Mika 3:11 - Fulfulde Bible

¹¹ Hiitooɓe Urusaliima ɗon njaɓa rusiya nder kiita. Liman'en ɗon njaŋngina ngam heɓugo ngeenaari. Annabi'en boo ɗon mbaɗa hatti ngam heɓugo ceede. Bee non fuu, ɓe ɗon tuugo dow Jawmiraawo, ɓe ɗon mbi'a: “Naa Jawmiraawo ɗon caka meeɗen? Sarru heɓataa en!”

Fulfulde DC Bible

¹¹ Hiitooɓe Urusaliima ɗon njaɓa rusiya nder kiita. Liman'en ɗon njaŋngina ngam heɓugo ngeenaari. Annabi'en boo ɗon mbaɗa hatti ngam heɓugo ceede. Bee non fuu, ɓe ɗon tuugo dow Jawmiraawo, ɓe ɗon mbi'a: “Naa Jawmiraawo ɗon caka meeɗen? Sarru heɓataa en!”

Mika 3:11 Iomraidhean Croise

Balndi 17:23

Kiitoowo kalluɗo jaɓan dokkal, ngam o lelna kiita ngooŋɗuka.

Esaaya 1:23

Ardiiɓe ma laatake tuurtooɓe, ɓe sooba'en wuyɓe. Ɓe fuu ɓe ngiɗi caahuuji rusiya, ɓe ɗon ɗaɓɓa ngeenaari zammba. Ɓe njiŋngataa atiime'en fodde adilaaku, ɓe cuklantaako haala rewɓe yurumɓe.

Esaaya 48:2

On ɗon ewno ko'e mon bee innde berniwol ceniiŋgol, on ɗon tuugo dow Allah Isra'iila mo innde mum Jawmiraawo honooɓe asama.

Esaaya 5:23

gooŋɗinooɓe kalluɗo ngam ɓe keɓa ngeenaari, ammaa salotooɓe gooŋɗingo adiliijo.

Esaaya 56:11

Ɓe dawaaɗi ɗuuɗa-suunooji ɗi kaarataa sam. Ɓe waynaaɓe ɓe paamataa sam, koo moy ɗon tokko laawol muuɗum. Koo moy maɓɓe ɗon ɗaɓɓita riba muuɗum kalluka tan.

Yeremiya 23:17

Ɓe ɗon mbi'a yawotooɓe yam: Jawmiraawo wi'i jam wondan bee mooɗon. Ɓe ɗon mbi'a saata-ko'e'en boo: Sarru ukkantaako on.”

Yeremiya 26:7

Liman'en e annabi'en e ummaatoore fuu keɗiti yaake Yeremiya wolwi bolle ɗe'e haa haykaliiru Jawmiraawo.

Yeremiya 5:12

Ɓe ngeddi yam, ɓe ɗon mbi'a: Walaa ko o waɗata! Sarru ukkantaako min, min - ngi'ataa kaafahi koo weelo.

Yeremiya 6:13

“Ɓe fuu maɓɓe, mawɓe e leesɓe, ɗon ɗaɓɓa riba kalluka. Annabi'en e liman'en fuu ɗon mbaɗa rikici.

Yeremiya 7:4

Taa koole bolle fewooɓe wi'anɓe: Ɗum haykaliiru Jawmiraawo, ɗum haykaliiru Jawmiraawo, ɗum haykaliiru Jawmiraawo!

Yeremiya 8:10

Ngam maajum ndokkanmi rewɓe maɓɓe haa juuɗe woɗɓe, gese maɓɓe boo haa jawmiraaɓe woɗɓe. Koo moy maɓɓe, mawɗo e leesɗo fuu, ɗon ɗaɓɓa riba kalluka. Liman'en e annabi'en fuu ɓe ɗon mbaɗa rikici.

Ezekiyel 22:12

Woɗɓe nder maaɗa ɗon njaɓa caahuuji ngam mbarugo yimɓe. Woɗɓe ɗon njowana heeddiɗɗiraaɓe muuɗum'en ndiyam nyamaande, ɓe ɗon ɓilla ɓe ngam heɓugo riba kalluka. Fakat, a yejjiti yam!” Non Allah Jawmiraawo wi'i.

Ezekiyel 22:27

Mawɓe caka maɓɓe nanndi bee caafaali ceekanɗi ko ɗi paɗɗi. Ɓe ɗon mbara yimɓe ngam ɓe keɓa riba kalluka.

Ezekiyel 34:2

“Ɓii-Aadama, waɗ annabaaku dow waynaaɓe Isra'iila. Waɗ annabaaku dow maɓɓe, yeccu ɓe: Ndaa nii Allah Jawmiraawo wi'i: Onon waynaaɓe Isra'iila, bone laatanto on. On ɗon ndura ko'e mon, ammaa on ndurataa tokkere mon.

Hose'a 4:18

To wuykere maɓɓe jinni boo, ɓe accataa waɗugo daakaareeku. Mawɓe maɓɓe ɓuri yiɗugo toskaare.

Hose'a 4:8

Ɓe ɗon nyaama kirseteeɗi ɗi ummaatoore am lii'anto yam ngam ittugo hakke, ɓe ngiɗi boo nastingo ummaatoore nder hakke bana maɓɓe.

Amos 5:14

Tiine waɗugo ko wooɗi, naa ko halli, haa on ngeeɗa, haa Jawmiraawo, Allah honooɓe asama wonda bee mooɗon, bana mbi'roton!

Amos 9:10

Koo moy marɗo hakke caka ummaatoore am, bi'ɗo: Sarru ɓaditittaako min, yottataako min, – fakat, o maayran bee kaafahi.”

Mika 3:5

Ndaa nii Jawmiraawo wi'i dow annabi'en majjinɓe ummaatoore muuɗum: “To on ngoodi ko on ƴakka, on ɗon ngooyna: Jam salaaman! Ammaa mo hokkaay on ko on ƴakka, on ɗon taasko honugo ɗum.

Mika 7:3

Juuɗe maɓɓe anndi waɗugo kalluɗum masin. Ardiiɓe e hiitooɓe ɗon ƴama dokke, mawɓe ɗon mbaŋgina suuno muuɗum'en.

Sefaniya 3:3

Saraaki'en caka maagol ɓe barooɗe ngurɓotooɗe, hiitooɓe maagol boo caafaali jaɓtanɗi saa'i kiikiiɗe, ɓe luttataa koo i'al gootal haa fajiri.

Sefaniya 3:4

Annabi'en maagol ɓe elewɓe, rikici'en, liman'en maagol boo ɗon coɓna ceniiɗum, ɗon luuta tawreeta.

Malakiya 1:10

“Ayye! Ɓuranno to gooto mon maɓɓi dammuɗe haykaliiru, ngam taa on kuɓɓa yiite meere dow hirsirde am! Mi seyoraaki on sam, mi jaɓataa dokkal diga juuɗe mooɗon. Non Jawmiraawo honooɓe asama wi'i.

Malakiya 2:9

Ngam man mi yawni on, mi toskini on yeeso ummaatoore fuu, ngam on kakkilanaay laabi am. Nde on mbaɗi kiita boo, on kiitaaki yimɓe fuu kal-kal.”

Limle 16:15

Muusa tikki masin, wi'i Jawmiraawo: “Taa jaɓ dokke maɓɓe! Mi jaɓaay koo wamnde woore haa maɓɓe. Mi waɗaay koo gooto maɓɓe kalluɗum boo!”

Limle 22:7

Ndotti'en Mo'ab e Mediyan koo'i ngeenaari daaroowo, njehi haa Balaama, ngecci mo bolle Balak go.

Matta 3:9

Taa nume nder ɓerɗe mooɗon: Ibrahiima woni kaaka amin. Ngam mi ɗon wi'a on, Allah woodi baawɗe waɗango Ibrahiima ɓiɓɓe bee kaa'e ɗe'e.

1 Timote 3:3

Taa o laato guykoowo malla toonyoowo, ammaa o laato ɗelma-gikkuujo, naa o jokkiroowo malla cuunaaɗo ceede.

Titus 1:11

Sey a sukka kunnduɗe maɓɓe, ngam ɓe ɗon mbonna nuɗɗinki yimɓe nder ci'e bee ekkitingo ko haanaay. Ɓe ɗon mbaɗa ɗum ngam haa ɓe keɓa riba kalluka.

1 Piyer 5:2

Ayne tokkere nde Allah halfini on, ayne nde bana no Allah yiɗi, naa bee doole ammaa bee anniya. Kuuwe, naa ngam heɓugo ceede meere, ammaa ngam on ngiɗi ɗum.

Yahuuda 1:11

Kayto! Bone laatanto ɓe ngam ɓe tokkake laawol Kayinu. Kadiboo ɓe njoofi ko'e maɓɓe nder majjere ngam heɓugo ceede bana ko Balaama waɗno. Ɓe tuurti bana Koora tuurtirno, ɓe kalki.

1 Samuyila 8:3

Ammaa ɓe tokkaaki misaalu baaba maɓɓe. Ɓe ɗaɓɓi riba, ɓe njaɓi ngeenaari zammba, ɓe cottini gooŋga wakkati kiita boo.