Matta 1:11 - Fulfulde Bible

¹¹ Yusiya danyi Yekoniya e deerɗiraaɓe muuɗum saa'i daheeki Isra'iila'en haa Baabila.

Fulfulde DC Bible

¹¹ Yusiya danyi Yekoniya e deerɗiraaɓe muuɗum saa'i daheeki Isra'iila'en haa Baabila.

Matta 1:11 Iomraidhean Croise

2 Laamiiɓe 23:31

Yo'ahas woodi duuɓi noogas e tati, saa'i o laamo. O laami haa Urusaliima lebbi tati. Innde daada maako, Hamutal ɓii Yeremiya mo Libna.

2 Laamiiɓe 24:14

O dahi yimɓe ummaatoore Urusaliima, mawɓe e honooɓe semmbiɗɓe fuu, limgal maɓɓe waɗi ujine sappo. O dahi boo marɓe sanaa'aaji e kila'en fuu. Walaa mo lutti sonaa laafuɓe nder yimɓe lesdi man.

2 Laamiiɓe 25:11

Ɓaawo maajum Nebuzaradan dahi luttuɓe nder berniwol e hawtanɓe laamiiɗo Baabila e ummaatoore luttunde fuu.

2 Habaruuji Nyalaaɗe 36:10

Mawri man, haa fuɗɗoode hitaande, laamiiɗo Nabukodonosor neli ngam naŋngugo mo. Ɓe njahri mo haa Baabila, hawtaade bee kuuje haykaliiru Jawmiraawo ɗuuɗa-samanje. Nabukodonosor waɗi Sedekiya bappaanyo Yooyakin laamiiɗo Yahuuda e Urusaliima.

2 Habaruuji Nyalaaɗe 36:20

O dahi daɗɓe kaafahi fuu haa Baabila. Ton ɓe laati maccuɓe maako e maccuɓe danygol maako haa wargo laamu Perezzi'en.

Esaaya 13:1

Ndaa wahayu dow Baabila mo Esaaya ɓii Amoosa heɓi:

Yeremiya 39:9

Nden Nebuzaradan, hooreejo aynooɓe laamiiɗo hoo'i luttuɓe nder berniwol e hawtannooɓe mo, dahi ɓe haa Baabila.

Daniyel 1:2

Jawmiraawo hokki mo Yehoyakim, laamiiɗo Yahuuda, non boo yeɓre kuuwruɗe gonɗe nder haykaliiru Allah. Nabukodonosor yahri ɗe haa suudu ɗowanteeɓe muuɗum haa lesdi Sine'ar, nastini ɗe nder ndesaari ɗowanteeɓe mum.

Matta 1:12

Ɓaawo daheeki Isra'iila'en haa lesdi Baabila, Yekoniya danyi Salatiyel, Salatiyel danyi Zorobaabila,

Matta 1:17

Diga Ibrahiima haa Daawuda waɗi gide sappo e nayi; diga Daawuda haa daheeki Isra'iila'en haa Baabila boo waɗi gide sappo e nayi; diga daheeki Isra'iila'en haa Baabila haa Almasiihu danya boo waɗi gide sappo e nayi.