Luka 6:25 - Fulfulde Bible

²⁵ Bone laatano on, onon haarɓe jonta, ngam on tammi maatugo dolo. Bone laatano on, onon jalanɓe jonta, ngam on ngonan nder suno e bojji.

Fulfulde DC Bible

²⁵ Bone laatano on, onon haarɓe jonta, ngam on tammi maatugo dolo. Bone laatano on, onon jalanɓe jonta, ngam on ngonan nder suno e bojji.

Luka 6:25 Iomraidhean Croise

Jabuura 49:19

Koo to o maŋgtuno hoore maako saa'i o geeto, koo to woɗɓe teddinno mo ngam o heɓi hayru,

Balndi 14:13

Koo bee jaleeɗe boo ɓernde mettan, timmoode seyo woni suno.

Balndi 30:9

ngam taa mi haara, nden mi zammbo ma, mi wi'a: Moy woni Jawmiraawo? Taa mi talkiɗa boo, nden mi wujja, mi waɗa aybe dow innde maaɗa, yaa Allah am.”

Gaazoowo 2:2

Mi wi'i: Jaleeɗe ɗum nginnaaku, seyo boo ko nafata?

Gaazoowo 7:3

Ndikka metteeŋga dow jaleeɗe, ngam nga wonnan yeeso, ammaa nga mo'inan ɓernde.

Gaazoowo 7:6

Bana sonyo yiite gi'e kuɓɓaaɗe les fayannde, non jaleeɗe faataaɓe mba'i, kanjum boo, ɗum huunde meere.

Esaaya 28:7

Ammaa koo liman'en e annabi'en boo ɗon cakli daliila inaboojam, ɓe ɗon liillilta daliila nguykinoojam. Inaboojam jaali ɓe, ɓe ɗon liillilta, ɓe paamataa wahayuuji ɗi Allah yi'nata ɓe, ɓe mbaawataa ta'ugo kiita ngam daliila wuykere.

Esaaya 65:13

Ngam maajum, Allah Jawmiraawo wi'i: Suka'en am nyaaman, ammaa onon, dolo naawan on! Suka'en am njaran, ammaa onon, ɗomka naawan on! Suka'en am ceyoto, ammaa onon on cemtan!

Esaaya 8:21

Ɓe ngiiloto nder lesdi, ɓe ɓilliiɓe e dolɓe. To dolo naawi ɓe, ɓe tikkan, ɓe naalan laamiiɗo maɓɓe e Allah maɓɓe. Ɓe tijjoto dow,

Esaaya 9:20

Manassa ɗon nyaama Efrayim, Efrayim boo ɗon nyaama Manassa, ɓe ɗiɗo fuu ɓe kawti dow Yahuuda. Bee non fuu, tikkere Jawmiraawo feewtaay, juŋngo maako ɗon forti tawon.

Amos 8:10

Mi waylan juulɗe mooɗon ɗe laatoto suno, gimi mooɗon boo laatoto bojji. Mi waɗan on fuu on kadda limce buhuuje, on laɓda ko'e mon. Mi laatinan bojji bana to ɓiɗɗo bajjo maayi. Ragare man haaɗan bana nyalaade mettamɓeram.”

Nahum 1:10

Koo to on laatake bana wumre gi'e naŋngindiranɗe, wuykiraaɓe njaramji muuɗum'en, on ngulan fuu bana huɗo yoorko.

Luka 12:20

Ammaa Allah wi'i mo: Sooya-hakkiiloojo, jemmaare nde'e mi hoosan yoŋki ma, kuuje maaɗa mooɓtaaɗe ɗe'e fuu, moy marata ɗe?

Luka 13:28

On mboyan, on kirƴindiran nyii'e haa ton, yaake on ngi'ata Ibrahiima, Isiyaaku e Yaakubu bee annabi'en fuu nder laamu Allah e onon boo on ngudinaama yaasi.

Luka 6:24

Ammaa bone laatano on, onon riskuɓe, ngam on keɓi hayru mooɗon timmi.

Luka 6:26

Bone laatano on, to yimɓe fuu mbi'ani on booɗɗum, ngam bana non kaakiraaɓe maɓɓe mbi'ani fewooɓe wi'ɓe ɓe annabi'en.”

Luka 8:53

Ɓe njanci mo ngam ɓe anndi ɓiŋngel maayi.

Efesu'en 5:4

Non boo bolle cemtiniiɗe e meereeje e tunwuɗe. Ndikka on mbolwa bolle gettooje.

1 Tessaloniiki'en 5:3

Wakkati yimɓe mbi'ata: “Salaaman ɗon! Hoolɗinaare ɗon!” Nden halkere ukkanto ɓe bana luuwe ngaranta ɓesnanɗo. Ɓe ndaɗataa sam.

Yaakuba 4:9

Cune, ngooke, mboye. Jaleeɗe mooɗon laato bojji, seyo mooɗon laato suno.

Wahayu Yuhanna 3:17

Ngam a ɗon wi'a: Mi riski, mi woodi jawdi, walaa ko mi sooyi sam. Ammaa a anndaa a ɗon laalaato, a jurumɗo, a laafuɗo, a bumɗo e a temmbo.

1 Samuyila 2:5

Haarnooɓe coorran ko'e muuɗum'en ngam heɓugo nyaamdu, ammaa weelanooɓe ceyorto siwtaare. Debbo dimaro danyan ɓiɓɓe njoweeɗiɗo, ammaa marɗo ɓiɓɓe ɗuuɗɓe tampan.