Matta 11:5 - Fulfulde Bible

⁵ Wumɓe ɗon ngi'a, woosɓe ɗon njaha, kuturu'en laaɓi, fahɓe boo ɗon nana, maayɓe ummitaama, talaka'en boo ngaazinaama kubaruwol ceynoowol.

Fulfulde DC Bible

⁵ Wumɓe ɗon ngi'a, woosɓe ɗon njaha, kuturu'en laaɓi, fahɓe boo ɗon nana, maayɓe ummitaama, talaka'en boo ngaazinaama kubaruwol ceynoowol.

Matta 11:5 Iomraidhean Croise

2 Laamiiɓe 5:14

Na'aman jaɓi sawari, o jippi nder Urdun, o nasti nder ndiyam nde joweeɗiɗi bana annabiijo wi'no mo, o laaɓi, ɓanndu maako warti bana ndu ɓiŋngel.

2 Laamiiɓe 5:7

Nde laamiiɗo Isra'iila jaŋngi bataakewol man, o seeki limce maako, o wi'i: “Kadi min mi Allah, mi mari baawɗe mbarugo e yeeɗitingo na? Laamiiɗo Siriya'en, o neldi haa am, haa mi yamɗitina goɗɗo diga saɗawre mum. Fakat, o ɗon ɗaɓɓa jokkirgol bee am!”

Jabuura 146:8

Jawmiraawo wumtinan wumɓe. Jawmiraawo ummitinan toskaaɓe. Jawmiraawo yiɗi adili'en.

Jabuura 22:26

Yaa Jawmiraawo, haa maaɗa maŋgtooje am nder mooɓtorde mawnde iwi, yeeso hulɓe ma kebbinanmi togayeeje am.

Gurtaaki 4:11

Jawmiraawo wi'i mo: “Moy tagani ɓii-Aadama hunnduko? Moy muukɗinta malla fahɗinta malla yi'nata malla wumnata? Naa min Jawmiraawo na?

Esaaya 29:18

Nyalaade maajum, fahɓe nanan bolle deftere, wumɓe ngurtoto nyiɓre e jemma, ɓe mbumtan.

Esaaya 29:19

Yaŋkiniiɓe ceyorto Jawmiraawo bee seyo fantuŋgo, talaka'en caka yimɓe mbelmbeltan daliila Allah Ceniiɗo Isra'iila.

Esaaya 43:8

Ngurtine ummaatoore nde'e: Nde woodi gite, ammaa nde yi'ataa. Nde woodi noppi boo, ammaa nde nanataa!

Esaaya 66:2

Kuuje ɗe'e fuu, juŋngo am waɗi ɗe, nden ɗe fuu ɗe laati. Non Jawmiraawo wi'i. Ndaa ɓe'e ndaaranmi: Yaŋkiniiɓe e ta'a-ɓerɗe'en, diwnanɓe ngam wolde am.

Zekariya 11:7

Mi duri baali ɗi soorrooɓe taaskitini ngam hirseego. Mi hoo'i cabbi ɗiɗi. Wooru maaji, mi ewni ndu: Mbooɗeeŋga, nduya boo: Kawtal. Nden mi tokki durugo tokkere.

Matta 10:8

Njamɗitine nyawɓe, ummitine maayɓe, laɓɓine kuturu'en, ndiiwe ginnaaji. On keɓi ɗum caahu, onon boo caahe ɗum.

Matta 11:4

Yeesu jaabi ɓe: “Njehe, mbi'e Yuhanna ko on nani, ko on ngi'i boo:

Matta 12:13

Nden o wi'i gorko go: “Fortu juŋngo ma.” O forti ngo, ngo yamɗiti, warti bana ngoya.

Matta 21:14

Wumɓe e woosɓe ngari haa Yeesu nder haykaliiru, o yamɗitini ɓe.

Matta 5:3

“Barka laatanto annduɓe ko'e muuɗum'en ɓe talaka'en fodde Ruuhu, ngam kamɓe njeyi laamu asamanji.

Matta 9:30

Law gite maɓɓe mbumti. Nden Yeesu barri ɓe, wi'i: “Taa goɗɗo koo gooto nana haala ka.”

Markus 7:37

Nanɓe ɗum kayɗini masin, ɓe mbi'i: “Ko o waɗata fuu, wooɗi masin! O waɗi haa fahɓe nana, muuka'en boo mbolwa.”

Markus 9:25

Nde Yeesu yi'i mooɓre ɗon dogga wara haa maɓɓe, o telɓani ruuhu coɓŋgu go: “An ruuhu muukaaŋgu, pahu! Mi umri ma: Wurta ɓiŋngel nge'el, taa meetu nastugo nder maagel.”

Luka 4:18

“Ruuhu Jawmiraawo ɗon dow am, o mooyti yam ngam haa mi waazina laafuɓe habaru seyo. O neli yam haa mi wooynana haɓɓaaɓe ndimu muuɗum'en, ngam wumtingo wumɓe, ngam jooftuki torraaɓe,

Yuhanna 10:25

Yeesu jaabi ɓe: “Mi wi'i on ɗum diga ɓooyma, ammaa on nuɗɗinaay ɗum. Kuuɗe ɗe mi ɗon huuwa bee baawɗe Baabiraawo am, ɗon ceedano yam.

Yuhanna 10:38

Ammaa to ɗum kuuɗe maako fakat, koo to on nuɗɗinaay yam min, nuɗɗine kuuɗe ɗe'e, ngam haa on annda e on paama Baabiraawo ɗon nder am, min boo mi ɗon nder Baabiraawo.”

Yuhanna 2:23

Yaake Yeesu ɗonno haa Urusaliima nder nyalɗe juulde Paska, ɗuuɗɓe nuɗɗini mo ngam ɓe ngi'i kaayeefiiji ɗi o waɗi.

Yuhanna 3:2

O wari haa Yeesu bee jemma, o wi'i mo: “Moodibbo, min anndi a ekkitinoowo mo Allah neli ɗum, ngam walaa koo gooto waawata waɗugo kaayeefiiji bana ɗi a waɗata, sonaa to Allah ɗon wondi bee maako.”

Yuhanna 5:36

Ammaa min mi woodi seedamku ɓurŋgu ngu Yuhanna: Ngam kuuɗe ɗe Baabiraawo hokki yam ngam mi hebbitina ɗe, waato kuuɗe ɗe mi huuwata, kanje seedanto yam, ɗum holli Baabiraawo neli yam.

Yuhanna 9:7

nden o wi'i mo: “Yah, sulmoya haa weendu Silowam.” Silowam yiɗi wi'go: Nelaama. Bumɗo yehi ton, sulmi. Nde o lori, o ɗon yi'a.

Kuuɗe Nelaaɓe 2:22

Onon Isra'iila'en, nananeeɗam: Yeesu mo Nasaratu, o gerdaaɗo Allah yeeso mooɗon. On anndi ɗum, ngam bee maako Allah waari kaayeefiiji e alaamaaji caka mooɗon.

Yaakuba 2:5

Deerɗiraaɓe am yiɗaaɓe, keɗite booɗɗum! Naa Allah suɓi laafuɓe duniyaaru ngam haa ɓe laato riskuɓe nder nuɗɗinki e ɓe ndona laamu ngu o iinani yiɗɓe mo na?