Luka 7:12 - Fulfulde Bible

¹² Nde o ɓadi nastorde wuro, ndaa yimɓe ɗon ndoondi maayɗo haa ɓe uwoya. Ɗum ɓiŋngel bajjel haa daada e daada boo jurumɗo. Yimɓe wuro ɗuuɗɓe ɗonno ngondi bee debbo man.

Fulfulde DC Bible

¹² Nde o ɓadi nastorde wuro, ndaa yimɓe ɗon ndoondi maayɗo haa ɓe uwoya. Ɗum ɓiŋngel bajjel haa daada e daada boo jurumɗo. Yimɓe wuro ɗuuɗɓe ɗonno ngondi bee debbo man.

Luka 7:12 Iomraidhean Croise

Laataanooji 22:12

Malaa'ikaajo wi'i: “Taa meem derkeejo, taa waɗ mo koo ɗume! Ngam jonta mi annditi a kulɗo Allah, ngam a haɗaay yam ɓiɗɗo maaɗa bajjo.”

Laataanooji 22:2

Allah wi'i: “Hoo'u ɓiya bajjo, Isiyaaku mo ngiɗɗa, yah nder lesdi Moriya. Lii'a mo ton bana nguleteeŋga dow hooseere nde mi tammi tinndinango ma.”

2 Samuyila 14:7

Jonta boo banndiraaɓe amin fuu ɗon ɓillammi haa mi wurtinana ɓe ɓiyam geeto. Ɓe ngiɗi mbarugo mo ngam o mbari deerɗiiko. Ɓe ngiɗi halkugo donoowo oo boo. Bana nii ɓe kalkan tammunde am ragareere, gorko am boo walaa danygol tabitinanŋgol innde muuɗum.”

1 Laamiiɓe 17:12

Debbo wi'i: “Fakat bana Allah Jawmiraawo maaɗa o geeto! Mi walaa tamseere sam, sey kuroori seɗɗa haa fayannde, deydey ko hebbinta juŋngo, nebbam seɗɗa haa faandu. Ndaa, mi ɗon teena leɗɗe seɗɗa, nden mi nastan haa mi tamsa ɗum ngam am e ɓiyam gorko, min nyaama ɗum, nden min maaya.”

1 Laamiiɓe 17:18

Debbo jurumɗo go wi'i Eliya: “Annabiijo Allah, koni a waɗi yam huunde nde'e? A wari haa am ngam a siftinora Allah aybe am, a mbara ɓiyam na?”

1 Laamiiɓe 17:23

Eliya hoo'i ngel, jippini ngel diga dow soorowol, hokkiti ngel daada maagel. Eliya wi'i: “Ndaa, ɓiya o geeto.”

1 Laamiiɓe 17:9

“Umma, yah haa Sarafat nder maral Sidon, faɓɓu ton. Mi umri debbo jurumɗo ton, haa o nyaamne.”

2 Laamiiɓe 4:16

Elisa wi'i mo: “Mawri bana wakkatiire nde'e a jogoto ɓiɗɗo gorko.” Debbo wi'i: “Waɗataako! Goɗɗo Allah, taa fewam.”

2 Laamiiɓe 4:20

Suka oo yahrani ngel daada maagel. Daada maagel jo'ini ngel dow koppi muuɗum haa caka nyalawma, nden ngel maayi.

Ayuba 29:13

Mi heɓino barka haa yimɓe torriiɓe fuu, mi seynino rewɓe yurumɓe boo.

Zekariya 12:10

Ammaa dow saare Daawuda e jooɗiiɓe nder Urusaliima mbaannjanmi ruuhu mbooɗeeŋga e do'a. Ɓe tijjoto yam ngam daliila am, min mo ɓe njuwi. Ɓe mboyatam bana no ɓe mboyrata ɓiɗɗo bajjo. Ɓe mboyatam masin, bana goɗɗo woyrata to afo mum maayi.

Luka 7:11

Ɓaawoɗon Yeesu yehi haa wuro wi'eteeŋgo Nayin. Pukara'en maako bee yimɓe ɗuuɗɓe njahdi bee maako.

Luka 7:13

Nde Yeesu yi'i mo, o yurmini mo, o wi'i: “Taa woy.”

Luka 8:42

ngam o woodi ɓiŋngel deyel, bajjel, mo duuɓi sappo e ɗiɗi, ɓadake maayugo. Nde Yeesu ɗon yaha ton, yimɓe ɓiɗɗi mo.

Luka 8:52

Yimɓe fuu ɗonno mboya, ɗonno ngooyna ngam ɓiŋngel go. Yeesu wi'i ɓe: “Taa mboye, ngel maayaay, ammaa ngel ɗon ɗaani non.”

Yuhanna 11:19

Yahuudu'en ɗuuɗɓe ngari haa Marta e Mariyama, ngam de'itingo ɓe ngam maayde deerɗiraawo maɓɓe.

Kuuɗe Nelaaɓe 9:39

Piyer dillidi bee maɓɓe. Nde o yotti, ɓe njahri mo haa suudu dowru go. Rewɓe yurumɓe taari mo, ɓe ɗon mboya, ɓe ɗon kolla mo toggooje e limce ɗe Tabita nyooti saa'i o geeto.

Kuuɗe Nelaaɓe 9:41

Piyer naŋngi mo juŋngo, ummini mo. Nden o ewni rewɓe yurumɓe go e nuɗɗinɓe fuu, o holli ɓe Tabita, o geeto.

Yaakuba 1:27

Ndaa ko hollata diina gooŋgaaha e ceniika yeeso Allah Baabiraawo: Hakkilango atiime'en e rewɓe yurumɓe nder ɓillaare maɓɓe e aynugo hoore muuɗum ngam taa duniyaaru soɓna ɗum.