Mika 5:2 - Fulfulde Bible

² Ngam man Jawmiraawo accan yimɓe muuɗum, haa to ɓesnanɗo ɓesni. Nden luttuɓe deerɗiraaɓe ɓiɗɗo oo ngartan haa yimɓe Isra'iila.

Fulfulde DC Bible

² Ngam man Jawmiraawo accan yimɓe muuɗum, haa to ɓesnanɗo ɓesni. Nden luttuɓe deerɗiraaɓe ɓiɗɗo oo ngartan haa yimɓe Isra'iila.

Mika 5:2 Iomraidhean Croise

Laataanooji 35:16

Ɓe ummi Baytila. Nde luttani ɓe seɗɗa yottaago Efrata, Rahiilu ɓesni. Danyki maajum saɗi.

Laataanooji 35:19

Rahiilu maayi, ɓe uwi mo haa kommbi laawol Efrata, kanjum woni Baytilaama.

Laataanooji 48:7

Ngam saa'i mi warti diga Paddan-Aram, Rahiilu maayi haa am dow laawol nder lesdi Kanaana, daayaaki bee Efrata. Mi uwi mo ton, dow laawol Efrata.” Kanjum woni: Baytilaama.

Laataanooji 49:10

Sawru laamu daayataako Yahuuda. Ndu wonoto tum caka danygol maako. O maran baawɗe haa yotto mo sawru man laatanto ɗum wara, mo ummaatooje ɗowtanto ɗum.

1 Habaruuji Nyalaaɗe 2:54

Ɓiɓɓe Salma ngoni: Baytilaama e Netofa'en e Atarot-Bayti-Yo'ab e reeta Manooha'en e Cor'i'en.

1 Habaruuji Nyalaaɗe 4:4

Nden Penuwel, baaba Gedor e Ezer, baaba Husa. Kamɓe ngoni ɓiɓɓe Huuru, afo Efratu, Huuru woni baaba Baytilaama boo.

1 Habaruuji Nyalaaɗe 5:2

Yahuuda laati mawɗo caka deerɗum'en, gooto diga danygol maako boo laati ardiiɗo. Ammaa daraja afaaku laatani Yusufu.

Jabuura 132:6

En nani haala sundukru alkawal haa Efrata, en keɓti ndu nder gese Ya'ar.

Jabuura 90:2

Diga kooseeje ciwaa waŋgugo, diga duniyaaru boo tagaaka, an woni Allah duumiiɗo foroy haa abada.

Gurtaaki 18:21

Suɓtu nder ummaatoore fuu worɓe marɓe daraja, hulɓe Allah, hoolaaɓe, wanyɓe riba kalluka. Darnu ɓe hoore'en dow yimɓe ujineere e hoore'en dow yimɓe teemerre e hoore'en dow yimɓe cappanɗe njowo e hoore'en dow yimɓe sappo.

Gurtaaki 18:25

O suɓi worɓe marɓe daraja nder Isra'iila fuu, o darni ɓe ardiiɓe ummaatoore: Hoore'en dow ujineere, hoore'en dow yimɓe teemerre, hoore'en dow yimɓe cappanɗe njowo e hoore'en dow yimɓe sappo.

Esaaya 11:1

Laamu laamiiɓe ɓe asŋgol Daawuda ɓii Yessa ittaama. Ammaa bana lisal keccal fuɗirta diga tuggere lekki, bana non laamiiɗo keso mo asŋgol Yessa waŋgirta.

Esaaya 53:2

O mawni yeeso maako bana fuɗŋgo iwŋgo diga ɗaɗol nder lesdi njoorndi. O walaa ŋarol koo ɗelko sakko ngi'en mo, haa jaati maako boo, walaa ko fottani en.

Esaaya 55:4

Ndaa, mi darni mo o ceedoowo yam caka ummaatooje, o ardiiɗo, umroowo ɗe.

Esaaya 7:14

Ngam maajum Jawmiraawo bee hoore muuɗum hokkan on alaama: Ndaa, paanyo debbo reedan, o danyan ɓiɗɗo gorko, o inndan mo Immanuyila.

Yeremiya 30:21

Hooreejo maɓɓe iwan caka maɓɓe, goɗɗo ummaatoore maɓɓe laamanto ɓe. Mi ewnoto mo haa o ɓadito yam. Ngam moy hulataa ɓaditaago yam? Non Jawmiraawo wi'i.

Hose'a 6:3

Annden Jawmiraawo, tiinooɗen anndugo mo. O waŋganan en bana no fajiri weetirta fakat. O waranan en bana iyeende, bana no iyeende ragareere yarnirta lesdi.”

Amos 9:11

“Nyalaade man nyiɓtotoomi suudu Daawuda yibbunoondu. Mi sukka ceekli maaru, mi ummitina bille maaru. Mi nyiɓtoto ndu bana ndu wa'no.

Mika 4:10

Njaŋngite, uume bana ɓesnanɗo, onon yimɓe Urusaliima. Ngam jonta on ngurtoto berniwol, on njooɗoto haa ladde, on njahan haa Baabila. Haa ton Jawmiraawo tammi hisnugo on e rimɗingo on e juuɗe konne'en mooɗon.

Zekariya 13:7

Jawmiraawo honooɓe asama wi'i: “An kaafahi, ummana gaynaako am, mo mi waɗi ɗum kuuwdiɗɗiraawo am! Mbar gaynaako, nden baali caŋkititto koo toy fuu. Mi waylitan juŋngo am, mi fiya pamari.”

Zekariya 9:9

An berniwol Siyona, yimu bee seyo! An Urusaliima, welwelta! Ndaa, laamiiɗo maaɗa ɗon wara haa ma. O adiliijo, o jaaliiɗo. O jaŋkiniiɗo, ba'iiɗo wamnde, waato wamnde molde.

Matta 2:1

Yeesu danyaama haa Baytilaama, nder lesdi Yahudiya, nder zamanu laamiiɗo Hirudus. Nden annduɓe alaamaaji koode ngari diga fuunaaŋge haa Urusaliima.

Matta 2:6

An Baytilaama nder lesdi Yahudiya, fakat a ɓuraay gure Yahudiya fuu leesugo, Ngam haa maaɗa ardiiɗo iwata, kaŋko durata ummaatoore am Isra'iila.”

Matta 28:18

Yeesu ɓaditi ɓe, wi'i: “Baawɗe haa asama e dow lesdi fuu ndokkaama yam.

Luka 23:2

Ɓe puɗɗi wullaago mo, ɓe mbi'i: “Min tawi gorko oo ɗon ummina tuurtol caka ummaatoore amin, o ɗon haɗa yimɓe yoɓugo garaama haa Kaysara, o ɗon wi'a boo kaŋko woni Almasiihu, laamiiɗo.”

Luka 23:38

Ɓe mbinndi haa dow leggal gaafaaŋgal ngal ɓe ɓili mo: “Oo woni laamiiɗo Yahuudu'en.”

Yuhanna 7:42

Naa Deftere wi'i Almasiihu iwan diga danygol Daawuda, nder berniwol Baytilaama, haa Daawuda wonno?”

Tooktaaki Tawreeta 1:15

Mi hoo'i hoore'en le'i mooɗon, worɓe hakkilɓe e anndaaɓe, mi darni ɓe hoore'en dow mooɗon: Hoore'en dow yimɓe ujineere, hoore'en dow yimɓe teemerre, hoore'en dow yimɓe cappanɗe njowo e hoore'en dow yimɓe sappo. Mi darni boo kaliifa'en ngam le'i mooɗon.

Kolossi'en 1:17

Almasiihu aarti ɗe fuu. Daliila maako ɗe fuu ɗe ɗon.

Ibraniŋke'en 13:8

Yeesu Almasiihu, ɗum kaŋko man keenya e hannde e haa abada, o sannjataa.

Ibraniŋke'en 7:14

Koo moy fuu anndi Jawmiraawo meeɗen danyaama nder lenyol Yahuuda. Muusa meeɗaay wolwugo haala lenyol ngo'ol sam, nde o wolwi haala liman'en.

1 Yuhanna 1:1

Min ɗon mbinndana on dow Wolde hokkannde ngeendam, wonnoonde diga fuɗɗam, ko min nani, ko min ngi'i bee gite amin, ko min ndaari e ko min meemi bee juuɗe amin.

Wahayu Yuhanna 19:16

Innde maako winndaama dow ngapaleewol e dow daŋngo maako: “Laamiiɗo laamiiɓe e Jawmiraawo jawmiraaɓe.”

Wahayu Yuhanna 2:8

“Winndan malaa'ikaajo jama'aare nuɗɗinɓe haa Simirna ni'i: Ndaa koŋngol iwŋgol haa bi'eteeɗo arano e ragareejo, mo maayino, ammaa mo yeeɗiti:

Wahayu Yuhanna 21:6

O tokki wi'go yam: “Ɗum waɗi, timmi. Min woni Alfa e Omega, fuɗɗoode e timmoode. Koo moy ɗomɗi, mi yarnan ɗum seeɓoore ndiyam ndokkanɗam ngeendam caahu.

Alkaali'en 17:7

Nden woodino derkeejo Lewiijo koɗo haa Baytilaama, nder lesdi lenyol Yahuuda.

Ruut 1:1

Zamanu alkaali'en ɗonno ɗowa Isra'iila, weelo waɗi. Ngam maajum goɗɗo iwɗo Baytilaama nder lesdi Yahuuda yehi ngam faɓɓoygo nder lesdi Mo'ab, kaŋko e debbo mum e ɓiɓɓe mum worɓe ɗiɗo.

Ruut 4:11

Ndotti'en e yimɓe wonɓe ton fuu mbi'i: “Nonnon, min seedooɓe. Jawmiraawo wartira debbo garanɗo nder saare ma bana Rahiilu e Leya laatiiɓe kaakiraaɓe Isra'iila'en fuu. An boo laata baawɗo haa Efrata, innde ma tedda nder Baytilaama.

1 Samuyila 10:19

Min woni Allah mon kisnuɗo on sarruuji e ɓillaaje fuu. Ammaa onon on ngudini yam hannde, on ɗaɓɓi mi hokka on laamiiɗo. Yoo booɗɗum! Ndare jonta yeeso Jawmiraawo fodde le'i mon e ci'e mon.”

1 Samuyila 17:12

Daawuda go, o gaajiijo Yessa mo asŋgol Efrata haa Baytilaama nder lesdi Yahuuda. Yessa, o ndottiijo saa'i man. O woodi ɓiɓɓe njoweetato. Mawniraaɓe maɓɓe tato, Eliyabu e Abinadabu e Samma tokkino Sawulu haa konu.

1 Samuyila 17:18

Hoo'u boo leeɓi sappo ngam mawɗo honooɓe ujineere. Laar no deerɗiraaɓe ma mba'i, ƴam njamu maɓɓe. Jaɓ huunde koo ndeye haa maɓɓe, waddanam nde ngam seedaago fakat a yi'i ɓe, a tawi ɓe ɓe yamɓe.

1 Samuyila 23:23

Mbiɗite nokkuuje fuu haa o waawi nyukkaago. To on anndi koo ɗume fuu bee laaɓɗum, lorte haa am. Nden mi yahda bee mooɗon. To o wurtaaki lesdi tawon, mi heɓtan mo, koo to doole mi tefa mo nder le'i Yahuuda fuu.”

1 Samuyila 8:12

O waɗan woɗɓe hoore'en dow honooɓe ujineere malla dow cappanɗe njowo, woɗɓe boo ndema gese maako, mooɓta ƴaamle maako malla ɓe mbaɗana mo balmi e ko mootaaji pucci e pucci mari haaje.