Mika 3:6 - Fulfulde Bible

⁶ Ngam man jemma waɗan, on keɓataa wahayuuji. Nyiɓre waɗan, on mbaɗataa hatti. Naaŋge mutan, nyalawma nyiɓɓan dow annabi'en ɓe'e.

Fulfulde DC Bible

⁶ Ngam man jemma waɗan, on keɓataa wahayuuji. Nyiɓre waɗan, on mbaɗataa hatti. Naaŋge mutan, nyalawma nyiɓɓan dow annabi'en ɓe'e.

Mika 3:6 Iomraidhean Croise

Jabuura 74:9

Ko hollata diina amin fuu majji, walaa annabiijo lutti, minin boo, walaa annduɗo ndey ɗum haaɗata.

Esaaya 29:10

Ngam Jawmiraawo waanji ruuhu ɗoyŋgol tedduŋgol dow mooɗon. O maɓɓi gite mon, waato annabi'en, o suddi ko'e mon, waato yi'ooɓe.

Esaaya 59:10

Min ɗon mamo bana wumɓe kommbi mahol, min ɗon mamo bana mo walaa gite. Min ɗon pergo caka nyalawma bana to jemma waɗi. Min yamɓe ammaa min ɗon bana maayɓe.

Yeremiya 13:16

Teddine Jawmiraawo, Allah mooɗon hiddeko o waɗa nyiɓre, hiddeko kosɗe mooɗon pergo dow kooseeje ngam nyiɓɓuki. On ɗon ndeeni jayŋgol, ammaa o laatinan ngol nyiɓre, nyiɓre ɓaleere kurum.

Yeremiya 15:9

Daada marɗo ɓiɓɓe njoweeɗiɗo faɗɗaama, o maaynaama. Naaŋge maako muti caka nyalawma, o toski, o semti. Luttuɓe mooɗon, mi hokki ɓe haa juuɗe konne'en mooɗon, ɓe mbara on bee kaafahi.” Non Jawmiraawo wi'i.

Yeremiya 18:18

Nden yimɓe mbi'i: “Ngare, en kaɓɓa dabare dow Yeremiya! Liman'en ekkitinooɓe en tawreeta ɗon foroy, hikma'en carwanto en tum, annabi'en ngaazoto wolde Allah foroy. Kallinen mo, taa kakkilanen bolle maako sam!”

Ezekiyel 13:9

Mi fortan juŋngo am ngam honugo annabi'en yi'ooɓe wahayuuji meere e fewooɓe bee hatti muuɗum'en. Ɓe nastataa dawriinde ummaatoore am, inɗe maɓɓe nastataa deftere inɗe yimɓe Isra'iila, ɓe meetataa nastugo lesdi Isra'iila boo. Bana non paamroton min woni Allah Jawmiraawo.

Ezekiyel 7:26

Sarru dow sarru, habaruuji kalluɗi tokkindiran. Ɓe ƴaman wahayuuji haa annabiijo, ɓe keɓataa ekkitinol haa liman'en, koo sawari haa ndotti'en.

Amos 8:11

Jawmiraawo wi'i: “Ndaa, nyalɗe ɗon ngara haa mi nelda weelo nder lesdi, naa weelo nyiiri, naa ɗomka ndiyam boo, ammaa ngam nanugo bolle Jawmiraawo.

Mika 2:6

Yimɓe ɗon mbaɗa haraka, ɗon mbi'ammi: “Accu wolwugo ɗuuɗɗum bana nii! Taa goɗɗo wi'a toskaare nde'e heɓan en fahin!”