Matta 2:6 - Fulfulde Bible

⁶ An Baytilaama nder lesdi Yahudiya, fakat a ɓuraay gure Yahudiya fuu leesugo, Ngam haa maaɗa ardiiɗo iwata, kaŋko durata ummaatoore am Isra'iila.”

Fulfulde DC Bible

⁶ An Baytilaama nder lesdi Yahudiya, fakat a ɓuraay gure Yahudiya fuu leesugo, Ngam haa maaɗa ardiiɗo iwata, kaŋko durata ummaatoore am Isra'iila.”

Matta 2:6 Iomraidhean Croise

Laataanooji 49:10

Sawru laamu daayataako Yahuuda. Ndu wonoto tum caka danygol maako. O maran baawɗe haa yotto mo sawru man laatanto ɗum wara, mo ummaatooje ɗowtanto ɗum.

2 Samuyila 5:2

Koo naane, wakkati Sawulu laamani min boo, an ardi jama'aare konu Isra'iila. Jawmiraawo boo wi'i ma: An ɗowata Isra'iila'en ummaatoore am, a laatoto ardiiɗo maɓɓe.”

1 Habaruuji Nyalaaɗe 2:51

e Salma, baaba Baytilaama e Haref, baaba Bayti-Gader.

1 Habaruuji Nyalaaɗe 5:2

Yahuuda laati mawɗo caka deerɗum'en, gooto diga danygol maako boo laati ardiiɗo. Ammaa daraja afaaku laatani Yusufu.

Esira 2:21

Yimɓe Baytilaama, teemerre e noogas e tato (123).

Esaaya 40:11

O duran tokkere maako bana gaynaako. O mooɓtan e o hoo'an mbaaloy dow juuɗe maako, o roondoto koy haa wiɓɓere maako. O ɗowan baali musinanɗi bee hakkiilo.

Mika 5:2

Ngam man Jawmiraawo accan yimɓe muuɗum, haa to ɓesnanɗo ɓesni. Nden luttuɓe deerɗiraaɓe ɓiɗɗo oo ngartan haa yimɓe Isra'iila.

Limle 24:19

goɗɗo danygol Yaakubu laamoto. O nattinan hisɓe wonɓe nder berniwol.”

Matta 2:1

Yeesu danyaama haa Baytilaama, nder lesdi Yahudiya, nder zamanu laamiiɗo Hirudus. Nden annduɓe alaamaaji koode ngari diga fuunaaŋge haa Urusaliima.

Matta 28:18

Yeesu ɓaditi ɓe, wi'i: “Baawɗe haa asama e dow lesdi fuu ndokkaama yam.

Yuhanna 21:16

Nden o wolwani mo ɗiɗawre, o ƴami: “Simon ɓii Yuhanna, a yiɗi yam na?” O jaabi mo: “Ooho, a anndi mi yiɗi ma.” Yeesu wi'i mo: “Laata gaynaako baali am.”

Yuhanna 7:42

Naa Deftere wi'i Almasiihu iwan diga danygol Daawuda, nder berniwol Baytilaama, haa Daawuda wonno?”

Efesu'en 1:22

Allah wallini koo ɗume les kosɗe maako, waɗi mo dow koo ɗume, laatini mo hooreejo jama'aare nuɗɗinɓe.

Kolossi'en 1:18

Kaŋko woni hoore jama'aare nuɗɗinɓe laatiinde ɓanndu maako. O fuɗɗoode, o arano caka ummitinaaɓe diga maayde, haa o laato ɓurduɗo nder koo ɗume fuu.

Ibraniŋke'en 7:14

Koo moy fuu anndi Jawmiraawo meeɗen danyaama nder lenyol Yahuuda. Muusa meeɗaay wolwugo haala lenyol ngo'ol sam, nde o wolwi haala liman'en.

Wahayu Yuhanna 11:15

Nden malaa'ikaajo njoweeɗiɗaɓo fuufi luwal muuɗum. Mi nani sawtuuji cemmbiɗɗi nder asama, ɗi ɗon mbi'a: “Laamu duniyaaru laatanake Jawmiraawo meeɗen e Almasiihu muuɗum, o laamoto haa abada abadin!”

Wahayu Yuhanna 2:27

o duran ɗe bee sawru njamndi, o fusan ɗe bana ɓe pusirta payanɗe loope,

Wahayu Yuhanna 7:17

ngam jawgel gonŋgel haa caka leeso laamu laatoto gaynaako maɓɓe, yahran ɓe haa ceeɓooje ndiyam ndokkanɗam ngeendam. Allah boo woostan gonɗi fuu haa gite maɓɓe.”