Luka 8:28 - Fulfulde Bible

²⁸ Nde o yi'i Yeesu, o wooki, o do'i kommbi Yeesu, o wolwi bee sawtu: “Ɗume ngiɗɗa haa am, Yeesu, Ɓiɗɗo Allah Ɓaŋiiɗo? Mi tori ma, taa torram!”

Fulfulde DC Bible

²⁸ Nde o yi'i Yeesu, o wooki, o do'i kommbi Yeesu, o wolwi bee sawtu: “Ɗume ngiɗɗa haa am, Yeesu, Ɓiɗɗo Allah Ɓaŋiiɗo? Mi tori ma, taa torram!”

Luka 8:28 Iomraidhean Croise

Esaaya 27:1

Nyalaade man Jawmiraawo losan kaafahi muuɗum caatuki, makki cemmbiɗki. O hiitoto Lewiyatan, mboodi ndoggoori e Lewiyatan, mboodi leliindi. O mbaran kuuŋga ngonŋga nder mbeela.

Matta 8:29

Ɓe kooli, ɓe mbi'i: “An Ɓiɗɗo Allah, ɗume ngiɗɗa haa amin? A wari torrugo min diga wakkati siwaa na?”

Luka 8:27

Nde Yeesu wurti koommbowal, goɗɗo wuro man wari, fotti bee maako. Goɗɗo oo mari ruuhuuji coɓɗi ɗuuɗɗi nder maako. Duuri o ɓornataako limce, o jooɗataako haa saare, sey haa genaale.

Luka 8:29

Ngam Yeesu ɗonno umra ruuhuwol coɓŋgol wurto haa maako. Ngol ɗonno naŋnga mo nde ɗuuɗɗum, ɓe ɗonno kaɓɓa kosɗe e juuɗe maako bee callalluuji e ge'elle ngam aynugo mo, ammaa o ɗonno ta'a ɗum. Ngol ɗonno yahra mo nder ladde.

Yaakuba 2:19

A nuɗɗini Allah o gooto na? Booɗɗum! Ginnaaji boo nuɗɗini ɗum, ammaa ɗi ɗon ndiwna.

2 Piyer 2:4

Koo malaa'ika'en waɗɓe hakke maa ndaɗaay, Allah sakkini ɓe haa yiite jahannama, ɓe maɓɓaama nder nyiɓre bee callalluuji, ɓe ɗon ndeena nyannde kiita.

1 Yuhanna 3:8

Baɗoowo hakke fuu laatake mo Iblisa, ngam diga fuɗɗam, Iblisa ɗon waɗa hakke. Ngam man Ɓiɗɗo Allah wari ngam nattingo kuuɗe Iblisa.

Wahayu Yuhanna 20:10

Nden Sayɗaanu estoowo ɓe, sakkinte nder weendu yiite e baruudu. Naane maa, ndabbaawa e pewoowo bi'anɗo o annabiijo cakkinaama ton. Ɓe fuu ɓe njaran bone ton jemma e naaŋge, haa abada abadin.