Matta 5:16 - Fulfulde Bible

¹⁶ Sey annoora mooɗon yayna bana non yeeso yimɓe, ngam haa ɓe ndaara kuuɗe mooɗon booɗɗe, ɓe teddina Baabiraawo mooɗon mo asama.”

Fulfulde DC Bible

¹⁶ Sey annoora mooɗon yayna bana non yeeso yimɓe, ngam haa ɓe ndaara kuuɗe mooɗon booɗɗe, ɓe teddina Baabiraawo mooɗon mo asama.”

Matta 5:16 Iomraidhean Croise

Gurtaaki 34:35

Isra'iila'en ngi'i no laral yeeso Muusa yaynirta. Ɓaawo man, Muusa wartira suddaare dow yeeso muuɗum haa to o yehi ngam wolididgo bee Jawmiraawo.

Balndi 4:18

Ammaa laawol adili'en nanndi bee jayŋgol fajiri ɓesdanŋgol yaynugo haa caka nyalawma.

Esaaya 58:8

Nden kam annoora mon yaynan bana jayŋgol fajiri, kuuduuje mon nyawndoto law. Adilaaku mon ardoto on, tedduŋgal am boo wonan ɓaawo mooɗon, faddoto on.

Esaaya 61:3

meetugo yimɓe Siyona jooɗiiɓe nder ndoondi, rufugo nebbam seyo haa pellel bojji, maŋgtooje haa pellel saklere. Ɓe ewneteeɓe Leɗɗe Adilaaku, ciraka Jawmiraawo ngam waŋgingo tedduŋgal maako.

Matta 23:5

Ɓe ɗon kuuwa kuuɗe maɓɓe fuu ngam haa yimɓe ndaara ɓe. Ɓe ɗon kaɓɓa filakterji mawɗi haa tiiɗe maɓɓe e juuɗe maɓɓe, ɓe ɗon mbaɗa tuutuuji mawɗi haa limce maɓɓe boo.

Matta 23:9

Taa ewne goɗɗo haa duniyaaru Baaba ngam on ngoodi Baabiraawo gooto, mo asama.

Matta 5:45

ngam haa on laato ɓiɓɓe Baabiraawo mooɗon mo asama. O ɗon fuɗna naaŋge maako dow halluɓe e wooɗɓe fuu, o ɗon toɓna iyeende dow adili'en e dow sooya-adilaaku'en.

Matta 6:16

“Nde on ɗon cuumo fuu, taa mbaɗe bana naafiki'en: Ɓe ɗon nyiɓɓina geese maɓɓe, ɓe ɗon nyobba ɗe ngam haa yimɓe ngi'a ɓe ɗon cuumi. Gooŋga mbi'anmi on: Ɓe keɓi mbarjaari maɓɓe, jinni.

Matta 6:9

Ngam man, onon, to on ɗon mbaɗa do'a, ndaa nii mbi'oton: “Yaa Baabiraawo amin mo asama, a Ceniiɗo, waɗ koo moy teddina innde ma.

Matta 9:8

Nde yimɓe ngi'i ɗum, ɓe kultori, ɓe teddini Allah ngam o hokki ɓiɓɓe Adaama baawɗe bana ɗe'e.

Luka 11:2

O wi'i ɓe: “To on ɗon mbaɗa do'a, mbi'e: Yaa Baabiraawo, a Ceniiɗo, waɗ koo moy teddina innde ma. Laamu maaɗa wara.

Yuhanna 15:8

Ndaa ko teddinta Baabiraawo am: On mbaɗa nafuuda ɗuuɗka, on laato pukara'en am.

Kuuɗe Nelaaɓe 9:36

Nder wuro Joppe woodi debbo nuɗɗinɗo, innde maako Tabita bana wi'go Lelwa. O ɗonno huuwa kuuɗe booɗɗe ɗuuɗɗe, o ɗonno walla talaka'en.

1 Korintu'en 14:25

ɗe mbaŋginan numooji ɓernde maako. Nden o sujidanan Allah, o seedoto: “Fakat, Allah ɗon caka mooɗon!”

2 Korintu'en 9:13

To dokkal maajum waŋgini gooŋgaaku mon, nden kam ɓe teddinan Allah, ngam on ɗowtani seedamku linjiila Almasiihu, on cenndi hayruuji mon boo bee maɓɓe e bee yimɓe fuu.

Galaatiya'en 1:24

Ɓe ɗonno teddina Allah ngam daliila am.

Efesu'en 2:10

Ngam Allah bee hoore mum tagi en. O tagi en nder Yeesu Almasiihu haa en kuuwa kuuɗe booɗɗe. Kanje boo, Allah aarti taaskitini ɗe haa en kuuwa ɗe.

Efesu'en 5:8

Ɓooyma on ɗonno nder nyiɓre, ammaa jonta on ɗon nder annoora ngam daliila kawtal mon bee Jawmiraawo. Ngam maajum ngeeɗe bana yimɓe annoora,

1 Tessaloniiki'en 2:12

Min cemmbiɗini on, min tiɗɗini on, min umri on ngam haa on ngeeɗa fodde ngeendam ɗam fottanta Allah, mo ewni on haa on nasta laamu muuɗum e tedduŋgal muuɗum.

1 Timote 2:10

ammaa bee kuuɗe booɗɗe, bana ko haandani rewɓe wi'anɓe ɓe hulɓe Allah.

1 Timote 5:10

to o anndaaɗo ngam kuuɗe maako booɗɗe, waato o mawnini ɓiyiiko'en booɗɗum, o weerni hoɗɓe, o looti kosɗe senaaɓe, o walli ɓilliiɓe, o tiini huuwugo kuuɗe booɗɗe koo ɗeye.

1 Timote 5:25

Bana non boo kuuɗe booɗɗe mbaŋgirta laaɓɗum. Koo to goɗɗe mbaŋgaay tawon boo, fakat ɗe cuuɗataake.

1 Timote 6:18

Umru ɓe ɓe kuuwa mbooɗeeŋga, kuuɗe booɗɗe laato risku maɓɓe, ɓe laato saahiiɓe, ɓe mballa woɗɓe bee jawdi maɓɓe.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Titus 2:7

An bee hoore ma laatana ɓe misaalu haa kuuɗe booɗɗe. Ekkitinol ma fuu daro dow gooŋga e ne'aare.

Titus 3:14

Yimɓe meeɗen, kamɓe boo sey ɓe ekkito tiinaago huuwugo kuuɗe booɗɗe, ɓe mballa ɓe to haajeeji juhanake ɓe, ngam haa ngeendam maɓɓe waŋgina nafuuda.

Titus 3:4

Ammaa nde Allah, Kisnoowo men waŋginani en mbooɗeeŋga mum e yiide mum,

Ibraniŋke'en 10:24

Sey koo moy meeɗen suklano deerɗum'en, tiɗɗina ɓe haa en mbaŋgina yiide, haa en kuuwa kuuɗe booɗɗe.

1 Piyer 2:12

Sey joonde mooɗon caka heefeerɓe wooɗa ngam koo to ɓe ngulli on bee wi'go on halluɓe, ɓe ndaara kuuɗe mooɗon booɗɗe, nden ɓe teddina Allah nyannde loraaki maako.

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

1 Piyer 3:1

Bana non boo onon rewɓe, leestane worɓe mooɗon. Ngam to woɗɓe maɓɓe ɗowtanaaki wolde Allah, joonde mooɗon yahran ɓe haa nuɗɗinki. Ɗum waɗan koo to on mbolwaay koo wolde,

1 Piyer 3:16

Ammaa njaabe ƴamɓe on bee yaŋkinaare e ne'aare e numo ɓernde laaɓŋgo. Nden ɓe cemtan ngam ɓe ngulli on bilaa daliila, ɓe mbolwi kalluka dow joonde mooɗon woonde nder kawtal bee Almasiihu.

1 Piyer 4:11

Mo waazata, sey o waazo wolde Allah. Mo huuwanta goɗɗo, sey o huuwana mo bee semmbe ɗe Allah hokkata mo. Nder ko en mbaɗata fuu, sey en teddina Allah bee Yeesu Almasiihu. Kaŋko mari tedduŋgal e baawɗe haa foroy! Aamiina.

1 Piyer 4:14

On barkiɗinaaɓe to ɓe kuɗi on daliila innde Almasiihu, ngam ɗum waŋgini Ruuhu Allah tedduɗo ɗon dow mooɗon!