Matta 13:44 - Fulfulde Bible

⁴⁴ “Laamu asamanji nanndi bee jawdi ndi ɓe nyukkini nder ngesa. Mo tawi ndi, nyukkini ndi fahin. O seyi masin, o yehi, o soorri mardi maako fuu, o soodi ngesa man.”

Fulfulde DC Bible

⁴⁴ “Laamu asamanji nanndi bee jawdi ndi ɓe nyukkini nder ngesa. Mo tawi ndi, nyukkini ndi fahin. O seyi masin, o yehi, o soorri mardi maako fuu, o soodi ngesa man.”

Matta 13:44 Iomraidhean Croise

Ayuba 28:13

Walaa annduɗo saman hikma, ka tawataake haa yimɓe duniyaaru.

Balndi 16:16

Heɓugo hakkiilo e hikma ɓuri marugo cardi e kaŋŋeeri piw.

Balndi 17:16

Ɗume ceede haa juŋngo paataaɗo nafata? Haa o sooda hikma na, nde o walaa hakkiilo?

Balndi 18:1

Jooɗotooɗo feere mum tokkoto suuno mum tan, to goɗɗo yiɗi wallugo mo, o ɓernan.

Balndi 23:23

Soodu gooŋga, taa soorru ka, non boo hikma, anndinki e hakkiilo.

Esaaya 55:1

Hey! Onon ɗomɗuɓe, ngare haa ndiyam, koo mo walaa ceede! Ngare, coode, nyaame! Ngare, coode inaboojam e kosam bilaa ceede, bilaa yoɓugo koo ɗume.

Matta 13:24

Yeesu wolwani ɓe balndol feere, o wi'i: “Laamu asamanji nanndi bee goɗɗo mo saaki aawdi mboondi waato alkamaari nder ngesa muuɗum.

Matta 13:46

Nde o tawi luuluuri marndi saman masin, o yehi, o soorri mardi maako fuu, o soodi ndi.”

Matta 13:47

“Laamu asamanji nanndi boo bee zubaawol ngol waawooɓe ngubi nder weendu, ngol naŋngi liɗɗi feere feereeji.

Matta 19:21

Yeesu wi'i mo: “To a yiɗi laataago timmuɗo, yah, soorru ko marɗa, hokku ɗum talaka'en, nden kam a heɓoyan ndesaari haa asama. Nden war tokkam.”

Matta 19:27

Nden Piyer wi'i mo: “Ndaa, minin min acci kuuje fuu, min tokki ma, ko laatanto min kadi?”

Matta 19:29

Koo moy acci saare muuɗum e deerɗiraaɓe worɓe e rewɓe malla saaro'en malla ɓikkoy malla gese muuɗum ngam daliila innde am, o heɓan cowi teemerre, o ronan ngeendam nduumiiɗam boo.

Matta 6:21

Ngam haa jawdi maaɗa woni, ton ɓernde maaɗa boo wonata.”

Luka 14:33

Bana non haa mooɗon boo, mo accaay jawdi muuɗum fuu, waawataa laataago pukaraajo am.”

Yuhanna 6:35

Yeesu wi'i ɓe: “Min woni nyaamdu ndu hokkata ngeendam. Koo moy wari haa am, meetataa maatugo dolo sam. Koo moy nuɗɗini yam boo, meetataa ɗomɗugo sam.

Roma'en 15:4

Ko winnda diga ɓooyma, ɗum winndaama ngam ekkitingo en haa keɓren tammunde bee munyal e de'ere nde defte ceniiɗe ndokkata.

Kolossi'en 2:3

Haa maako hikma e anndal fuu ɗon cuuɗi.

Kolossi'en 3:16

Acce wolde Almasiihu jooɗo nder ɓerɗe mooɗon bee risku maare fuu. Ngaajindire bee hikma fuu, ndeentindire. Ngimane Allah bee yettoore nder ɓerɗe mon. Ngimane mo maŋgtooje e gime ɗe Ruuhu maako hokkata.

Ibraniŋke'en 10:34

On njurmini haɓɓaaɓe nder fursina. Nde ɓe njaɓti on jawdi, on munyi asar man, on accaay seyaago, ngam on anndi luttani on kuuje ɓurɗe wooɗugo, ɗe timmataa.

Wahayu Yuhanna 3:18

Ngam maajum mi ɗon waso ma: Soodu haa am kaŋŋeeri laɓɓinaandi bee yiite ngam haa a riska. Soodu limce daneeje boo ngam haa a ɓorno, a sudda cemtuɗum temmbu maaɗa. Kadiboo soodu lekki ngam gite ma, ngam haa a heɓa yi'ugo.