Mika 6:4 - Fulfulde Bible

⁴ Mi wurtini on lesdi Misra, mi rimɗini on diga njeyaaŋgu. Mi neli Muusa e Haruna e Mariyama ngam ɗowugo on.

Fulfulde DC Bible

⁴ Mi wurtini on lesdi Misra, mi rimɗini on diga njeyaaŋgu. Mi neli Muusa e Haruna e Mariyama ngam ɗowugo on.

Mika 6:4 Iomraidhean Croise

2 Samuyila 7:23

Walaa ummaatoore feere haa duniyaaru bana yimɓe ma Isra'iila'en. An sootti ɓe ngam haa ɓe laato yimɓe ma. A huuwi kuuɗe mawɗe kulniiɗe ngam maɓɓe e ngam lesdi ma, bana nii a teddiniri innde ma. A rimɗini ɓe diga lesdi Misra, a riiwi ummaatooje goɗɗe e ɗowanteeɓe maaje yeeso maɓɓe haa ɓe laato jeyaaɓe ma.

Jabuura 77:20

A ta'i mbeela e maaje cemmbiɗɗe, ammaa walaa mo yi'i batte ma.

Gurtaaki 12:51

Nyalaade man nden Jawmiraawo wurtini honooɓe mum, waato ummaatoore mum Isra'iila'en lesdi Misra fodde mooɓe muuɗum'en.

Gurtaaki 20:2

“Min woni Jawmiraawo Allah maaɗa, gurtinɗo ma njeyaaŋgu haa lesdi Misra.

Gurtaaki 3:10

Jonta yah, mi neli ma haa Firawna, ngam a wurtina ummaatoore am Isra'iila diga Misra!”

Gurtaaki 4:10

Muusa wi'i Jawmiraawo: “Useni, Jawmiraawo, mi walaa baawal wolwugo. Mi meeɗaay heɓugo baawal man, koo diga saa'iire nde a ɗonno wolwanammi boo. Mi tedda-hundukoojo.”

Gurtaaki 4:16

Kaŋko o wolwanan ummaatoore mbattudi ma, o laatoto bolwoowo bolle ma. An boo a laatanto mo loŋnginoowo bolle.

Gurtaaki 6:27

Kamɓe mbolwani Firawna, laamiiɗo Misra, ngam wurtingo Isra'iila'en diga lesdi maako. Ɗum Muusa e Haruna.

Yeremiya 32:21

A wurtini yimɓe ummaatoore ma diga lesdi Misra bee alaamaaji e kaayeefiiji e juŋngo ma semmbiɗŋgo, fortiiŋgo e kulniiŋgo.

Amos 2:10

Ɗum min wurtini on Misra, mi ɗowi on nder ladde duuɓi cappanɗe nayi haa mi marna on lesdi Amoori'en.

Limle 12:1

Miriyam e Haruna mbolwi dow Muusa ngam o te'uno debbo Etiyopiyaajo.

Limle 33:1

Ndaa baalanɗe ɗe Isra'iila mbaɗi ɓaawo gurtaaki maɓɓe diga lesdi Misra, fodde mooɓe konu maɓɓe, dow ardaaŋgal Muusa e Haruna.

Kuuɗe Nelaaɓe 7:36

Muusa wurtini ɓe bee waɗugo kaayeefiiji e alaamaaji nder lesdi Misra, haa maayo Maaliya e haa ladde duuɓi cappanɗe nayi.

Tooktaaki Tawreeta 15:15

Ciftore, onon boo, naane on laatino maccuɓe nder lesdi Misra, ammaa Jawmiraawo, Allah mooɗon rimɗini on. Ngam maajum umrumi on umroore nde'e hannde.

Tooktaaki Tawreeta 24:18

Sey on ciftora no onon boo on laatino maccuɓe haa Misra. Ammaa Jawmiraawo, Allah mooɗon rimɗini on diga ton. Ngam maajum umrumi on huuwugo fodde wolde nde'e.

Tooktaaki Tawreeta 4:20

Ammaa onon, Jawmiraawo hooci on, wurtini on nder ɓolinirde njamndi nde lesdi Misra, ngam on laato ummaatoore maako e maral maako, bana no on mba'i hannde.

Tooktaaki Tawreeta 4:34

Malla ɗowanteeɗo moye foondi jaɓtugo ummaatoore mum diga juŋngo ummaatoore feere, bee masiibooji e alaamaaji e kaayeefiiji, bee konu e juŋngo semmbiɗŋgo e kuuje mawɗe kulniiɗe? Onon on ngi'i no Jawmiraawo, Allah mooɗon waarani on ɗum fuu haa Misra.

Tooktaaki Tawreeta 5:6

Min woni Jawmiraawo, Allah maaɗa, gurtinɗo ma jeyaaŋgu haa lesdi Misra.

Tooktaaki Tawreeta 7:8

Ngam Jawmiraawo yiɗi on, hebbini hunayeere nde o hunani kaakiraaɓe mon. O wurtini on bee juŋngo maako semmbiɗŋgo diga lesdi Misra, o rimɗini on e njeyaaŋgu diga juŋngo Firawna, laamiiɗo Misra.

Tooktaaki Tawreeta 9:26

Mi tori Jawmiraawo, mi wi'i mo: Yaa Allah Jawmiraawo, taa nattin ummaatoore ma nde marɗa, yimɓe ɓe kisnuɗa bee baawɗe ma mawɗe, ɓe ngurtinɗa lesdi Misra bee juŋngo ma semmbiɗŋgo.

1 Samuyila 12:6

Samuyila wi'i ɓe: “To non kam, sey mi wullo on yeeso Jawmiraawo. Sey mi siftinora on kuuɗe booɗɗe ɗe Jawmiraawo huuwani on, onon e kaakiraaɓe mon. Nde Yaakubu e yimɓe saare mum ngari haa Misra, nde kaakiraaɓe mon tori Jawmiraawo ballal, saa'i maajum o nelani ɓe Muusa e Haruna. Bee juuɗe worɓe ɗiɗo ɓe'e o wurtiniri ɓe lesdi Misra, o hokki ɓe joonde nder lesdi ndi'i.