Mika 4:9 - Fulfulde Bible

⁹ Ammaa jonta, koni mbaɗoton gookaali ɗi'i? Walaa laamiiɗo caka mooɗon na? Carwoowo mon halki haa naawreeŋga naŋngi on bana luuwe ɓesnanɗo na?

Fulfulde DC Bible

⁹ Ammaa jonta, koni mbaɗoton gookaali ɗi'i? Walaa laamiiɗo caka mooɗon na? Carwoowo mon halki haa naawreeŋga naŋngi on bana luuwe ɓesnanɗo na?

Mika 4:9 Iomraidhean Croise

Esaaya 13:8

Ɓe caklake, naawɗum ukkani ɓe, ɓe ɗon njaŋngito bana ɓesnanɗo, ɓe ɗon cutindira, ɓe kayɗini, geese maɓɓe ɗon nguli jaw.

Esaaya 21:3

Ngam man keeci am tampi, naawreeŋga naŋngi yam bana luuwe ɓesnanɗo. Mi sakli, mi huli haa mi waawaay nanugo e yi'ugo.

Esaaya 26:17

Bana reeduujo ɓadiiɗo danyugo ɗon ɓoslo, ɗon woya nder luuwe muuɗum, non min laatori yeeso maaɗa, yaa Jawmiraawo.

Yeremiya 22:23

A ɗon hoolɗina caka leɗɗe booɗɗe iwɗe Libanon. Ammaa a uuman, saa'i luuwe naŋngete bana ɗe ɓesnanɗo.”

Yeremiya 30:10

Onon yimɓe danygol suka am Yaakubu, taa kule! Onon yimɓe Isra'iila, taa kultore! Ndaa mi hisnan on e lesdi ndaayiindi ndi daheeki, ndi laatiiɗon haɓɓaaɓe e muuɗum. Danygol Yaakubu wartan, jooɗoto bee jam e de'ere, walaa kulnanɗo ɓe.”

Yeremiya 4:21

Haa ndey ngi'anmi tuutawal? Haa ndey nananmi hoolo luwal?”

Yeremiya 4:31

Mi ɗon nana daande bana nde debbo ɓesnanɗo, wookaandu boo bana ndu danyanɗo afo mum. Ɗum berniwol Urusaliima, ngol ɗon laaha, ngol weeɗi juuɗe maagol, ngol ɗon woya: Kayto! Mi natti! Yoŋki am hokkaama haa juuɗe mbarooɓe.”

Yeremiya 48:41

Kiriyot nyaamaama, cuuɗi cemmbiɗɗi maɓɓitaama. Nyalaade man honooɓe Mo'ab semmbiɗɓe kulan bana debbo ɓesnanɗo.

Yeremiya 50:43

Laamiiɗo Baabila nani habaru maɓɓe, juuɗe maako tampi, kulol naŋngi mo bana luuwe naŋngirta ɓesnanɗo.

Yeremiya 8:19

Ndaa, mi ɗon nana wookaandu ummaatoore am diga lesdi daayiindi: Jawmiraawo wurtake Siyona na? Laamiiɗo maako walaa ton na? Jawmiraawo ƴami: Koni ɓe tikkini yam bee suuraaji maɓɓe, labbi jananni meereeji?

Gimi Boyki 4:20

Ɓe naŋngi aynoowo yoŋkiiji men, laamiiɗo mo Jawmiraawo suɓi ɗum, mo tammiiɗen: Kaŋko o aynan en caka ummaatooje.

Hose'a 10:3

Nden ɓe mbi'an: “Jonta min ngalaa laamiiɗo, ngam min kulaay Jawmiraawo. Koo to min keɓi laamiiɗo, ɗume ɗum nafata min?”

Hose'a 13:13

Luuwe danyanɗo ngaranan mo, ammaa o ɓiɗɗo sooya-hakkiiloojo, ngam to saa'i man waɗi, o wurtataako danyrugol.

Hose'a 3:4

Ngam Isra'iila'en njooɗoto haa duura bilaa laamiiɗo, bilaa ardiiɗo, bilaa kirseteeɗi, bilaa daŋraŋge labbi, bilaa ɗanciki limanjo, bilaa labbi saare.

Mika 5:3

Kaŋko o ummoto, o dura tokkere maako bee baawɗe Jawmiraawo, bee maŋngu innde Jawmiraawo Allah maako. Ɓe njooɗoto jam ngam laamu maako mawnan haa yotto keeri duniyaaru.

Yuhanna 16:21

To debbo reeduujo ɓadake ɓesnugo, o sunoto ngam saa'i torra warani mo. Ammaa to o ɓesni, o yejjitan bone man ngam daliila seyo, ngam o danyi neɗɗo haa duniyaaru.

Wahayu Yuhanna 12:2

O ɗon bee reedu, o ɗon wooka ngam luuwe naŋngi mo.