Matta 17:2 - Fulfulde Bible

² Jaati maako wayliti haa gite maɓɓe, yeeso maako yayni bana naaŋge, limce maako laati daneeje tal bana annoora.

Fulfulde DC Bible

² Jaati maako wayliti haa gite maɓɓe, yeeso maako yayni bana naaŋge, limce maako laati daneeje tal bana annoora.

Matta 17:2 Iomraidhean Croise

Jabuura 104:2

A ɗon moji annoora, a we'iti asamanji bana laymaaru.

Yimre Suleymaanu 6:10

Moye debbo jaynanɗo bana baɓɓol? Moye wooɗi masin bana lewru? Moye laaɓi haa nannda bee naaŋge? Moye kulniiɗo bana honooɓe les tuutaaje muuɗum'en?

Matta 17:1

Ɓaawo nyalɗe joweego, Yeesu hoo'i Piyer e Yaakuba e Yuhanna deerɗu Yaakuba, o dillidi bee maɓɓe dow hooseere townde, ɓe ɗon ton feere maɓɓe.

Matta 17:3

Nden Muusa e Eliya mbaŋgani ɓe, ɗon mbolida bee Yeesu.

Matta 28:3

Jaati maako ɗon yayna bana ma'ere, limce maako boo daneeje bana hottollo.

Markus 9:3

limce maako ɗelki, daneeje tal, walaa koo gooto haa duniyaaru fuu waawata ranwingo limce bana non.

Luka 9:29

Nde o ɗon do'o, yeeso maako sannji, limce maako ndanwi tal, ɗelki.

Yuhanna 1:14

Wolde go laati neɗɗo marɗo ɓanndu, o jooɗi caka meeɗen. O keewɗo mo'ere e gooŋga. Min ngi'i tedduŋgal maako, ɗum tedduŋgal Ɓiɗɗo bajjo mo Baabiraawo.

Yuhanna 17:24

Yaa Baabiraawo, yimɓe ɓe a hokki yam, mi yiɗi ɓe ngonda bee am haa ngonanmi, ngam haa ɓe ngi'a tedduŋgal am ngal a hokki yam, ngam a yiɗi yam diga duniyaaru tagaakano tawon.

Roma'en 12:2

Taa tokke ko yimɓe zamanuuru ndu'u mbaɗata, ammaa acce Allah wayla ɓerɗe mon, hesɗitina hakkiilooji mon. Nden kam on anndan muuyo Allah, waato ko wooɗi e ko fottanta mo e ko woni timmuɗum.

Wahayu Yuhanna 10:1

Nden mi yi'i malaa'ikaajo feere marɗo baawɗe ɗon jippo asama. O ɗon ɓorni ruuldere, timotimooŋgal ɗon taari hoore maako, yeeso maako ɗon yayna bana naaŋge, kosɗe maako nanndi bee moosli yiite.

Wahayu Yuhanna 20:11

Nden mi yi'i leeso laamu maŋngo raneewo e jooɗiiɗo dow maago. Lesdi e asama ndoggi yeeso maako, meetaay yi'eego.