Matta 18:8 - Fulfulde Bible

⁸ To juŋngo ma malla kosŋgal ma nastinte nder hakke, ta'u ɗum, wudin ɗum daayiiɗum. Ndikka a nasta ngeendam nduumiiɗam bee juŋngo wooto malla kosŋgal gootal, dow nastugo yiite duumiiŋge bee juuɗe malla kosɗe ma ɗiɗi fuu.

Fulfulde DC Bible

⁸ To juŋngo ma malla kosŋgal ma nastinte nder hakke, ta'u ɗum, wudin ɗum daayiiɗum. Ndikka a nasta ngeendam nduumiiɗam bee juŋngo wooto malla kosŋgal gootal, dow nastugo yiite duumiiŋge bee juuɗe malla kosɗe ma ɗiɗi fuu.

Matta 18:8 Iomraidhean Croise

Esaaya 30:22

Labbi mon cuddaaɗi bee cardi, on karminan ɗi, non boo labbi mon ɓolinaaɗi, kuuwraaɗi bee kaŋŋeeri. A sakkinan ɗi bana limce tunwuɗe, a wi'an: “Haa yaasi!”

Esaaya 33:14

Marɓe hakke nder Siyona ɗon kultora, diwnol naŋngi yedduɓe Allah. Ɓe ɗon mbi'a: “Moy caka meeɗen waawata faɓɓugo kommbi yiite wulanŋge? Moy waawata faɓɓugo kommbi nguli maage haa foroy?”

Ezekiyel 18:31

Acce tuurtolji mon fuu, kesɗitine ɓerɗe mon e ruuhuuji mon. Malla on ngiɗi maayugo na, onon Isra'iila'en?

Matta 17:27

Ammaa ngam taa en mettina ɓe ɓerɗe, yah haa weendu, sakkin ngalum nder ndiyam, liiŋgu ngu a aartata naŋngugo, hoocu ngu, maɓɓitu hunnduko maagu, a tawan ceede cardi ton. Hoocu, yoɓ ɓe ngam am e ma.”

Matta 25:41

Nden laamiiɗo wi'an wonɓe haa nano muuɗum: Ndaayeeɗam, onon naalaaɓe! Ndille nder yiite duumiiŋge, taaskitinaaŋge ngam Iblisa e malaa'ika'en muuɗum.

Matta 25:46

Kamɓe ɓe nastan haa yaŋgada nduumiika, ammaa adili'en go keɓan ngeendam nduumiiɗam.”

Luka 14:33

Bana non haa mooɗon boo, mo accaay jawdi muuɗum fuu, waawataa laataago pukaraajo am.”

Luka 16:24

O wooki, o wi'i: Yaa baabiraawo am Ibrahiima, hinnam. Nel Laazarus ngam o suuwa hoondu maako nder ndiyam, o feewtina ɗemŋgal am, ngam mi ɗon yaŋgito nder yiite nge'e.

Roma'en 13:12

Jemma jeŋngi masin, nyalawma ɓadake. Ngam maajum sey en acca huuwugo kuuɗe nyiɓre, en ɓorno balmi annoora.

Wahayu Yuhanna 14:10

kaŋko boo o yaran njaram ɓernuki Allah. Allah jillaay ɗam bee ndiyam, o rufi ɗam nder jardugel ɓernuki maako. Goɗɗo oo torroto nder yiite e baruudu yeeso malaa'ika'en seniiɓe e yeeso jawgel.

Wahayu Yuhanna 20:15

Koo moy mo innde muuɗum winndaaka nder deftere ngeendam, o sakkinaama nder weendu yiite.

Wahayu Yuhanna 21:8

Ammaa hulɓe, sooya-nuɗɗinki'en, waɗooɓe ko nyiddi, mbarooɓe ko'e, daakaare'en, waɗooɓe hiila, rewooɓe labbi e fewooɓe fuu, geɗal maɓɓe laatoto nder weendu wulanndu bee yiite e baruudu. Kanjum woni maayde ɗiɗawre.”