Mika 4:7 - Fulfulde Bible

⁷ Woosɓe, mi laatinan ɓe yimɓe luttuɓe, mi wartiran saŋkitiiɓe ummaatoore mawnde. Min Jawmiraawo mi laamanto ɓe dow hooseere Siyona, diga jonta haa foroy.”

Fulfulde DC Bible

⁷ Woosɓe, mi laatinan ɓe yimɓe luttuɓe, mi wartiran saŋkitiiɓe ummaatoore mawnde. Min Jawmiraawo mi laamanto ɓe dow hooseere Siyona, diga jonta haa foroy.”

Mika 4:7 Iomraidhean Croise

Jabuura 2:6

“Min mi laamini laamiiɗo am dow Siyona, hooseere am seniinde.”

Esaaya 16:5

leeso laamu tabitan dow mbooɗeeŋga, goɗɗo danygol Daawuda jooɗoto dow maago bee gooŋgaaku. O laatoto giɗɗo waɗugo ko fotti, taaskiiɗo waɗugo adilaaku.

Esaaya 24:23

Lewru toskan, naaŋge semtan. Jawmiraawo honooɓe asama ɗon laamo, o laamiiɗo dow hooseere Siyona haa Urusaliima. Ndotti'en yimɓe maako ngi'an tedduŋgal maako.

Esaaya 6:13

To yeɓre jooɗiiɓe ton woore nder sappo lutti nder lesdi, ɓe nattan kadiboo bee yiite. Bana lekki makki to ki fe'aama, tuggere luttan.” Tuggere man woni aawdi ceniindi.

Esaaya 60:22

Pamaro mon laatoto ujineere, ɓurɗo leesugo caka mooɗon boo ummaatoore semmbiɗnde. Min Jawmiraawo mi waɗan ɗum nder wakkati maajum bee jaawal.”

Esaaya 66:8

Moy meeɗi nanugo irin ɗu'um? Moy meeɗi yi'ugo irin maajum? Ummaatoore waawan danyeego nder nyannde woore na? Jama'aare waawan danyeego saa'iire woore na? Fuɗɗam luuwe nii Siyona danyi ɓiɓɓe muuɗum!

Ezekiyel 43:7

O wi'i: “Ɓii-Aadama, haa ɗo woni leeso laamu am e jaaɓruɗum kosɗe am. Haa ɗo njooɗotoomi caka yimɓe Isra'iila haa foroy. Kamɓe e laamiiɓe maɓɓe meetataa soɓnugo innde am seniinde bee daakaareeku maɓɓe, koo bee darnugo kaa'e maandorɗe ngam laamiiɓe maɓɓe maayɓe.

Daniyel 2:44

Saa'i laamiiɓe ɓe'e, Allah mo asama darnan laamu feere ngu halkataa haa foroy. Walaa ummaatoore woɗnde hoosata laamu man. Ngu nattinan laamuuji goɗɗi fuu, ammaa kaŋgu ngu duumoto.

Daniyel 4:34

Min Nabukodonosor, jonta mi ɗon yetta, mi ɗon maŋgta, mi ɗon teddina Laamiiɗo asama. Kuuɗe maako fuu ɗe gooŋgaaje, laabi maako fuu laaɓi. O waawan leestingo mawnitiiɓe.”

Daniyel 7:14

O hokkaama baawɗe e tedduŋgal e laamu, yimɓe nder ummaatooje e asli e ɗemɗe fuu ɗon ɗowtano mo. Baawɗe maako nduumoto haa foroy, laamu maako wilataako sam!

Daniyel 7:27

Ammaa laamu e baawɗe e maŋngu dow laamuuji duniyaaru fuu ndokkete haa ummaatoore senaaɓe Allah Ɓaŋiiɗo. Laamu maɓɓe duumoto haa abada abadin, marɓe baawɗe fuu njagganto mo e ɗowtanto mo.”

Obadiya 1:21

Rimɗinooɓe mba'oto hooseere Siyona ngam laamanaago kooseeje Isuwa. Jawmiraawo laatoto Laamiiɗo!

Mika 2:12

Jawmiraawo wi'i: “Onon danygol Yaakubu fuu, fakat mi mooɓtan luttuɓe Isra'iila. Mi hawtan on bana baali nder waalde, bana tokkere haa durdude, yimɓe mooɓre nde'e mbaɗan haraka makka.”

Mika 2:13

Ceekoowo laawol ardoto ɓe, ɓe mbaɗan ceekli, ɓe caalo gal dammuɗe, ɓe ngurto yaasi. Jawmiraawo, laamiiɗo maɓɓe, ardoto ɓe, ɗowan ɓe.

Mika 5:3

Kaŋko o ummoto, o dura tokkere maako bee baawɗe Jawmiraawo, bee maŋngu innde Jawmiraawo Allah maako. Ɓe njooɗoto jam ngam laamu maako mawnan haa yotto keeri duniyaaru.

Mika 7:18

Moy ɗowanteeɗo nanndi bee maaɗa? A yaafoto aybe, a falataa tuurtol yimɓe maaɗa luttuɓe. Tikkere maaɗa duurataa haa foroy ngam a yerdi woonango min.

Sefaniya 3:13

Luttuɓe Isra'iila mbaɗataa kalluɗum, ɓe mbolwataa fewre, walaa bolle cargooje nder kunnduɗe maɓɓe. Bana tokkere ɓe ndurata, ɓe mbaaloto, walaa kulnanɗo ɓe.”

Sefaniya 3:20

Saa'i man ngartiranmi on, mooɓtanmi on. Mi hokkan on tedduŋgal e daraja caka ummaatooje duniyaaru fuu, ngam mi wartiran joonde mooɗon bana naane, onon on ngi'an ɗum.” Non Jawmiraawo wi'i.

Luka 1:33

O laamanto ummaatoore Isra'iila haa foroy, laamu maako timmataa sam.”

Wahayu Yuhanna 11:15

Nden malaa'ikaajo njoweeɗiɗaɓo fuufi luwal muuɗum. Mi nani sawtuuji cemmbiɗɗi nder asama, ɗi ɗon mbi'a: “Laamu duniyaaru laatanake Jawmiraawo meeɗen e Almasiihu muuɗum, o laamoto haa abada abadin!”