Matta 13:11 - Fulfulde Bible

¹¹ O jaabi ɓe: “Onon, Allah anndini on sirriiji laamu mum, ammaa kamɓe ɓe anndinaaka.

Fulfulde DC Bible

¹¹ O jaabi ɓe: “Onon, Allah anndini on sirriiji laamu mum, ammaa kamɓe ɓe anndinaaka.

Matta 13:11 Iomraidhean Croise

Jabuura 25:14

Jawmiraawo ɗon anndina hulɓe ɗum sirriiji muuɗum, o faamtinan ɓe alkawal ngal o haɓɓi bee maɓɓe.

Esaaya 29:10

Ngam Jawmiraawo waanji ruuhu ɗoyŋgol tedduŋgol dow mooɗon. O maɓɓi gite mon, waato annabi'en, o suddi ko'e mon, waato yi'ooɓe.

Esaaya 29:11

Wahayu fuu suuɗani on bana bolle deftere maɓɓaande kab nde ɓe ndokki goɗɗo annduɗo jaŋngugo bee wi'ugo mo: “Jaŋngu ɗu'um ɗo, useni”, kaŋko o wi'a: “Mi waawataa, ngam nde maɓɓaama kap.”

Esaaya 35:8

Buuwol bi'eteeŋgol Laawol-Ceniiŋgol wonan ton. Coɓɗo yahataa dow maagol, sey tokkotooɓe laawol man tan. Koo faataaɓe boo majjataa ton.

Matta 13:10

Ɓaawoɗon pukara'en ngari haa Yeesu, ƴami mo: “Ngam ɗume a ɗon wolwana yimɓe bee balndi?”

Matta 16:17

Yeesu wi'i mo: “A barkiɗinaaɗo, Simon ɓii Yonas, naa neɗɗo waŋginani ma gooŋga ka, ammaa ɗum Baabiraawo am mo asama.

Matta 19:11

Yeesu jaabi ɓe: “Naa yimɓe fuu njaɓata haala ka, sey ɓe Allah waawni:

Matta 20:23

Yeesu jaabi ɓe: “Gooŋga, on njaran jardugel am, ammaa jooɗaago haa nyaamo malla haa nano am, naa min hokkata ɗum, ɗum ɗon ngam yimɓe ɓe Baabiraawo am taaskitini.”

Markus 10:40

Ammaa ko laarani jooɗaago haa nyaamo malla haa nano am, naa min hokkata ɗum, ɗum ɗon ngam yimɓe ɓe Allah taaskani.”

Markus 4:11

O jaabi ɓe: “Onon, Allah anndini on sirri laamu muuɗum. Ammaa ngam woɗɓe, sey bee balndi.

Luka 8:10

O jaabi: “Haa mooɗon ɗum hokkaama anndugo sirriiji laamu Allah, ammaa haa yimɓe feere sey bee balndi. Ngam haa ɓe ndaara, ammaa ɓe ngi'ataa, ɓe nana, ammaa ɓe paamataa.”

Yuhanna 6:65

O ɓesdi wi'ugo: “Ngam man mbi'mi on, walaa mo waawata wargo haa am sonaa to Baabiraawo hokki yam mo.”

Yuhanna 7:17

To goɗɗo yiɗi waɗugo muuyo Allah, o anndan to ekkitinol am iwi haa Allah malla to mi ɗon wolwa ngiɗa am.

Kuuɗe Nelaaɓe 16:14

Gooto maɓɓe, Lidiya, iwɗo wuro Tiyatira, o piloowo limce boɗeeje marɗe saman, o dewoowo Allah. Jawmiraawo maɓɓiti ɓernde maako, haa o nani ko Pol wi'i bee hakkiilo.

Roma'en 11:25

Deerɗiraaɓe am, mi yiɗi waŋginango on sirri, ngam taa ndaaron ko'e mon bana on hikma'en. Isra'iila'en woɗɓe laati saata-ko'e'en. Ammaa ɗum timman to limgal suɓaaɓe Allah iwɓe diga ummaatooje goɗɗe ciki.

Roma'en 16:25

Tedduŋgal laatano Allah! Kaŋko o woodi baawɗe semmbiɗingo on fodde Linjiila ka ngaazinanmi. Linjiila ɗon anndina haala Yeesu Almasiihu, ka ɗon waŋgina gooŋga Allah sirriiha. Gooŋga man ɗonno suuɗi diga ɓooyma,

1 Korintu'en 13:2

To mi woodi dokkal waɗugo annabaaku malla to mi faami sirriiji Allah fuu, to mi anndi koo ɗume fuu, to mi woodi nuɗɗinki haa mi waawi sottingo kooseeje boo, ammaa to mi walaa yiide, nden kam mi huunde meere.

1 Korintu'en 15:51

Haa mi waŋginana on sirriijum feere: Naa en fuu en maayan, ammaa en fuu en ngaylititto.

1 Korintu'en 2:14

Koo moy tokki hakkiilo mum jaɓataa ko iwi haa Ruuhu Allah, ngam ɗum faataare haa maako. O faamataa ɗum sam, ngam sey bee ballal Ruuhu ɗum faamorto.

1 Korintu'en 2:7

Min ɗon ngaazina hikma Allah sirriiha, ka o suuɗino, ammaa o annini hokkugo en diga zamanuuji ciwaa ngam tedduŋgal meeɗen.

1 Korintu'en 4:1

Non kadi anndite minin ngoni huuwanooɓe Almasiihu, kaliifa'en halfinaaɓe waŋgingo sirriiji Allah.

1 Korintu'en 4:7

Moy ɓurnu ma dow woɗɓe? Naa Allah hokki ma ko marɗa fuu na? To ɗum dokkal keɓɗa kam, koni jurortoɗa bana a heɓaayno ngal?

Efesu'en 1:18

Allah yaynana hakkilooji mon bee jayŋgol mum, haa on paama no tammunde iwnde diga ewnaandu maako wa'i, non boo jeynitaare tedduŋgal ndonŋgu ngu o sigani senaaɓe maako.

Efesu'en 1:9

O anndini en sirri muuyo maako, o waɗi anniya ka'a nder Almasiihu diga ɓooyma ngam ɗum fottani mo,

Efesu'en 5:32

Sirri lugguɗo ɗon nder aayaare nde'e. Haa am kam, nde ɗon wolwa haala Almasiihu bee jama'aare mum.

Efesu'en 6:19

Tore mo ngam am boo, haa o hokkammi bolle pottuɗe ngam waŋgingo sirri Linjiila bee dartaare.

Kolossi'en 2:2

ngam haa ɓerɗe maɓɓe cemmbiɗa, ɓe kawta nder yiide e nder anndal gooŋgawal fuu, ɓe paama sirri Allah, waato Almasiihu.

1 Timote 3:16

Fakat, baŋginki sirri nuɗɗinki meeɗen mawni: O waŋgi bee ɓanndu neɗɗo, Ruuhu gooŋɗini mo. Malaa'ika'en ngi'i mo. Ummaatooje ngaazinaama kubar maako. Yimɓe duniyaaru nuɗɗini mo, o eeŋginaama nder tedduŋgal haa asama.

1 Timote 3:9

Sey ɓe kakkilana gooŋga nuɗɗinki ka Allah waŋgini ɗum, ɓe njogo ka bee numo ɓernde laaɓŋgo.

Yaakuba 1:5

To hikma ŋakkani gooto caka mooɗon, sey o toro Allah dokkanɗo koo moy bee caahaaki e bilaa feloore, o hokkan mo ka.

1 Yuhanna 2:20

Ammaa onon, on fuu on ngoodi anndal, ngam on keɓi Ruuhu diga Ceniiɗo.

1 Yuhanna 2:27

Ammaa onon, Ruuhu mo keɓɗon diga Almasiihu ɗon jooɗi nder mooɗon, on ngalaa haaje goɗɗo ekkitina on, ngam Ruuhu go ɗon ekkitina on koo ɗume fuu, ɗon ekkitina gooŋga, naa fewre. Ngam maajum mbaɗe ko o ekkitini on, tabite nder kawtal bee Almasiihu.