Matta 3:11 - Fulfulde Bible

¹¹ Min mi ɗon waɗana on baptisma bee ndiyam ngam tuubu mooɗon. Ammaa garanɗo ɓaawo am waɗanan on baptisma bee Ruuhu Ceniiɗo e bee yiite. Kaŋko o ɓuri yam baawɗe piw. Mi he'aay koo fiistugo ɓoggi paɗe maako.

Fulfulde DC Bible

¹¹ Min mi ɗon waɗana on baptisma bee ndiyam ngam tuubu mooɗon. Ammaa garanɗo ɓaawo am waɗanan on baptisma bee Ruuhu Ceniiɗo e bee yiite. Kaŋko o ɓuri yam baawɗe piw. Mi he'aay koo fiistugo ɓoggi paɗe maako.

Matta 3:11 Iomraidhean Croise

Esaaya 4:4

To Jawmiraawo itti tuundi rewɓe Urusaliima, to o yiggi ƴiiƴam ndufaaɗam nder Urusaliima bee ruuhu kiita e yiite,

Esaaya 44:3

Ngam mi rufan ndiyam dow lesdi marndi haaje ndiyam e maaje dow lesdi njoorndi. Mi waanjan Ruuhu am dow ɓiɓɓe mon e barka am boo dow danygol mon.

Zekariya 13:9

Mi nastinan luttanɓe bee yoŋki ɓe'e nder yiite ngam laɓɓingo ɓe bana goɗɗo laɓɓinirta cardi. Mi foondan ɓe bana goɗɗo laɓɓinirta kaŋŋeeri. Nden kadi ɓe toroto yam, min boo mi jaɓan tornde maɓɓe. Mi wi'an: Onon, on yimɓe ummaatoore am. Kamɓe boo ɓe mbi'an: Jawmiraawo woni Allah amin.”

Matta 3:6

Ɓe mbaŋgini hakkeeji maɓɓe, Yuhanna boo waɗani ɓe baptisma nder maayo Urdun.

Markus 1:4

Bana non Yuhanna baɗoowo baptisma waŋgi nder ladde, o ɗon waazina yimɓe, o ɗon wi'a ɓe: “Tuube, njaɓe baptisma, Allah boo yaafanto on hakkeeji mooɗon.”

Luka 1:17

O aartan Jawmiraawo wargo nder ruuhu e baawɗe ɗe annabi Eliya heɓno, ngam o lortina ɓerɗe baabiraaɓe haa ɓikkoy muuɗum'en, o wartira ɓerɗe tuurtooɓe haa hikma ka adili'en, o taaskitina ummaatoore ngam Jawmiraawo.”

Luka 3:16

Yuhanna wi'i ɓe fuu maɓɓe: “Min mi ɗon waɗana on baptisma bee ndiyam, ammaa goɗɗo ɓurɗo yam baawɗe tammi wargo. Koo fiistugo ɓoggi paɗe maako maa, mi he'aay. O waɗanan on baptisma bee Ruuhu Ceniiɗo e bee yiite.

Luka 3:3

O waanci lesdi kommbi maayo Urdun fuu, o waazini yimɓe ɓe tuuba, ɓe njaɓa baptisma ngam yaafuye hakkeeji maɓɓe.

Yuhanna 1:15

Yuhanna seedani mo, wolwi bee sawtu, wi'i: “Kaŋko woni mo mi wolwi dow muuɗum, mi wi'i: O waran ɓaawo am, ammaa o ɓuri yam, ngam o ɗon diga mi siwaa danyeego.”

Yuhanna 1:30

Kaŋko woni mo mi wolwani on haala mum, mi wi'i: Goɗɗo waran ɓaawo am, ammaa o ɓuri yam, ngam o ɗon diga mi siwaa danyeego.

Kuuɗe Nelaaɓe 1:5

Ngam Yuhanna waɗani yimɓe baptisma bee ndiyam, ammaa onon, on njaɓan yeeso seɗɗa, baptisma bee Ruuhu Ceniiɗo.”

Kuuɗe Nelaaɓe 19:4

Pol wi'i: “Yuhanna waɗani yimɓe baptisma ngam ɓe ngaylito, ɓe tuuba. Yuhanna wi'i ɓe boo ɓe nuɗɗina goɗɗo tammiiɗo wargo ɓaawo maako, waato Yeesu.”

Kuuɗe Nelaaɓe 8:36

Nde ɓe ɗon tokkitina jahaaŋgal maɓɓe, ɓe njotti nokkuure ndiyam. Etiyopiyaajo wi'i: “Ndaa ndiyam, ko haɗatammi jaɓugo baptisma?” [

Kuuɗe Nelaaɓe 8:38

Nden o umri ɓe ndarna moota pucci maako. Ɓe njippodi ɓe ɗiɗo fuu nder ndiyam. Filip waɗani mo baptisma.

1 Korintu'en 12:13

Ngam enen fuu, koo Yahuudu'en, koo iwɓe haa ummaatooje goɗɗe, koo maccuɓe, koo rimɓe, en keɓi baptisma nder Ruuhu gooto ngam hawtango ɓanndu wooru. En fuu en laati yarnaaɓe Ruuhu gooto oo.

Efesu'en 3:8

min laatiiɗo ɓaawoojo ɓaawo'en caka senaaɓe fuu. Ammaa Allah mo'ani yam, halfini yam waazu Linjiila haa ummaatooje, haa mi anndina ɗe jeynitaare Almasiihu ɗuuɗnde nde heɓtataake sam,

Titus 3:5

o hisni en, naa ngam en kuuwi kuuɗe adiliije, ammaa ngam hinnuye maako, saa'i en keɓi danyeeki kesi bee baptisma, Ruuhu Ceniiɗo boo hesɗitini en.

1 Piyer 5:5

Onon derke'en boo, leestane mawɓe bana non. Koo moy fuu laatano deerɗum jaŋkiniiɗo ngam Deftere wi'i: “Allah ɗon dartano mantotooɓe, ammaa o ɗon mo'ana yaŋkiniiɓe.”