Matta 19:5 - Fulfulde Bible

⁵ Nden o wi'i: “Ngam maajum gorko accan baaba muuɗum e daada muuɗum, ɗakkotiran bee debbo muuɗum, ɓe ɗiɗo fuu ɓe laatoto ɓanndu wooru.

Fulfulde DC Bible

⁵ Nden o wi'i: “Ngam maajum gorko accan baaba muuɗum e daada muuɗum, ɗakkotiran bee debbo muuɗum, ɓe ɗiɗo fuu ɓe laatoto ɓanndu wooru.

Matta 19:5 Iomraidhean Croise

Laataanooji 34:3

Ɓernde Sikem ɗakkotiri bee Dina, ɓii Yaakubu. O yiɗi paanyo debbo oo masin, o ɗaɓɓi de'itingo mo.

2 Samuyila 1:26

Kayto deerɗiraawo am Yonatan, ɓernde am ɗon naawa ngam maaɗa. An wonno soobaajo am giɗaaɗo, yiide ma ɓurani yam wooɗugo dow yiide rewɓe fuu.

1 Laamiiɓe 11:2

Alhaali boo, Jawmiraawo reentinino Isra'iila'en dow kawtal bee heefeerɓe. O wi'no ɓe: “Taa kawte bee maɓɓe, taa acce ɓe kawta bee mooɗon, ngam ɓe estan on haa on cujidana labbi maɓɓe.” Ammaa Suleymaanu yiɗi rewɓe ɓe'e, ɗakkotiri bee maɓɓe.

Jabuura 45:10

Ɓiɓɓe laamiiɓe rewɓe ɗon caka yiɗaaɓe ma, haa nyaamo ma daada saare ɗon dari, o pawnoriiɗo bee kaŋŋeeri iwndi diga Ofir.

Jabuura 63:8

Ngam an woni balloowo yam, mi yiman bee seyo les bileeji ma.

Malakiya 2:15

Naa Jawmiraawo laatini on goɗɗo gooto nder ɓanndu e ruuhu na? Ɗume goɗɗo oo ɗaɓɓata? Naa heɓugo ɓikkoy koy Allah hokkata? Ngam maajum kakkilane ko'e mooɗon. Taa goɗɗo zammbo debbo sukaaku muuɗum.

Matta 19:6

Bana non ɓe laatataako yimɓe ɗiɗo ɓaawoɗon, ammaa ɓanndu wooru. Ngam maajum taa neɗɗo fiista ko Allah haɓɓi.”

Roma'en 12:9

Yiide mon laato laaɓnde, nde walaa faasikaare. Nganye halleende koo ndeye, taa acce waɗgo mbooɗeeŋga.

1 Korintu'en 6:16

On anndaa ɗakkotirɗo bee daakaareejo laatake ɓanndu wooru bee maako na? Deftere wi'i: “Ɗiɗo ɓe'e laatoto ɓanndu wooru.”

1 Korintu'en 7:2

Ammaa ngam taa on laato daakaare'en, ndikka gorko fuu mara debbo muuɗum, debbo fuu boo mara gorko mum.

1 Korintu'en 7:4

Debbo maraay baawɗe dow ɓanndu mum, goriiko mari ndu. Non boo gorko maraay baawɗe dow ɓanndu mum, ɗum debbo maako mari ndu.

Efesu'en 5:31

Ngam maajum: “Gorko accan baaba muuɗum e daada muuɗum, ɗakkotiran bee debbo muuɗum, ɓe ɗiɗo ɓe laatoto ɓanndu wooru.”

Tooktaaki Tawreeta 10:20

Kule Jawmiraawo, Allah mooɗon, njaggane mo feere maako. Ɗakkotire bee maako, kunore bee innde maako tan.

Tooktaaki Tawreeta 11:22

Fakat, to on kakkilani umrooje ɗe umranmi on ɗe'e fuu, to on ɗowtanake ɗe bee yiɗugo Jawmiraawo, Allah mooɗon, bee tokkaago laabi maako e bee ɗakkotirgo bee maako,

Tooktaaki Tawreeta 4:4

Ammaa onon ɗakkotirɓe bee Jawmiraawo, Allah mooɗon, on fuu on yeeɗɓe hannde.

1 Samuyila 18:1

Nde bolidal Sawulu bee Daawuda timmi, ɓernde Yonatan ɓii Sawulu fuɗɗi yiɗugo Daawuda masin. O yiɗi mo bana yoŋki maako.

1 Samuyila 25:43

Daawuda aartuno te'ugo Ahino'am, iwɗo Yisre'el. Ahino'am e Abigayel, ɓe ɗiɗo fuu ɓe laati rewɓe maako.