Mika 2:2 - Fulfulde Bible

² To ɓe cuunaama gese, ɓe njaɓta ɗe, to ɓe cuunaama cuuɗi boo, ɓe koo'a ɗi. Ɓe ɗon toonyo goɗɗo e saare muuɗum, goɗɗo e mardi muuɗum.

Fulfulde DC Bible

² To ɓe cuunaama gese, ɓe njaɓta ɗe, to ɓe cuunaama cuuɗi boo, ɓe koo'a ɗi. Ɓe ɗon toonyo goɗɗo e saare muuɗum, goɗɗo e mardi muuɗum.

Mika 2:2 Iomraidhean Croise

1 Laamiiɓe 21:1

Ndaa ko waɗi ɓaawoɗon: Nabot, goɗɗo Yisre'el, o woodi ngesa inabooje haa Yisre'el kommbi laamorde Akab, laamiiɗo Samariya.

2 Laamiiɓe 9:26

Fakat bana ngi'mi keenya ƴiiƴam Nabot e ƴiiƴam ɓiyiiko'en, mi yoɓnete ɗam dow tayre ngesa ka'a. Non Jawmiraawo wi'i. Eftu mo jonta, sakkin mo nder ngesa ka'a fodde wolde Jawmiraawo.”

Ayuba 31:38

To mi toonyake ngesa haa ka wulli yam, kaatorooji boo mballiti ka woyugo,

Gurtaaki 20:17

Taa suunu saare keeddiɗɗa. Taa suunu debbo keeddiɗɗa, koo maccuɗo maako, koo korɗo maako, koo nagge maako, koo wamnde maako, koo ɗume ko keeddiɗɗa mari fuu.”

Esaaya 3:14

Jawmiraawo hiitoto ndotti'en e ardiiɓe ummaatoore muuɗum, o wulloto ɓe bee wi'ugo: “On nyaami ngesa inabooje. Ci'e mooɗon ɗon keewi ko njaɓtuɗon haa laafuɓe.

Esaaya 5:8

Bone laatanto mahooɓe suudu dow suudu, ɓesdanɓe ngesa bee ngesa, haa to babal timmi! Onon feere mooɗon tan mari babal!

Yeremiya 22:17

Ammaa sey riba maaɗa kalluka tan a suklanto. A ɗon mbara yimɓe ɓe ngalaa aybe, a ɗon ɓilla yimɓe, a ɗon toonyo ɓe.

Ezekiyel 18:12

O ɗon toonya laafuɓe, o ɗon jaɓta, o ɗon jogito ballinaaɗum jeŋngina. O ɗon rewa labbi, o ɗon waɗa nyidduɗum.

Ezekiyel 22:12

Woɗɓe nder maaɗa ɗon njaɓa caahuuji ngam mbarugo yimɓe. Woɗɓe ɗon njowana heeddiɗɗiraaɓe muuɗum'en ndiyam nyamaande, ɓe ɗon ɓilla ɓe ngam heɓugo riba kalluka. Fakat, a yejjiti yam!” Non Allah Jawmiraawo wi'i.

Ezekiyel 22:13

“Ndaa, mi hellan juuɗe am ngam daliila riba ma kalluka e dufki ƴiiƴam nder maaɗa.

Ezekiyel 33:26

On ɗon koolo kaafaaje mon. On ɗon mbaɗa nyidduɗum. Koo moy mooɗon ɗon toskina debbo keeddiɗɗum. Nden on mara lesdi!

Ezekiyel 45:9

Ndaa nii Allah Jawmiraawo wi'i: “Halleende mon duuri, he'i, onon laamiiɓe Isra'iila! Acce toonyaago e ɓillugo, kuuwe kuuɗe darnuɗe, adiliije! Taa meete riiwugo yimɓe ummaatoore am diga lesdi maɓɓe! Min Allah Jawmiraawo wi'i on ɗum.

Ezekiyel 46:18

Ammaa taa laamiiɗo jaɓta maral ngal yimɓe lesdi man mari. Taa o riiwa yimɓe diga maral muuɗum'en. Sey o ronna ɓiyum'en maral maako tan.”

Ezekiyel 8:17

Jawmiraawo wi'i yam: “Ɓii-Aadama, a ɗon yi'a na? Kuuje nyidduɗe ɗe'e fuu ke'aay yimɓe Yahuuda na? Ɓe ɗon kebbina lesdi bee toonyaare, ɓe ɗon ɓesda tikkingo yam, koo to ɓe ɗaɓɓiti de'itingo yam.

Amos 2:7

Ɓe ɗon ndamma hoore laafuɗo nder mbulwuldi, ɓe ɗon cottina gooŋga leesɓe haa kiita. Goɗɗo e baaba muuɗum ɗon mbaalda bee paanyo debbo gooto, bana nii ɓe coɓniri innde am seniinde.

Amos 4:1

Nane wolde nde'e, onon rewɓe fayɓe bana na'i Baasan, wonɓe dow hooseere Samariya: On ɗon toonya laafuɓe, on ɗon torra talaka'en, on ɗon mbi'a worɓe mooɗon: “Ngadde njaram, min njara!”

Amos 8:4

Nane ɗu'um, onon toonyooɓe talaka'en, nattinooɓe leesɓe nder lesdi.

Mika 3:9

Sey on nana, onon mawɓe nder yimɓe Yaakubu, onon alkaali'en Isra'iila! On ɗon nganya kiita ngooŋɗuka, on ɗon lelna ko laati darnuɗum fuu.

Mika 6:12

Riskuɓe berniwol keewi toonyaare, jooɗiiɓe nder maagol ɗon mbolwa pewe, ɗemɗe maɓɓe ɗon pewjo.

Malakiya 3:5

Jawmiraawo honooɓe asama wi'i: “Mi waranan on ngam kiita. Mi yaawɗoto laataago ceedoowo dow waɗooɓe hiila e jeenooɓe e seedooɓe fewre, dow waɗanɓe huuwooɓe muuɗum'en rikici bee ngeenaari, dow toonyooɓe rewɓe yurumɓe e atiime'en, dow waɗanɓe aybe heedi jananɓe e dow yimɓe ɓe kulataa yam.”

Matta 23:13

“Bone laatanto on, onon moodiɓɓe tawreeta e Farisa'en, naafiki'en! On maɓɓani yimɓe feere dammugal laamu asamanji. Onon bee ko'e mooɗon boo on nastataa, on accataa yiɗɓe nastugo boo nasta ton. [

1 Timote 6:10

Ngam suuno ceede woni ɗaɗol halleende fuu. Woɗɓe cuunaama ɗe, haa ɓe celi laawol nuɗɗinki, ɓe ngaddani ko'e maɓɓe torraaji naawɗi ɗuuɗɗi.