Matta 7:11 - Fulfulde Bible

¹¹ Onon halluɓe maa, on anndi hokkugo ɓiɓɓe mooɗon kuuje booɗɗe. Sakkomaa Baabiraawo mooɗon mo asama, o ɓurataa hokkugo kuuje booɗɗe haa torotooɓe mo na?

Fulfulde DC Bible

¹¹ Onon halluɓe maa, on anndi hokkugo ɓiɓɓe mooɗon kuuje booɗɗe. Sakkomaa Baabiraawo mooɗon mo asama, o ɓurataa hokkugo kuuje booɗɗe haa torotooɓe mo na?

Matta 7:11 Iomraidhean Croise

Laataanooji 6:5

Jawmiraawo yi'i no halleende yimɓe ɗuuɗiri dow lesdi. Nyalaade fuu anniyaaji e numooji ɓerɗe maɓɓe kuucitani halleende.

Laataanooji 8:21

Nde Jawmiraawo maati uureeŋgol belŋgol, o wi'i nder ɓernde maako: “Mi meetataa naalugo lesdi fahin ngam daliila neɗɗo. Ngam anniyaaji ɓernde neɗɗo halli diga nderkaaku maako. Mi meetataa mbarugo marɗum yoŋki fuu bana mbaɗmi.

2 Samuyila 7:19

Kanjum boo ɗum pamarum haa yeeso ma, yaa Allah, Jawmiraawo am. A wolwi haala danygol maccuɗo ma nder zamanuuji garanɗi, bana nii a anndinirta yimɓe ko waɗoto, yaa Allah, Jawmiraawo am.

Ayuba 15:16

Sakkomaa neɗɗo meereejo, bonniiɗo, baɗanɗo sooynde adilaaku foroy.

Jabuura 84:11

Nyallugo nyannde woore haa dalde suudu ma, ɓuri wooɗugo dow nyalɗe ujineere haa yaasi. Daraago haa yolnde Allah am ɓuri jooɗaago nder laymaaji halluɓe.

Jabuura 85:12

Gooŋgaaku fuɗan diga lesdi, adilaaku ɗon jimmito diga asama.

Jabuura 86:15

Ammaa an, yaa Jawmiraawo, a Allah marɗo enɗam e hinnuye, mo tikkataa law, mo mbooɗeeŋga mum e gooŋgaaku mum ɗuuɗi.

Jabuura 86:5

Yaa Jawmiraawo, a booɗɗo, a jaafoowo. Koo moy tori ma, a waŋginanan ɗum mbooɗeeŋga ma ɗuuɗŋga.

Esaaya 49:15

Ngam maajum Jawmiraawo wi'i: “Debbo yejjitan musinanŋgel mum na? O enɗataa ɓii reedu maako na? Koo to daada yejjiti ɓiyum, min mi yejjitittaa ma sam.

Esaaya 63:7

Mi siftoran ko Jawmiraawo waɗi nder mbooɗeeŋga mum, mi siftoran kuuɗe maako maŋgteteeɗe ko o waɗani en fuu. O woonani Isra'iila mboondi ɗuuɗndi fodde hinnuye maako e mbooɗeeŋga maako.

Yeremiya 17:9

Ɓernde neɗɗo ɓuri koo ɗume fuu naafikaaku, nde halli masin. Moy waawata faamugo nde?

Yeremiya 33:14

Jawmiraawo wi'i: “Saa'i ɗon wara haa mi hiɓɓina iinaaji ɗi mi iinani yimɓe Isra'iila e Yahuuda.

Hose'a 14:2

Onon Isra'iila'en, lorte haa Jawmiraawo, Allah mooɗon! Ngam aybe mooɗon do'i on.

Mika 7:18

Moy ɗowanteeɗo nanndi bee maaɗa? A yaafoto aybe, a falataa tuurtol yimɓe maaɗa luttuɓe. Tikkere maaɗa duurataa haa foroy ngam a yerdi woonango min.

Malakiya 1:6

Jawmiraawo honooɓe asama wi'i liman'en: “Ɓiɗɗo teddinan baaba mum, maccuɗo boo teddinan jawmum. Nde nii mi Baabiraawo, toy tedduŋgal ngal haandani yam? Nde nii mi Jawmiraawo, toy teddinoore nde haandani yam? Onon liman'en, on ɗon njawo innde am. Ammaa on ɗon mbi'a: Bee ɗume min njawri nde?

Matta 23:9

Taa ewne goɗɗo haa duniyaaru Baaba ngam on ngoodi Baabiraawo gooto, mo asama.

Matta 7:10

Malla to ngel ƴami ɗum liiŋgu, o hokkan ngel mboodi?

Yuhanna 3:16

Allah yiɗi duniyaaru masin. Ngam maajum o hokki Ɓiɗɗo maako bajjo. Koo moy nuɗɗini Ɓiɗɗo oo, halkataa, ammaa o heɓan ngeendam nduumiiɗam.

Roma'en 3:19

En anndi ko tawreeta wi'ata fuu, ɗon wolwana hokkaaɓe tawreeta, ngam taa goɗɗo heɓa geldol, ngam haa yimɓe duniyaaru fuu anndita ɓe aybuɓe yeeso Allah.

Roma'en 3:9

Nden kam enen Yahuudu'en en ɓuri yimɓe woɗɓe kadi na? Walaa sam! Ngam mi aarti mi wi'i hakke ɗon laamano Yahuudu'en e Yunaniŋke'en kal-kal.

Roma'en 8:32

O jogitaaki koo Ɓiɗɗo maako, ammaa o acci mo o maayi mbattudi meeɗen en fuu. To non kam, o saahataa en koo ɗume fuu bee maako na?

Galaatiya'en 3:22

Ammaa tawreeta maɓɓi yimɓe fuu les baawɗe hakke, ngam haa dokkal fodde iinawol Allah laatano ɓe bee nuɗɗinki. Koo moy nuɗɗini Yeesu Almasiihu, heɓan ngal.

Yaakuba 1:17

Caahu mbooɗŋgu e dokkal timmuŋgal fuu iwi diga dow, ɗum iwi haa Allah tagɗo jayli asama. O waylataako, nyiɓɓuki laatataako haa maako bana haa jayli man.

1 Yuhanna 3:1

Ndaare no Baabiraawo yiɗiri en, haa en mbi'aama ɓikkoy Allah! Gooŋga en ɓikkoy maako. Ngam man duniyaaru anndaa en ngam ndu anndaa Allah.

1 Yuhanna 4:10

Ndaa ko woni yiide: Naa enen ngiɗi Allah, ammaa kaŋko yiɗi en, o neli en Ɓiɗɗo maako ngam yaafuye hakkeeji meeɗen.