Luka 4:18 - Fulfulde Bible

¹⁸ “Ruuhu Jawmiraawo ɗon dow am, o mooyti yam ngam haa mi waazina laafuɓe habaru seyo. O neli yam haa mi wooynana haɓɓaaɓe ndimu muuɗum'en, ngam wumtingo wumɓe, ngam jooftuki torraaɓe,

Fulfulde DC Bible

¹⁸ “Ruuhu Jawmiraawo ɗon dow am, o mooyti yam ngam haa mi waazina laafuɓe habaru seyo. O neli yam haa mi wooynana haɓɓaaɓe ndimu muuɗum'en, ngam wumtingo wumɓe, ngam jooftuki torraaɓe,

Luka 4:18 Iomraidhean Croise

Laataanooji 3:15

Mi waɗan konnaagu hakkunde maaɗa e debbo, hakkunde danygol maaɗa e danygol maako. Goɗɗo danygol maako namete hoore, an boo a ŋatan mo teppere.”

2 Habaruuji Nyalaaɗe 34:27

Ɗum meemi ɓernde ma, a leestini hoore ma yeeso am nde nanɗa bolle am dow Urusaliima e jooɗiiɓe ton. A seeki limce ma, a woyi yeeso am, min boo, mi jaɓi tornde ma, non Jawmiraawo wi'i.

Jabuura 102:20

Jawmiraawo ɗon laara duniyaaru diga nokkuure mum seniinde ɓaŋgiinde, diga asama Jawmiraawo ɗon laara lesdi.

Jabuura 147:3

O hurgan ta'a-ɓerɗe'en, o haɓɓan kuuduuje maɓɓe.

Jabuura 2:2

Laamiiɓe duniyaaru ɗon taaski waɗugo fitina, tedduɓe boo ɗon kaɓɓa dabare dow Jawmiraawo e laamiiɗo mum mo o moyti.

Jabuura 2:6

“Min mi laamini laamiiɗo am dow Siyona, hooseere am seniinde.”

Jabuura 34:18

To adili'en torake Jawmiraawo, o nanan, o wurtinan ɓe diga ɓillaaje maɓɓe fuu.

Jabuura 45:7

Leeso laamu maaɗa yaa Allah, duumoto haa foroy, a laamoto nder laamu ma bee kiita ndarnuka.

Jabuura 51:17

Yaa Jawmiraawo, maɓɓitu hunnduko am haa mi wooyna maŋgtoore ma.

Esaaya 32:3

Nden kam gite waawɓe yi'ugo maɓɓataako fahin, noppi waawɓe nanugo boo keɗititto.

Esaaya 35:5

Nden wumɓe ngi'an, fahɓe boo nanan.

Esaaya 42:7

haa mbumtina wumɓe, ngurtina haɓɓaaɓe diga fursina, jooɗiiɓe nder nyiɓre boo diga yaŋgada muuɗum'en.

Esaaya 45:13

Min ummini Koores nder adilaaku, mi wo'itinan laabi maako fuu. Kaŋko o nyiɓtoto berniwol am, o yooftan yimɓe am dahaaɓe, naa daliila ceede malla caahuuji.” Non Jawmiraawo honooɓe asama wi'i.

Esaaya 49:9

haa mbi'a haɓɓaaɓe: Ngurte, wonɓe nder nyiɓre boo: Mbaŋge haa jayŋgol. Ɓe nduran bana tokkere haa laabi, towndiije cooke fuu laatoto durduɗe maɓɓe.

Esaaya 50:4

Allah Jawmiraawo hokki yam ɗemŋgal pukara'en haa mi waawa semmbiɗingo comɗo bee wolde. O findinammi nde weeti fuu, o fiɗɗi noppi am haa mi nana bana pukara'en nanirta.

Esaaya 57:15

Allah Ɓaŋiiɗo, mawɗo, tabitɗo haa foroy, mo innde muuɗum Ceniiɗo ɗon wi'a: Mi ɗon jooɗi haa nokkuure seniinde townde, ammaa mi ɗon jooɗi kommbi ta'a-ɓerndeejo e jaŋkiniiɗo boo ngam semmbiɗingo ta'a-ɓerndeejo e yeeɗitingo jaŋkiniiɗo.

Esaaya 59:21

Ndaa alkawal am bee maɓɓe: Mi waɗi Ruuhu am dow mooɗon, mi nastini bolle am nder kunnduɗe mooɗon. Mi ittataa ɗe diga kunnduɗe mon e diga kunnduɗe ɓikkoy mon e diga kunnduɗe taaniraaɓe mon, diga jonta haa foroy.” Non Jawmiraawo wi'i.

Esaaya 61:1

Ruuhu Jawmiraawo Allah ɗon dow am. Ngam Jawmiraawo moyti yam, neli yam haa mi waazina laafuɓe habaru seyo, mi nyawnda ta'a-ɓerɗe'en, haa mi wooynana haɓɓaaɓe ndimu, jooɗiiɓe nder kaɓɓirgal boo dimɗinki.

Esaaya 66:2

Kuuje ɗe'e fuu, juŋngo am waɗi ɗe, nden ɗe fuu ɗe laati. Non Jawmiraawo wi'i. Ndaa ɓe'e ndaaranmi: Yaŋkiniiɓe e ta'a-ɓerɗe'en, diwnanɓe ngam wolde am.

Ezekiyel 9:4

Jawmiraawo wi'i mo: “Saala caka berniwol Urusaliima, waɗ maandorde dow tiinde siŋkanɓe e uumanɓe ngam daliila kuuɗe nyidduɗe kuuweteeɗe haa ɗo fuu.”

Daniyel 9:24

Allah ta'ani ummaatoore ma e berniwol ma ceniiŋgol duuɓi cappanɗe joweeɗiɗi nde joweeɗiɗi, haa o haɗa tuurtol, o itta hakke, o hefa aybe, o tabitina adilaaku nduumiiŋgu, o waɗa lammba dow wahayu e annabaaku, o moyta ɓurɗo senaago.

Sefaniya 3:12

Mi luttanan hoore am ummaatoore ne'iinde laafunde caka mooɗon. Nde hisran bee innde Jawmiraawo.

Zekariya 11:11

Ngal fiistaama nyalaade man. Soorrooɓe baali hakkilananɓe yam go annditi ɗum wolde Jawmiraawo.

Matta 11:5

Wumɓe ɗon ngi'a, woosɓe ɗon njaha, kuturu'en laaɓi, fahɓe boo ɗon nana, maayɓe ummitaama, talaka'en boo ngaazinaama kubaruwol ceynoowol.

Matta 12:18

“Allah wi'i: Ndaa suka am mo mi suɓi, giɗaaɗo am mo mi seyorto. Mi neli Ruuhu am dow maako, o anndinan ummaatooje kiita ndarnuka.

Matta 12:20

O yewataa kewal nyobbaaŋgal. O nyifataa pittirlayel, to ngel ɗon suura tawon, haa to o heɓani kiita ngooŋɗuka jaalorgal.

Matta 4:16

ummaatoore jooɗiinde nder nyiɓre yi'i annoora makka. Jooɗiiɓe nder lesdi e nyiɓre maayde boo, annoora yaynani ɓe.”

Matta 5:3

“Barka laatanto annduɓe ko'e muuɗum'en ɓe talaka'en fodde Ruuhu, ngam kamɓe njeyi laamu asamanji.

Luka 4:17

ɓe ndokki mo deftere annabi Esaaya taggaande, o taggiti nde, o tawi aayaaje binndaaɗe bana ni'i:

Luka 6:20

Nden Yeesu laari pukara'en muuɗum, o wi'i: “Barka laatano on, onon talaka'en, ngam onon njeyi laamu Allah.

Luka 7:22

Nden o jaabi nelaaɓe Yuhanna go: “Njehe, mbi'e Yuhanna ko on ngi'i e ko on nani: Wumɓe ɗon ngi'a, woosɓe ɗon njaha, kuturu'en njamɗiti, muukaaɓe ɗon nana, maayɓe ɗon ummito, kubaruwol ceynoowol boo anndinaama haa laafuɓe.

Yuhanna 1:41

Andire tawi deerɗum Simon aran, wi'i mo: “Min tawi Almasiihu.” Almasiihu yiɗi wi'go moytaaɗo.

Yuhanna 12:46

Min, mi annoora, mi wari nder duniyaaru, ngam taa nuɗɗinɗo yam fuu jooɗo nder nyiɓre.

Yuhanna 3:34

Ngam mo Allah neli ɗon wolwa haala Allah, ngam Allah ɗon hebbina mo bee Ruuhu muuɗum bilaa keerol.

Kuuɗe Nelaaɓe 10:38

On anndi habaru Yeesu mo Nasaratu, no Allah moytiri mo Ruuhu Ceniiɗo, no o hokkiri mo baawɗe. O yehi koo toy, o huuwi kuuɗe booɗɗe, o yamɗitini torraaɓe Iblisa fuu, ngam Allah ɗon wondi bee maako.

Kuuɗe Nelaaɓe 26:18

ngam a maɓɓita gite maɓɓe, haa ɓe ngaylita ɓaawo haa nyiɓre, ɓe nasta haa annoora, ɓe ngurto diga les baawɗe Sayɗaanu, ɓe njaha haa Allah, ɓe keɓa yaafuye hakkeeji maɓɓe e geɗal ndonŋgu maɓɓe caka senaaɓe bee nuɗɗingo yam.”

Kuuɗe Nelaaɓe 4:26

Laamiiɓe duniyaaru ɗon taaski waɗugo fitina, ardiiɓe boo ɗon kaɓɓa dabare dow Jawmiraawo e dow Almasiihu mum.

Kuuɗe Nelaaɓe 4:27

Ngam bana non Hirudus e Pontiyus Pilaatu e ummaatooje e Isra'iila'en ɓe fuu ɓe kawti nder berniwol ngo'ol dow Yeesu, suka maaɗa ceniiɗo, mo a waɗi ɗum Almasiihu.

Kolossi'en 1:13

Almasiihu wurtini en diga baawɗe nyiɓre, o nastini en nder laamu Ɓiɗɗo maako giɗaaɗo.

Yaakuba 2:5

Deerɗiraaɓe am yiɗaaɓe, keɗite booɗɗum! Naa Allah suɓi laafuɓe duniyaaru ngam haa ɓe laato riskuɓe nder nuɗɗinki e ɓe ndona laamu ngu o iinani yiɗɓe mo na?

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.