Luka 21:34 - Fulfulde Bible

³⁴ “Ndeene ko'e mooɗon ngam taa ɓerɗe mon cuklano ɗuuɗal nyaamduuji e njaramji e laruuraaji duniyaaru, ngam taa nyannde man juha on.

Fulfulde DC Bible

³⁴ “Ndeene ko'e mooɗon ngam taa ɓerɗe mon cuklano ɗuuɗal nyaamduuji e njaramji e laruuraaji duniyaaru, ngam taa nyannde man juha on.

Luka 21:34 Iomraidhean Croise

Laataanooji 19:32

War, njarnen baaba meeɗen nguykinoojam, nden mbaalden bee maako, ngam keɓen danygol diga maako.”

Laataanooji 19:35

Jemmaare maajum boo ɓe njarni baaba maɓɓe nguykinoojam. Ɗiɗaɓo yehi, waaldi bee maako. Baaba anndaa ndey ɓiyum wari waali e ndey o ummi.

Laataanooji 27:14

Yaakubu dilli, ɗaɓɓitoyi njawkoy, waddani koy daada muuɗum. Daada maako defi nyaamdu welndu, bana no baaba maako yiɗi.

Jabuura 35:8

Sey halkere ukkano ɓe bee juhuki! Tuuforgol ngol ɓe tuufni naŋnga ɓe! Ɓe ndo'o nder maagol, ɓe kalka!

Balndi 21:4

Gite mawnitiiɗe e ɓernde ƴaggiinde e hayru halluɓe, kanjum woni hakke.

Balndi 23:20

Taa wondu bee yarooɓe nguykinoojam e ɗuɗɗinooɓe nyaamɗe kusel,

Gaazoowo 9:12

Neɗɗo anndaa saa'i muuɗum. Bana liɗɗi naŋngaaɗi nder zubaawol gaawoowo, bana colli tuufnaaɗi bee tuuforgol, non ɓiɓɓe Aadama to wakkati sarru ukkanake ɓe bee juhuki.

Esaaya 28:7

Ammaa koo liman'en e annabi'en boo ɗon cakli daliila inaboojam, ɓe ɗon liillilta daliila nguykinoojam. Inaboojam jaali ɓe, ɓe ɗon liillilta, ɓe paamataa wahayuuji ɗi Allah yi'nata ɓe, ɓe mbaawataa ta'ugo kiita ngam daliila wuykere.

Hose'a 4:11

Daakaareeku e inaboojam kiɗɗam e inaboojam kesam ittan hakkiilo.

Farillaaji Lewi'en 10:9

“An e ɓiɓɓe ma, taa on nasta laymaaru fottirde to on njari inaboojam malla nguykinoojam feere, ngam taa maayon. Kanjum woni farilla nduumiika haa danygol mon fuu.

Matta 13:22

Woɗɓe boo nanndi bee aawdi caka gi'e. Kamɓe, to ɓe nani wolde Allah, laruuraaji e esto risku ɓiɗɗan wolde man, nde waɗataa nafuuda sam.

Markus 13:9

Ammaa onon, kakkilane ko'e mooɗon, ngam ɓe naŋngan on, ɓe njahran on yeeso hiitooɓe. Ɓe piyan on nder cuuɗi dewal Yahuudu'en. On ndaroto yeeso mawɓe e laamiiɓe ngam daliila am, haa on mbaɗa seedamku mooɗon yeeso maɓɓe.

Markus 4:19

ammaa laruuraaji duniyaaru ndu e esto jawdi e suunooji feere feere nastan ɓerɗe maɓɓe, ɗi ɓillan wolde Allah e nde waɗataa nafuuda.

Luka 10:41

Jawmiraawo jaabi mo: “Marta, Marta, a ɗon ɓillori hoore ma bee kuuje ɗuuɗɗe.

Luka 12:40

Onon boo, laate taaskiiɓe, ngam Ɓii-neɗɗo waran nder saa'iire nde on tammaaki sam.”

Luka 17:3

Kakkilane ko'e mooɗon! To deerɗiraawo ma waɗi hakke, fel mo. To o tuubi, yaafa mo.

Luka 21:35

Ngam ɗum waran bana zubaawol dow yimɓe dow lesdi fuu.

Luka 21:8

Yeesu jaabi: “Kakkile ngam taa on majjina ko'e mooɗon. Ngam ɗuuɗɓe ngaran bee innde am, ɓe mbi'an: Min woni Almasiihu, wakkati boo ɓadake. Taa tokke ɓe.

Luka 8:14

Aawdi colndi caka gi'e boo, nanndi bee nananɓe wolde. Ammaa ɓe acca laruuraaji, yiɗugo risku e belɗum duniyaaru ɓiɗɗa wolde go, nde waɗataa nafuuda.

1 Korintu'en 5:11

Ndaa ko mi winndani on jonta: Taa kawte bee goɗɗo bi'anɗo o Masiihiŋkeejo, ammaa o daakaareejo malla cuunaaɗo ceede malla dewoowo labbi malla baɗoowo tufle malla guykoowo malla gujjo. Taa nyaamde maa bee irin goɗɗo oo!

1 Korintu'en 6:10

non boo wuyɓe e suunaaɓe riba e wuykooɓe e waɗooɓe tufle e jaɓtooɓe, ɓe fuu ɓe ndonataa laamu Allah.

Galaatiya'en 5:20

e dewki labbi e hiila e nganyŋgu e jokkirgol e kaajal e haa'inaare e mawnitaare e cenndol e biɗu'aakuuji

Tooktaaki Tawreeta 29:19

Jawmiraawo yaafantaako mo, ammaa tikkere maako saatan dow goɗɗo oo. Naalooje binndaaɗe nder deftere nde'e fuu ukkanto mo, Jawmiraawo majjinan innde maako diga duniyaaru.

Filippi'en 4:6

Taa caklane koo ɗume, ammaa anndine Allah haaje mon fuu nder do'a e tornde, bee yettoore boo.

Ibraniŋke'en 12:15

Kakkile ngam taa koo gooto mooɗon loro ɓaawo, acca mo'ere Allah. Kakkile taa koo moy mooɗon laato bana haako haaɗko, ko ɗon mawna, ko ɗon tampina yimɓe ɗuuɗɓe bee tooke maako.

2 Piyer 3:10

Koo non fuu, nyalaade Jawmiraawo waran bana gujjo. Nyannde man, asamanji majjan bee hoolo kulniiŋgo, koode asama boo kalkiran bee yiite, lesdi bee ko woni ton fuu boo majjan.

2 Piyer 3:14

Ngam man yiɗaaɓe am, nde nii on ɗon ndeena ɗum, kaɓde jooɗaago on laaɓɓe, bilaa aybe yeeso Allah haa on njooɗo nder salaaman bee maako.

Wahayu Yuhanna 3:3

Ngam man, siftor no a jaɓri e no a naniri koŋngol Allah, ɗowtan ngol, tuubu. To a hakkilaay, mi waran bana gujjo, a anndataa saa'i nde mi warata haa ma.

1 Samuyila 25:36

Nde Abigayel warti saare, Nabal ɗon jooɗodi bee yimɓe mum, ɗon nyaama nyaamduuji ɗuuɗɗi bana ɗi laamiiɗo. Ɓernde maako ɗon seyi, o ɗon wuyki masin. Ngam maajum debbo maako yeccaay mo koo ɗume.