Malakiya 2:7 - Fulfulde Bible

⁷ Ngam kuugal limanjo ɗum ekkitingo anndal Allah. Yimɓe ɗaɓɓitan kiita haa maako, ngam o nelaaɗo Jawmiraawo honooɓe asama.

Fulfulde DC Bible

⁷ Ngam kuugal limanjo ɗum ekkitingo anndal Allah. Yimɓe ɗaɓɓitan kiita haa maako, ngam o nelaaɗo Jawmiraawo honooɓe asama.

Malakiya 2:7 Iomraidhean Croise

2 Laamiiɓe 16:11

Uriya limanjo nyiɓi hirsirde fodde tinndinooje ɗe Akas nelduno diga Damas, bana non Uriya limanjo waɗi nde, haa laamiiɗo Akas warti diga Damas.

2 Laamiiɓe 16:16

Uriya, limanjo waɗi fodde ko laamiiɗo Akas umri mo fuu.

2 Habaruuji Nyalaaɗe 30:22

Hezekiya suusɗini ɓerɗe Lewi'en, ngam ɓe fuu ɓe paami kuugal Jawmiraawo booɗɗum. Nyalɗe joweeɗiɗi ɓe nyaami nder juulde man, ɓe lii'i kirsaaɗi ngam kawtal yimɓe, ɓe ngetti Jawmiraawo Allah kaakiraaɓe maɓɓe.

2 Habaruuji Nyalaaɗe 31:4

Nden Hezekiya umri yimɓe Urusaliima ndokka liman'en e Lewi'en ko haandani ɓe, ngam haa ɓe tabito nder tawreeta Jawmiraawo.

Esira 7:10

Ngam Esira annini linyugo tawreeta Jawmiraawo e ɗowtanaago ka e anndingo Isra'iila farillaaji e kiitaaji.

Esira 7:25

An boo, Esira, bee hikma ka Allah hokki ma, jo'in hiitooɓe e alkaali'en ngam hiitanaago yimɓe mooɗon haa lesdi hiirnaaŋge maayo Efratis kiita ngooŋɗuka, waato annduɓe umrooje Allah maaɗa fuu. Mo anndaa ɗe boo, sey on anndina mo.

Balndi 5:2

haa a laato kakkilɗo, haa keɓta ko mbolwata.

Gaazoowo 5:5

Taa accu hunnduko ma nastine hakke, taa wi' limanjo Allah ɗum boofol. A yiɗi tikkingo Allah bee bolle ma, haa o halka kuugal juuɗe ma na?

Esaaya 42:19

Moy woni bumɗo, sonaa suka am? Moy woni paho bana nelaaɗo am mo nelanmi ɗum? Moy woni bumɗo bana ɗakkotirɗo bee am, moy woni paho bana suka Jawmiraawo?

Esaaya 44:26

Ammaa mi ɗon tabitina wolde suka am, mi ɗon hiɓɓina nufayeeje nelaaɓe am. Mi wi'an dow Urusaliima: Yimɓe njooɗoto ton, dow gure Yahuuda boo: Ɓe nyiɓtoto ɗe. Mi mahitan bille maaje.

Yeremiya 15:19

Ngam maajum Jawmiraawo jaabi yam: “To a lortake, mi jaɓete fahin, a laatoto suka am fahin. To a wolwi nafoojum, naa meereejum, nden kam a laatoto annabiijo am fahin. Yimɓe tokkoto ma, ammaa naa an tokkoto ɓe.

Yeremiya 18:18

Nden yimɓe mbi'i: “Ngare, en kaɓɓa dabare dow Yeremiya! Liman'en ekkitinooɓe en tawreeta ɗon foroy, hikma'en carwanto en tum, annabi'en ngaazoto wolde Allah foroy. Kallinen mo, taa kakkilanen bolle maako sam!”

Yeremiya 2:8

Liman'en meeɗaay ƴamugo: Toy Jawmiraawo? Fassitirooɓe tawreeta anndaa yam, ardiiɓe tuurtani yam, annabi'en boo mbaɗi annabaaku bee innde Ba'al, tokki ɗowanteeɓe ɓe nafataa.

Ezekiyel 22:26

Liman'en ɗon luuta tawreeta am, ɓe ɗon coɓna kuuje cenaaɗe, ɓe cenndindirtaa ceniiɗum bee ko senaaki, ɓe ekkitintaa yimɓe haala laaɓɗum e coɓɗum, walaa ko yaali ɓe bee nyalɗe ciwtorɗe ɗe ndarnumi boo. Ngam daliila man yimɓe teddintaa yam.

Ezekiyel 7:26

Sarru dow sarru, habaruuji kalluɗi tokkindiran. Ɓe ƴaman wahayuuji haa annabiijo, ɓe keɓataa ekkitinol haa liman'en, koo sawari haa ndotti'en.

Daniyel 11:33

Marɓe faamu, wonɓe caka ummaatoore paamtinan ɗuuɗɓe. Wakkati seɗɗa woɗɓe maɓɓe ɓe mbareteeɓe bee kaafahi malla bee yiite, woɗɓe ɓe ndaheteeɓe, woɗɓe boo ɓe njaɓtan kuuje maɓɓe.

Hose'a 4:6

Ummaatoore am ɗon halka ngam nde walaa anndal. An a wudini anndal, ngam maajum min boo mi wudinte diga kuugal limanku am. A faalaay tawreeta Allah maaɗa, ngam maajum min boo mi faalataa ɓiɓɓe maaɗa.

Farillaaji Lewi'en 10:11

Sey on ekkitina Isra'iila'en farillaaji fuu ɗi umrumi on bee hunnduko Muusa.”

Sefaniya 3:4

Annabi'en maagol ɓe elewɓe, rikici'en, liman'en maagol boo ɗon coɓna ceniiɗum, ɗon luuta tawreeta.

Haggay 1:13

Nden Haggay, nelaaɗo Jawmiraawo yecci yimɓe ummaatoore ni'i: “Jawmiraawo wi'i: Mi ɗon wondi bee mooɗon.”

Zekariya 7:3

ɓe ƴama liman'en huuwanɓe nder haykaliiru Jawmiraawo honooɓe asama e annabi'en: “Min tokko woyugo e suumaago nder lewru jowaɓru bana min ɗonno mbaɗa duuɓi ɗuuɗɗi na?”

Malakiya 3:1

Jawmiraawo honooɓe asama wi'i: “Ndaa, mi ɗon nela nelaaɗo am, haa o mo'ina laawol yeeso am. Jawmiraawo mo ɗaɓɓoton, nastan nder haykaliiru mum bee juhuki. Nelaaɗo mo alkawal mo ngerduɗon, ndaa o ɗon wara.” Non Jawmiraawo honooɓe asama wi'i.

Limle 27:21

O daroto yeeso Eli'azaaru limanjo. Kaŋko o ɓadititto yeeso am, o ƴaman muuyo am bee kaa'e kur'u. Yosuwa e Isra'iila'en wonduɓe bee maako e jama'aare Isra'iila fuu ɗowtanto umrooje maako.”

Yuhanna 13:20

Gooŋga mi wi'ata on: Koo moy jaɓi nelaaɗo am, jaɓi yam min. Koo moy jaɓi yam, jaɓi nelɗo yam.”

Yuhanna 20:21

Yeesu wi'i ɓe fahin: “Salaaman wonda bee mooɗon. Bana no Baabiraawo neli yam, min boo mi ɗon nela on.”

Kuuɗe Nelaaɓe 16:17

O ɗon tokko min, o ɗon wooka, o wi'a: “Yimɓe ɓe'e, ɓe jagganooɓe Allah Ɓaŋiiɗo! Ɓe ɗon ngaaza on Laawol Jawmiraawo!”

2 Korintu'en 5:20

Ngam maajum min wakiili'en Almasiihu. Allah bee hoore mum ɗon wolwana on bee kunnduɗe amin. Ngam daliila Almasiihu min ɗon toro on: Culhotire bee Allah.

Galaatiya'en 4:14

Nyawu am ɓillanno on ammaa on njawaaki yam, on nefaay yam sam. On njaɓi yam bana malaa'ikaajo Allah, bana on njaɓranno Yeesu Almasiihu.

Tooktaaki Tawreeta 21:5

Liman'en Lewi'en njaha ton boo, ngam kamɓe, Jawmiraawo, Allah mooɗon suɓi ɓe ngam ɓe kuuwana mo, ɓe mbarkiɗina bee innde maako. Dow umroore maɓɓe, kiita jokkirgol e sarru e naawnere fuu ta'ete.

Tooktaaki Tawreeta 24:8

Kakkilane nyawu saɗawre, on mbaɗa ko liman'en Lewi'en ekkitinta on bana umrumi ɓe.

1 Tessaloniiki'en 4:8

Ngam man, to goɗɗo salake umrooje ɗe'e, naa neɗɗo o sali, ammaa Allah, dokkuɗo on Ruuhu mum Ceniiɗo.

1 Samuyila 2:17

Aybewol ɓiɓɓe Eeli ngo'ol mawni masin yeeso Jawmiraawo, ngam ɓe njawi kirsaaɗi ɗi yimɓe lii'ani mo.