɓe puɗɗi waɗugo daakaareeku bee rewɓe Mo'abi'en.

Limle 25:2

Rewɓe ɓe'e ewni Isra'iila'en haa kirseteeɗi ɗi Mo'abi'en lii'ani ɗowanteeɓe muuɗum'en. Isra'iila'en nyaamdi bee maɓɓe, cujidani ɗowanteeɓe maɓɓe.

Limle 31:16

Kamɓe ɓen tokki sawari Balaama, esti Isra'iila'en haa ɓe zammbi Jawmiraawo bee haala Pe'or. Kanjum fooɗani jama'aare Jawmiraawo masiibo.

Limle 31:8

Ɓe mbari laamiiɓe Mediyan njowo bee kaafahi: Ewi, Rekem, Cuuru, Huuru e Reeba, non boo Balaama ɓii Be'or.

Limle 33:49

Ɓe caŋngini kommbi Yeriko diga Bayti-Yesimot haa yotti Abel-Sittim nder laɗɗe Mo'ab.

Efesu'en 2:11

Ciftore ɗu'um: Naane on yimɓe ummaatooje goɗɗeno fodde ɗabiya neɗɗo. Yahuudu'en, juulniiɓe ɗon mbi'a on, on saadooni'en. Juulnol maɓɓe, ɗum juulnol ɓanndu ngol yimɓe mbaɗata.

Tooktaaki Tawreeta 16:3

Taa nyaamde ɗum bee tamseeje ufnaaɗe. Nyalɗe joweeɗiɗi nyaame tamseeje ɗe ufnaaka ngam on ngurti Misra bee jaawal. Tamseeje ɗe'e ciftinoran on ɓillaare mon, ngam taa on ngejjita nyalaade gurtaaki mon lesdi Misra, balɗe ngeendam mooɗon fuu.

Tooktaaki Tawreeta 23:6

Ammaa Jawmiraawo, Allah mooɗon nananaay Balaama. O wartiri naaloore man barka, ngam Jawmiraawo, Allah mooɗon yiɗi on.

Tooktaaki Tawreeta 8:18

Ciftore Jawmiraawo, Allah mooɗon, ngam kaŋko riskini on bee hokkugo on semmbe. O waɗi ɗum ngam alkawal ngal o haɓɓi bee kaakiraaɓe mooɗon bee hunayeere haa wargo hannde.

Tooktaaki Tawreeta 8:2

Ciftore laawol ngol Jawmiraawo, Allah mooɗon ɗowri on dow muuɗum duuɓi cappanɗe nayi nder ladde fuu, o leesni on ngam foondugo e laarugo ko woni nder ɓerɗe mooɗon, ngam laarugo on ɗowtanto umrooje maako na malla on ɗowtantaako ɗe?

Tooktaaki Tawreeta 9:7

Taa ngejjite sam no on tikkiniri Jawmiraawo, Allah mooɗon nder ladde. Diga nyannde gurtaaki mon haa lesdi Misra, haa njottiiɗon nokkuure nde'e, on ɗon tuurtani Jawmiraawo.

Yosuwa 2:1

Diga Sittim Yosuwa ɓii Nuuna neli horooɓe ɗiɗo bee sirri, wi'i ɓe: “Njehe, ndaare lesdi e berniwol Yeriko.” Ɓe ndilli, ɓe nasti saare debbo daakaareejo, innde muuɗum Rahab. Ɓe mbaali ton.

Yosuwa 3:1

Jaŋngo man Yosuwa dawi cub. Ɓe ummi Sittim, kaŋko bee Isra'iila'en fuu, ɓe ngari haa maayo Urdun. Ɓe mbaali ton hiddeko ɓe eero.

Yosuwa 4:19

Nyannde sappoore nder lewru aranndu, ummaatoore eeri Urdun, saŋngini haa Gilgal, haa seɓatto fuunaaŋge Yeriko.

2 Piyer 2:15

Ɓe acci laawol gooŋga, ɓe majji, ɓe tokki laawol Balaama ɓii Be'or, giɗɗo ngeenaari sooynde adilaaku,

1 Yuhanna 1:9

Ammaa to en mbaŋgini hakkeeji meeɗen yeeso Allah, kaŋko o koolaaɗo, adiliijo, o yaafanto en hakkeeji meeɗen, o laɓɓinan en diga sooynde adilaaku meeɗen fuu.

Yahuuda 1:11

Kayto! Bone laatanto ɓe ngam ɓe tokkake laawol Kayinu. Kadiboo ɓe njoofi ko'e maɓɓe nder majjere ngam heɓugo ceede bana ko Balaama waɗno. Ɓe tuurti bana Koora tuurtirno, ɓe kalki.

Wahayu Yuhanna 2:14

Ammaa woodi ko mi felirte seɗɗa: Woodi tokkiiɓe ekkitinol Balaama caka mooɗon. Kaŋko o ekkitini Balak no o nastinirta Isra'iila'en nder tuuforgol haa ɓe nyaama kusel kirsaaŋgel ngam labbi, ɓe mbaɗa daakaareeku boo.

Alkaali'en 11:25

A ɗon tammo a ɓuri Balak, ɓii Cippor, laamiiɗo Mo'ab semmbe na? Kaŋko ma o meeɗaay jokkirgo bee Isra'iila, ummaatoore Allah e o meeɗaay haɓugo bee maɓɓe boo.

Alkaali'en 5:11

Haa kommbi keeleeje, senndooɓe ndiyam ɗonno maŋgta kuuɗe Jawmiraawo adiliije, ɗum kuuɗe dimɗinooje nder Isra'iila, nden ummaatoore diirti haa dammuɗe berniwol.