Mika 5:8 - Fulfulde Bible

⁸ Isra'iila'en, ɓaŋgte juuɗe mon dow konne'en mon, haa ɓe fuu ɓe kalka!

Fulfulde DC Bible

⁸ Isra'iila'en, ɓaŋgte juuɗe mon dow konne'en mon, haa ɓe fuu ɓe kalka!

Mika 5:8 Iomraidhean Croise

Laataanooji 49:9

Yahuuda, ɓiɗɗo am. A nanndi bana ɓii mbarooga, paɗɗuŋga kusel, ɗappini. A roŋgini bana mbarooga, bana mbarooga ndewa, moy waawata haftingo mo?

Jabuura 104:20

A tagi nyiɓre. To jemma waɗi, kuuje laynde fuu ngurtoto.

Jabuura 44:5

Yaa Allah, an woni laamiiɗo am, an hokki danygol Yaakubu jaalorgal.

Jabuura 50:22

Paame ɗum, onon yejjitanɓe yam! To naa non mi seekan on, kisnanɗo on boo walaa.

Balndi 30:30

Mbarooga marŋga baawɗe caka dabbaaji, walaa ko lortinta nga

Esaaya 5:29

Hoolo maɓɓe bana ngo mbarooga, ɓe ɗon ubba bana ɓiɓɓe barooɗe. Ɓe ubba, ɓe naŋnga keɓal, ɓe ndaɗa bee maagal, walaa baawanɗo hisnugo ngal diga hunnduko maaga.

Ezekiyel 39:10

Walaa haaje ɓe teena leɗɗe haa ladde malla ɓe pe'a ɗe haa laynde, ngam ɓe kuɓɓiran yiite man bee balmi ɗi'i. Ɓe njaɓtan jaɓtooɓe ɓe, ɓe mbiftan wiftooɓe ɓe.” Non Allah Jawmiraawo wi'i.

Hose'a 5:14

Ngam min mi laatanto Efrayim bana mbarooga, mi laatanto Yahuuda bana mbarooga cemmbiɗŋga. Mi seekan, nden mi dilla. Mi jaɓtan, walaa kisnanɗo ɓe.

Mika 2:12

Jawmiraawo wi'i: “Onon danygol Yaakubu fuu, fakat mi mooɓtan luttuɓe Isra'iila. Mi hawtan on bana baali nder waalde, bana tokkere haa durdude, yimɓe mooɓre nde'e mbaɗan haraka makka.”

Mika 4:13

Jawmiraawo wi'i: “Umma, fiy, an ummaatoore Urusaliima! Mi hokkete luwe njamndi e koloŋgi njamndi mboɗeeri, haa a nama ummaatooje ɗuuɗɗe. Sey a lii'ano yam keɓal maaje, a hokka Jawmu duniyaaru jawdi maaje.”

Mika 4:7

Woosɓe, mi laatinan ɓe yimɓe luttuɓe, mi wartiran saŋkitiiɓe ummaatoore mawnde. Min Jawmiraawo mi laamanto ɓe dow hooseere Siyona, diga jonta haa foroy.”

Mika 5:3

Kaŋko o ummoto, o dura tokkere maako bee baawɗe Jawmiraawo, bee maŋngu innde Jawmiraawo Allah maako. Ɓe njooɗoto jam ngam laamu maako mawnan haa yotto keeri duniyaaru.

Mika 7:18

Moy ɗowanteeɗo nanndi bee maaɗa? A yaafoto aybe, a falataa tuurtol yimɓe maaɗa luttuɓe. Tikkere maaɗa duurataa haa foroy ngam a yerdi woonango min.

Zekariya 10:5

Yimɓe Yahuuda nanndan bee honooɓe semmbiɗɓe, ɓe ndamman konne'en maɓɓe bana loope dow laawol. Non ɓe kaɓrata, ngam min Jawmiraawo mi ɗon wondi bee maɓɓe. Konne'en maɓɓe wa'iiɓe pucci, keewan semteende.

Zekariya 11:6

Jawmiraawo wi'i: “Mi enɗataa jooɗiiɓe nder lesdi! Mi hokkan koo moy haa juŋngo keeddiɗɗum e juŋngo laamiiɗo mum. Kamɓe ɓe mbonnan lesdi, min boo mi hisnataa koo moye diga juuɗe maɓɓe.”

Zekariya 12:3

Nder wakkati man laatinanmi Urusaliima bana hayre teddunde ngam ummaatooje fuu. Yiɗɓe eftugo nde fuu ɓoostoto. Nden ummaatooje duniyaaru fuu mooɓan ngam honugo ngol.

Zekariya 14:18

To asŋgol Misra waraay haa Urusaliima ngam waɗugo juulde bukkaaji, nden kam masiibo ukkanto ngol bana ummaatooje ɗe ngarataa waɗugo juulde nde'e.

Zekariya 9:15

Jawmiraawo honooɓe asama aynan yimɓe mum. Ɓe kalkan konne'en, ɓe campitan kaa'e piɗaaɗe diga piwli, ɓe naman ɗe. Ɓe ndufan ƴiiƴam konne'en maɓɓe bana inaboojam. Ɓe ilnan ɗam bana ɗam kirsaaɗi nder taasaaje dufirɗe ƴiiƴam malla bana ƴiiƴam ndufaaɗam dow coɓɓuli hirsirde.

Limle 24:9

Ummaatoore nde'e ɗon roŋgino, ɗon waalo bana mbarooga. Moy yiɗi haftingo nga? Barka laatanto koo moy barkiɗinanɗo Isra'iila, ammaa naaloore ukkanto koo moy naalanɗo Isra'iila!”

Matta 10:14

To on nasti saare malla wuro, ɓe cali jaɓɓaago on malla nanango on, ngurte saare man malla wuro man, piɗɗe collaaje kosɗe mooɗon.

Kuuɗe Nelaaɓe 18:6

Ammaa ɓe ndartani mo, ɓe kuɗi mo. Pol fiɗɗi collaaje limce maako yeeso maɓɓe, wi'i: “To on kalki, annde ƴiiƴam mon ɗon dow ko'e mon, min kam mi laaɓɗo. Diga jonta mi yahan haa ummaatooje goɗɗe.”

Ibraniŋke'en 12:25

Kakkile, taa cale nanugo bolwanɗo jonta. Saliiɓe nanugo bolwuɗo haala Allah haa duniyaaru ngam reentingo ɓe, kisaay. Kadi noy enen en mbaawrata hisugo to en calake bolwanɗo diga asama!

Ibraniŋke'en 2:3

Kadi bana noy en kisrata to en ɗon ngeebi kisndam mawɗam ɗa'am? Jawmiraawo bee hoore muuɗum aarti anndingo en kisndam ɗa'am, nden nanɓe mo tabitinani en ɗam.