Malakiya 1:10 - Fulfulde Bible

¹⁰ “Ayye! Ɓuranno to gooto mon maɓɓi dammuɗe haykaliiru, ngam taa on kuɓɓa yiite meere dow hirsirde am! Mi seyoraaki on sam, mi jaɓataa dokkal diga juuɗe mooɗon. Non Jawmiraawo honooɓe asama wi'i.

Fulfulde DC Bible

¹⁰ “Ayye! Ɓuranno to gooto mon maɓɓi dammuɗe haykaliiru, ngam taa on kuɓɓa yiite meere dow hirsirde am! Mi seyoraaki on sam, mi jaɓataa dokkal diga juuɗe mooɗon. Non Jawmiraawo honooɓe asama wi'i.

Malakiya 1:10 Iomraidhean Croise

2 Laamiiɓe 12:6

sey liman'en koo'a ɗe, koo moy haa anndaaɓe muuɗum, ɓe mbo'itina haykaliiru Jawmiraawo, haa ɓe tawi bonniiɗum fuu”.

Balndi 15:8

Kirseteeɗi halluɓe laati nyidduɗi haa Jawmiraawo, ammaa tornde gooŋga'en fottani mo.

Yeremiya 14:10

Ndaa nii Jawmiraawo wi'i dow yimɓe ummaatoore nde'e: “Ɓe ngiɗi gaance jamum, ɓe naŋgtaay kosɗe maɓɓe. Ngam maajum mi seyortaako ɓe. Mi siftoran zunuubaaji maɓɓe, mi hiitoto hakkeeji maɓɓe.”

Yeremiya 14:12

Koo to ɓe cuumake, mi nanataa bojji maɓɓe. Koo to ɓe lii'anake yam kirsaaɗi e dokke nyaamdu, mi yerdataako ɓe. Ammaa mi halkan ɓe bee konu e weelo e nyawu kalluŋgu ndaaɓoowu.”

Yeremiya 6:13

“Ɓe fuu maɓɓe, mawɓe e leesɓe, ɗon ɗaɓɓa riba kalluka. Annabi'en e liman'en fuu ɗon mbaɗa rikici.

Yeremiya 6:20

Mi ɗaɓɓataa uurdi lesdi Seba, koo ƴommbe uurɗe ɗe lesdi ndaayiindi. Guleteeɗi mooɗon pottantaa yam, kirseteeɗi mooɗon pottantaa yam.

Yeremiya 8:10

Ngam maajum ndokkanmi rewɓe maɓɓe haa juuɗe woɗɓe, gese maɓɓe boo haa jawmiraaɓe woɗɓe. Koo moy maɓɓe, mawɗo e leesɗo fuu, ɗon ɗaɓɓa riba kalluka. Liman'en e annabi'en fuu ɓe ɗon mbaɗa rikici.

Hose'a 5:6

Ɓe ngardan bee dammooji maɓɓe e na'i maɓɓe ngam ɓe ɓadita Jawmiraawo, ammaa ɓe tawataa mo, o daaytake ɓe.

Mika 3:11

Hiitooɓe Urusaliima ɗon njaɓa rusiya nder kiita. Liman'en ɗon njaŋngina ngam heɓugo ngeenaari. Annabi'en boo ɗon mbaɗa hatti ngam heɓugo ceede. Bee non fuu, ɓe ɗon tuugo dow Jawmiraawo, ɓe ɗon mbi'a: “Naa Jawmiraawo ɗon caka meeɗen? Sarru heɓataa en!”

Malakiya 1:13

On ɗon mbi'a boo: Kayya, torra meere non! On ɗon njawo yam. Non Jawmiraawo honooɓe asama wi'i. On ɗon ngadda dabbaaji ɗi on ngujji malla boosɗi e nyaawɗi, haa on lii'ano yam ɗi kirseteeɗi. On tammi mi jaɓan ɗi diga juuɗe mooɗon na? Non Jawmiraawo wi'i.

Malakiya 2:12

Mo huuwata irin ɗu'um, Jawmiraawo ta'uma danygol maako diga jooɗorɗe Yaakubu, taa goɗɗo danygol maako yahra dokkal yeeso Jawmiraawo honooɓe asama.

Malakiya 2:13

Woodi boo huunde ɗiɗawre nde on mbaɗata: On ɗon cudda hirsirde Jawmiraawo bee gonɗi e bojji e uumaali, ngam o faalataa dokke mon, o jaɓataa ɗe diga juuɗe mon.

Yuhanna 10:12

Ammaa duroowo ngam ngeenaari, mo laataaki gaynaako, mo maraay baali, to o yi'i saafaandu ɗon wara, o wudinan baali, o doggan, o acca ɗi. Nden saafaandu hippoto baali, saŋkita ɗi.

1 Korintu'en 9:13

On anndi booɗɗum no huuwooɓe nder haykaliiru ɗon keɓa nguure muuɗum'en nder haykaliiru, lii'antooɓe yimɓe kirseteeɗi dow hirsirde boo ɗon keɓa geɗal muuɗum'en haa kirseteeɗi man.

Filippi'en 2:21

Luttuɓe fuu ɗon cuklani ko nafata ko'e muuɗum'en, naa ko nafata Yeesu Almasiihu.

Ibraniŋke'en 10:38

Ammaa adiliijo yeeɗiran bee nuɗɗinki muuɗum. Ammaa to o lorake ɓaawo, mi seyortaako mo.”

1 Piyer 5:2

Ayne tokkere nde Allah halfini on, ayne nde bana no Allah yiɗi, naa bee doole ammaa bee anniya. Kuuwe, naa ngam heɓugo ceede meere, ammaa ngam on ngiɗi ɗum.