Malakiya 1:11 - Fulfulde Bible

¹¹ Ngam diga fuɗirde naaŋge haa mutirde maage, ummaatooje ɗon teddina innde am mawnde. Koo toy fuu yimɓe ɗon ngula uurle ngam innde am, ɓe ɗon lii'ano yam dokke laaɓɗe ngam innde am mawnde caka ummaatooje. Non Jawmiraawo honooɓe asama wi'i.

Fulfulde DC Bible

¹¹ Ngam diga fuɗirde naaŋge haa mutirde maage, ummaatooje ɗon teddina innde am mawnde. Koo toy fuu yimɓe ɗon ngula uurle ngam innde am, ɓe ɗon lii'ano yam dokke laaɓɗe ngam innde am mawnde caka ummaatooje. Non Jawmiraawo honooɓe asama wi'i.

Malakiya 1:11 Iomraidhean Croise

1 Habaruuji Nyalaaɗe 16:25

Ngam Jawmiraawo o mawɗo, o maŋgteteeɗo masin, o kulniiɗo ɓurɗo ɗowanteeɓe fuu.

Jabuura 111:9

O neldi ummaatoore maako kisndam, o tabitini alkawal maako duumiiŋgal bee maɓɓe. Innde maako seniinde e hulniinde!

Jabuura 113:3

Maŋgtoore laatano innde Jawmiraawo diga fuɗirde naaŋge haa mutirde maage!

Jabuura 138:5

Ɓe ngima maŋgtoore kuuɗe Jawmiraawo, ngam tedduŋgal maako ɗuuɗŋgal.

Jabuura 141:2

Tornde am laato bana uurle uurooje yeeso ma, juuɗe am ɓaŋgtaaɗe boo bana dokkal nyaamdu kiikiiɗe.

Jabuura 45:17

Barkaama, ɓiɓɓe ma njooɗoto dow leeso laamu kaakiraaɓe muuɗum'en, a ardinan ɓe dow lesdi fuu!

Jabuura 48:10

Yaa Allah, nder haykaliiru ma min ɗon numta mbooɗeeŋga ma.

Jabuura 48:11

Yaa Allah, yimɓe ɗon maŋgte koo toy fuu. Innde ma anndaama haa keerol duniyaaru fuu, tum nyaamo ma ɗon waɗa kiita adiliiha.

Jabuura 50:1

Yimre Asaf. Jawmiraawo, Allah Mawɗo wolwi. O ewni duniyaaru fuu diga fuɗirde naaŋge haa mutirde maage.

Jabuura 65:9

Jooɗiiɓe haa keeri duniyaaru fuu kultori ngam alaamaaji ma, diga fuunaaŋge haa hiirnaaŋge fuu, a ɗon seyna yimɓe.

Jabuura 67:2

Yaa Allah, hinna min, barkiɗin min, woonan min!

Jabuura 86:9

Ummaatooje ɗe tagɗa fuu, ngaran sujidango ma, teddinan innde ma, yaa Jawmiraawo.

Jabuura 96:8

Teddine innde maako, ngaddane mo dokke, ngare haa babe maako.

Esaaya 12:4

On mbi'an nyalaade man: “Ngette Jawmiraawo, ewne innde maako, ngecce kuuɗe maako caka ummaatooje! Ciftinore no innde maako ɓaŋgori!

Esaaya 12:5

Ngimane Jawmiraawo! Ngam o huuwi kuuɗe mawɗe, anndine duniyaaru fuu habaru maajum!

Esaaya 19:21

Jawmiraawo anndinan hoore muuɗum haa Misra'en, nyalaade man ɓe anndan mo. Ɓe njagganto mo bee kirseteeɗi e dokke nyaamdu. Ɓe toganto Jawmiraawo togayeeje, ɓe kebbinan ɗe boo.

Esaaya 30:27

Ndaa, Jawmiraawo ɗon wara diga daayiiɗum. Tikkere maako ɗon saati, barriya maako nyaaɗi, o ɗon heewi ɓernuki, ɗemŋgal maako bana yiite wulanŋge.

Esaaya 45:6

Mi waɗi ɗum haa yimɓe diga fuunaaŋge haa hiirnaaŋge paama, walaa Allah sonaa min. Min woni Jawmiraawo, walaa goɗɗo feere sam!

Esaaya 54:5

Ngam tagɗo ma laatoto gorko ma, Jawmiraawo honooɓe asama woni innde maako, coottoowo ma, ɗum Ceniiɗo Isra'iila, o ewneteeɗo Allah duniyaaru fuu.

Esaaya 59:19

Koo moy fuu, diga fuunaaŋge haa hiirnaaŋge, hulan innde Jawmiraawo e tedduŋgal muuɗum. To konneejo wari bana ƴuuge maayo ɗe henndu yerɓata, poofɗe Jawmiraawo ndiiwan mo.

Esaaya 66:18

Mi anndi kuuɗe maɓɓe e numooji maɓɓe. Wakkati mooɓtugo yimɓe ummaatooje e ɗemɗe fuu yottake. To ɓe ngari, ɓe ngi'an tedduŋgal am.

Yeremiya 10:6

Yaa Jawmiraawo, walaa nannduɗo bee maaɗa. A mawɗo, innde maaɗa nde mawnde marnde semmbe.

Yeremiya 10:7

Moy hulataa ma, yaa laamiiɗo ummaatooje? An a he'i huleego. Walaa nannduɗo bee maaɗa caka marɓe hikma nder ummaatooje e nder laamuuji maɓɓe fuu.

Yeremiya 4:2

to on kunorake bee wi'ugo fakat Jawmiraawo o geeto, nder gooŋgaaku e nder darnuɗum e adilaaku, nden kam ummaatooje goɗɗe boo keɓan barka daliila innde Jawmiraawo, ɗe mantorto mo boo.”

Daniyel 2:45

Ngam maajum ngi'ɗa no hayre hoɓɓitiri – walaa juŋngo yerɓi nde— nami njamndi ɓaleeri e mboɗeeri e loope e cardi e kaŋŋeeri. Allah mawɗo waŋginani ma ko tammi laataago, barkaama. Koyɗol man tabiti, maana maagol boo laaɓi.”

Amos 9:12

Nden ɓe maran luttuɓe Edoom e ummaatooje ɗe innde am ewna dow muuɗum'en fuu.” Min Jawmiraawo mi wi'i ɗum, mi waɗan ɗum boo.

Mika 5:4

Kaŋko bee hoore maako laatoto salaaman maɓɓe. To Assuura'en ngari lesdi meeɗen, to ɓe nasti cuuɗi laamorde meeɗen cemmbiɗɗi, en umminan ardiiɓe ɗuuɗɓe dow maɓɓe.

Sefaniya 2:11

Jawmiraawo laatanto ɓe kulniiɗo, o halkan ɗowanteeɓe duniyaaru fuu. Jooɗiiɓe haa duuɗe cujidanan mo, koo moy haa nokkuure muuɗum.

Sefaniya 3:9

“Ɓaawo man ndokkanmi ummaatooje kunnduɗe laaɓɗe, haa yimɓe fuu ewno innde am, ɓe njaggano yam bee ɓernde woore.

Zekariya 8:7

Jawmiraawo honooɓe asama wi'i: “Ndaare, mi hisnan yimɓe am diga lesdi fuunaaŋgeeri e lesdi hiirnaaŋgeeri.

Malakiya 1:14

Naaloore dow rikiciijo marɗo njawdiri ndi o togani yam nder tokkere maako, ammaa o lii'ani yam kallundi. Ngam mi laamiiɗo mawɗo, innde am boo nde hulniinde caka ummaatooje.” Non Jawmiraawo honooɓe asama wi'i.

Malakiya 3:3

O jooɗoto bana ɓolinoowo e laɓɓinoowo cardi. O laɓɓinan ɓiɓɓe Lewi, o wo'inan ɓe bana kaŋŋeeri e cardi, haa ɓe lii'ano Jawmiraawo dokke pottanɗe.

Matta 28:19

Ndille haa yimɓe ummaatooje fuu, mbaɗe ɓe pukara'en am, mbaɗane ɓe baptisma bee innde Baabiraawo e Ɓiɗɗo e Ruuhu Ceniiɗo.

Matta 8:11

Mi ɗon wi'a on: Ɗuuɗɓe ngaran diga fuunaaŋge e hiirnaaŋge, ɓe nyaamdan bee Ibrahiima e Isiyaaku e Yaakubu nder laamu asamanji.

Luka 1:10

Saa'i o ɗon wula uurle, mooɓre ummaatoore fuu ɗon waɗa do'a haa yaasi.

Roma'en 12:1

Deerɗiraaɓe am, Allah waŋginani en enɗam mum ɗuuɗɗam. Ngam maajum mi ɗon toro on on lii'ano mo ko'e mon bana kirseteeɗi geeti, ceniiɗi, pottananɗi mo. Kanjum woni dewal ngal haandani mo.

Roma'en 15:16

O laatini yam kuuwanoowo Yeesu Almasiihu haa ummaatooje goɗɗe. Mi ɗon huuwa kuugal cenaaŋgal ngal Linjiila Allah, haa ummaatooje ɗe'e laatano mo dokkal cenaaŋgal bee Ruuhu Ceniiɗo, pottananŋgal mo.

Filippi'en 4:18

Mi heɓi dokkal ngal nelduɗon bee juŋngo Epafrodit. Mi heɓi ko mi mari haaje fuu, haa ɗum ɓuri haaje am, mi ɗon nder jeynitaare. Ɗum laati bana dokkal uurdi mbelndi, kirsaaɗum ko Allah seyorto, yerdoto.

2 Tessaloniiki'en 1:12

Bana nii innde Jawmiraawo meeɗen Yeesu teddinirte nder mooɗon, onon boo on teddinte nder maako. Ɗum fuu ɗum laatoto daliila mo'ere Allah meeɗen e Jawmiraawo meeɗen Yeesu Almasiihu.

1 Timote 2:8

Ngam maajum, mi yiɗi worɓe mbaɗa do'a koo toy, ɓe ɓaŋgta juuɗe maɓɓe cenaaɗe heedi Allah, bilaa tikkere malla jokkirgol.

Wahayu Yuhanna 11:15

Nden malaa'ikaajo njoweeɗiɗaɓo fuufi luwal muuɗum. Mi nani sawtuuji cemmbiɗɗi nder asama, ɗi ɗon mbi'a: “Laamu duniyaaru laatanake Jawmiraawo meeɗen e Almasiihu muuɗum, o laamoto haa abada abadin!”

Wahayu Yuhanna 15:4

Moy hulataa ma, yaa Jawmiraawo? Moy teddintaa innde maaɗa? Ngam an feere ma woni ceniiɗo. Ummaatooje fuu ngaran sujididgo yeeso ma, ngam kuuɗe ma adiliije mbaŋgi.”

Wahayu Yuhanna 5:8

Nde ngel hoo'i deftere go, kuuje geete nayi e ndotti'en noogas e nayo go tuggi koppi yeeso jawgel, koo moy maɓɓe woodi moolooru e taasaaje kaŋŋeeri keewɗe uurle. Kanje ngoni do'aaje senaaɓe Allah.