Luka 9:26 - Fulfulde Bible

²⁶ To goɗɗo semti yam e bolle am, Ɓii-neɗɗo semtan mo yaake o warata nder tedduŋgal maako e nder ngal Baabiraawo maako e nder ngal malaa'ika'en seniiɓe.

Fulfulde DC Bible

²⁶ To goɗɗo semti yam e bolle am, Ɓii-neɗɗo semtan mo yaake o warata nder tedduŋgal maako e nder ngal Baabiraawo maako e nder ngal malaa'ika'en seniiɓe.

Luka 9:26 Iomraidhean Croise

Esaaya 53:3

Yimɓe njawi mo, ngudini mo. O woowri bee naaworlaaji e bone, koo moy wiirni yeeso mum ngam taa yi'a mo. En njawi mo, en paalaay mo.

Daniyel 7:10

Maayo yiite wurti diga maago, ɗon ila. Tagaaɓe ujineeje njaggani mo, miliyoŋje ndari yeeso maako. Hiitooɓe ngari njooɗi, defte maɓɓitaama.

Matta 16:27

Ngam Ɓii-neɗɗo waran nder tedduŋgal Baabiraawo mum bee malaa'ika'en mum, saa'i man o warjoto koo moy deydey kuuɗe muuɗum.

Matta 25:31

“To Ɓii-neɗɗo wari nder tedduŋgal muuɗum bee malaa'ika'en muuɗum fuu, o jooɗoto dow leeso laamu maako.

Matta 26:64

Yeesu wi'i mo: “Nonnon, bana mbi'ɗa. Ammaa mi ɗon wi'a on: Yeeso ɗo, on ngi'an Ɓii-neɗɗo ɗon jooɗi haa nyaamo Allah Baawɗo. On ngi'an mo boo o ɗon wara dow duule asama.”

Markus 8:38

To goɗɗo semti yam e bolle am hannde caka yimɓe halluɓe, zammbotooɓe Allah ɓe'e, nden kam Ɓii-neɗɗo boo semtan mo to o wardi bee malaa'ika'en seniiɓe nder tedduŋgal Baabiraawo maako.”

Yuhanna 12:43

Ngam ɓe ɓuri yiɗugo yerduye yimɓe dow yerduye Allah.

Yuhanna 5:44

Bana noy on mbaawrata nuɗɗingo, nde nii on ɗon ɗaɓɓa tedduŋgal diga woɗɓe, ammaa on ɗaɓɓataa tedduŋgal garanŋgal diga Allah gooto?

Kuuɗe Nelaaɓe 10:22

Ɓe njaabi: “Korneliyus, ardiiɗo dow sooje'en teemerre neli min. O adiliijo, kulɗo Allah. Yahuudu'en fuu ceedani mo ɗum. Malaa'ikaajo Allah wi'i mo o ewno ma haa saare maako, ngam haa o nana ko mbi'ata mo.”

Roma'en 1:16

Mi semtaay waazingo Linjiila ngam ɗum baawɗe Allah: Ka waawi hisnugo nuɗɗinɓe ka fuu, aran Yahuudu'en, nden yimɓe ummaatooje goɗɗe boo.

2 Korintu'en 12:10

Ngam maajum mi ɗon seyoro tampe am, mi ɗon seyoro kuudi yimɓe, cakle, toonyaaŋgeeji e ɓillaaje ngam daliila Almasiihu. Ngam yaake mi tampuɗo, yaake man nden mi cemmbiɗɗo.

Galaatiya'en 6:14

Min kam, mi jurortaako koo ɗume, sonaa gaafaaŋgal Jawmiraawo men Yeesu Almasiihu. Daliila gaafaaŋgal, duniyaaru waafaama heedi am, min boo mi gaafaaɗo heedi maaru.

1 Timote 5:21

Mi ɗon hunne yeeso Allah e Yeesu Almasiihu e malaa'ika'en suɓaaɓe, a ɗowtano wasuyeeji ɗi'i, taa a senndindira yimɓe, taa a ɓurna koo moy sam.

2 Timote 1:12

Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

2 Timote 2:12

To en ɗon munyana bone, en laamoto bee maako boo. To en ngeddi mo, kaŋko boo o yeddan en.

Ibraniŋke'en 11:26

Yaweego bana Almasiihu ɓuri ndesaaji Misra fuu saman ngam maako, ngam numooji maako ɗon tiiti mbarjaari nder garanɗum.

Ibraniŋke'en 13:13

Sey en ngurto, en njaha haa maako haa yaasi saŋngeere ngam haa en munyana yawaare nde o munyani.

Yahuuda 1:14

Anuhu mo yeeɗi nder yidere joweeɗiɗawre haa danygol Aadamu, waɗi annabaaku dow maɓɓe diga ɓooyma, o wi'i: “Ndaa, Jawmiraawo waran bee malaa'ika'en muuɗum senaaɓe ujineeje ɗuuɗɗe

Wahayu Yuhanna 1:7

Ndaa, o ɗon warda bee duule! Koo moy fuu yi'an mo, koo yuwɓe mo boo. Yimɓe asli nder duniyaaru fuu mboyan ngam daliila maako. Nii ɗum laatorto. Aamiina!

Wahayu Yuhanna 20:11

Nden mi yi'i leeso laamu maŋngo raneewo e jooɗiiɗo dow maago. Lesdi e asama ndoggi yeeso maako, meetaay yi'eego.

Wahayu Yuhanna 21:8

Ammaa hulɓe, sooya-nuɗɗinki'en, waɗooɓe ko nyiddi, mbarooɓe ko'e, daakaare'en, waɗooɓe hiila, rewooɓe labbi e fewooɓe fuu, geɗal maɓɓe laatoto nder weendu wulanndu bee yiite e baruudu. Kanjum woni maayde ɗiɗawre.”

Wahayu Yuhanna 3:5

Bana nii, jaaliiɗo fuu ɓornoto limce daneeje, mi wilataa innde maako diga deftere ngeendam. Yeeso Baabiraawo am e malaa'ika'en muuɗum boo mi wi'an fakat o goɗɗo am.