Luka 21:24 - Fulfulde Bible

²⁴ Ɓe mbareteeɓe bee kaafaaje, ɓe yahreteeɓe naŋngaaɓe caka ummaatooje fuu. Ummaatooje jananne njaaɓan Urusaliima haa to wakkati maɓɓe timmi.”

Fulfulde DC Bible

²⁴ Ɓe mbareteeɓe bee kaafaaje, ɓe yahreteeɓe naŋngaaɓe caka ummaatooje fuu. Ummaatooje jananne njaaɓan Urusaliima haa to wakkati maɓɓe timmi.”

Luka 21:24 Iomraidhean Croise

Laataanooji 34:26

Hamor e ɓiyum Sikem mbaraama bee kaafahi. Ɓe koociti Dina diga saare Sikem, ɓe ngurti.

Gurtaaki 17:13

Yosuwa heɓi jaalorgal maŋngal dow honooɓe Amalek bee kaafahi.

Esaaya 5:5

Mi anndina on ko mi yiɗi waɗugo ngesa inabooje am: Mi ittan kowaagol haa na'i e dammooji dura ka. Mi yibbinan mahol taariiŋgol, haa yimɓe njaaɓa ka.

Esaaya 63:18

Wakkati seɗɗa ummaatoore ma senaande marno lesdi, ammaa jonta wanyɓe min njaaɓi suudu ma seniindu.

Esaaya 66:12

Ndaa nii Jawmiraawo wi'i: “Mi ilnanan ngol salaaman bana maayo, tedduŋgal ummaatooje boo bana maayo teelanŋgo. Onon boo on laatoto bana ɓiŋngel ngel daada mum musninta ɗum, roondoto ɗum dow wuttudu, huufata ɗum dow koppi mum.

Esaaya 66:19

Mi darnan alaama caka maɓɓe, mi nelan woɗɓe caka daɗɓe maɓɓe haa ummaatooje: Haa Tarsis e Pul e Lud, lesdi annduɓe fiɗugo kuri, haa Tubal e Yawan, haa duuɗe daayiiɗe ɗe meeɗaay nanugo habaru am, ɗe meeɗaay yi'ugo tedduŋgal am boo. Ɓe anndinan tedduŋgal am caka ummaatooje ɗe'e.

Gimi Boyki 1:15

Jawmiraawo wudini honooɓe semmbiɗɓe wonɓe nder am fuu. O neli jama'aare konu dow am, nde nama suka'en am. O ɓiɗɗi yam bana inabooje nder ɓiɗɗirde.

Daniyel 12:7

Kaŋko o ɓaŋgti juuɗe maako ɗiɗi fuu heedi asama, mi nani o hunori bee innde Allah duumiiɗo: “Lutti duuɓi tati bee reeta. Kuuje ɗe'e fuu kiɓɓoto, saa'i baawɗe ummaatoore seniinde nattinte fuu.”

Daniyel 8:13

Nden nanmi malaa'ikaajo ɗon wolwa. Malaa'ikaajo feere ƴami mo: “Haa ndey kuuje gi'aaɗe nder wahayu timmata? Haa ndey tuurtol nattinoowol duurata e kirseteeɗi nyalaade nyalaade mbilete? Ndey ɓe accata dammugo mooɓre konu asama e nokkuure seniinde?”

Daniyel 9:27

Ardiiɗo go haɓɓan e tabitinan alkawal bee yimɓe ɗuuɗɓe ngam duuɓi joweeɗiɗi. Ɓaawo duuɓi tati bee reeta o haɗan lii'anaago Allah kirseteeɗi e dokke. Haa wakeere nyiddunde, nattinoowo daroto haa to timmoode nde Allah taynori yotti dow maako.”

Malakiya 1:11

Ngam diga fuɗirde naaŋge haa mutirde maage, ummaatooje ɗon teddina innde am mawnde. Koo toy fuu yimɓe ɗon ngula uurle ngam innde am, ɓe ɗon lii'ano yam dokke laaɓɗe ngam innde am mawnde caka ummaatooje. Non Jawmiraawo honooɓe asama wi'i.

Luka 21:25

“Alaamaaji laatoto haa naaŋge, haa lewru e haa koode. Dow lesdi boo, kulol e saklere laatoto haa ummaatooje daliila haraka mbeela e ƴuuge.

Roma'en 11:25

Deerɗiraaɓe am, mi yiɗi waŋginango on sirri, ngam taa ndaaron ko'e mon bana on hikma'en. Isra'iila'en woɗɓe laati saata-ko'e'en. Ammaa ɗum timman to limgal suɓaaɓe Allah iwɓe diga ummaatooje goɗɗe ciki.

Ibraniŋke'en 11:34

ɓe nyifi yiite wulŋge jaw, ɓe kisi mbareego bee kaafahi. Ɓe tampi, ammaa ɓaawoɗon ɓe keɓi semmbe. Ɓe laati waawɓe nder konu, ɓe parti jananɓe honooɓe.

Wahayu Yuhanna 11:2

Ammaa taa foondu daldal gonŋgal yaasi haykaliiru, ngam ngal hokkaama haa ummaatooje goɗɗe. Ɓe njaaɓan berniwol ceniiŋgol lebbi cappanɗe nayi e ɗiɗi (42).