Luka 6:38 - Fulfulde Bible

³⁸ Ndokke woɗɓe, Allah boo hokkan on, o rufan nder jiiba mooɗon makka etaaɗum booɗɗum, tiɗɗiiɗum, keewɗum haa rufa. Ngam Allah etanan on bee etirgel ngel on etirani woɗɓe bee muuɗum.”

Fulfulde DC Bible

³⁸ Ndokke woɗɓe, Allah boo hokkan on, o rufan nder jiiba mooɗon makka etaaɗum booɗɗum, tiɗɗiiɗum, keewɗum haa rufa. Ngam Allah etanan on bee etirgel ngel on etirani woɗɓe bee muuɗum.”

Luka 6:38 Iomraidhean Croise

2 Samuyila 19:36

Mi woodi duuɓi cappanɗe joweetati jonta, mi waawataa senndindirgo booɗɗum e kalluɗum bana no haandi. Mi mettataako dakam haa nyaamduuji ma e njaramji ma. Mi nanataa sawtu yimooɓe worɓe e rewɓe. Mi yiɗaa mi laatano ma doŋngal, barkaama.

Asta 7:10

Ɓe ɓili Hamman dow leggal ngal o taaskitinno ngam Mardokay. Nden ɓernuki laamiiɗo feewti.

Asta 9:25

Ammaa nde laamiiɗo nani haala man, o umri bee bataakewol haa nufayeere Hamman hallunde loro dow hoore muuɗum. Ɓe ɓili Hamman e ɓiɓɓe muuɗum dow leɗɗe.

Ayuba 42:11

Deerɗiiko'en worɓe e rewɓe fuu ngari haa maako e annduɓe mo diga naane fuu. Ɓe nyaamdi bee maako nder saare maako. Ɓe njurmini mo, ɓe nde'itini mo dow sarru ngu Jawmiraawo ukkanno mo fuu. Koo moy maɓɓe hokki mo suleyre cardi e halagaare kaŋŋeeri.

Jabuura 79:12

Ummaatooje taariiɗe min kuɗi ma, yaa Jawmiraawo, warja ɓe ɗum cowi joweeɗiɗi.

Gurtaaki 21:24

yiitere bee yiitere, nyiindere bee nyiindere, juŋngo bee juŋngo, kosŋgal bee kosŋgal,

Balndi 10:22

Barka Jawmiraawo, kaŋka riskinta, comri neɗɗo ɓesdataa koo ɗume.

Balndi 19:17

Enɗanɗo laafuɗo hokki Jawmiraawo nyamaande, kaŋko o warjoto mo mbooɗeeŋga nga'a.

Balndi 22:9

Barka laatanto koo moy enɗi talakaajo, nyaamni mo.

Yeremiya 32:18

A ɗon mo'ana gide ujineeje, a ɗon hiito aybe baabiraaɓe haa ɓiɓɓe maɓɓe. An woni Allah mawɗo, baawɗo, innde ma Jawmiraawo honooɓe asama!

Matta 10:42

Gooŋga mbi'anmi on: Koo moy hokki koo ndiyam peewɗam nder jardugel haa ɓurɗo leesugo caka pukara'en am ɓe'e ngam o pukaraajo am, heɓan mbarjaari muuɗum fakat.”

Matta 7:2

Ngam Allah hiitoto on bana on kiitori woɗɓe, o etanan on bee etirgal ngal on etirani woɗɓe.

Markus 4:24

Fahin Yeesu wi'i ɓe: “Kakkilane ko on nanata. Allah foondan ko o hokkata on bee poondirgol ngol on poondirta e o ɓesdan dow maajum fahin.

Luka 6:30

Hokku toriiɗo ma koo ɗume fuu. To goɗɗo hoosi ko marɗa, taa ƴamtu ɗum.

Tooktaaki Tawreeta 15:10

Ndokke mo bee ɓernde saahiinde, naa mettunde. Ngam daliila maajum Jawmiraawo, Allah mooɗon barkiɗinan kuuɗe ɗe kuuwoton fuu.

Yaakuba 2:13

Ngam to goɗɗo walaa enɗam, Allah hiitoto mo bilaa enɗam. Ammaa marɗo enɗam hulataa kiita Allah.

Alkaali'en 1:7

Nden o wi'i: “Laamiiɓe cappanɗe njoweeɗiɗo ta'aaɓe kooli gorɗi, juuɗe e kosɗe ɗonno cuɓta piccite colɗe les taabal am. Jonta Allah waatani yam bana kuuwmi ɓe!” Kadiboo ɓe njahri laamiiɗo oo haa Urusaliima haa o maayi ton.