Luka 18:11 - Fulfulde Bible

¹¹ Farisaajo dari, waɗi do'a nder ɓernde mum bana ni'i: Yaa Allah, mi yetti ma ngam mi laataaki bana yimɓe feere, laatiiɓe wuyɓe, sooyɓe-adilaaku, jeenooɓe malla bana jomnoowo oo.

Fulfulde DC Bible

¹¹ Farisaajo dari, waɗi do'a nder ɓernde mum bana ni'i: Yaa Allah, mi yetti ma ngam mi laataaki bana yimɓe feere, laatiiɓe wuyɓe, sooyɓe-adilaaku, jeenooɓe malla bana jomnoowo oo.

Luka 18:11 Iomraidhean Croise

Jabuura 134:1

Yimre jahaaŋgal haa Urusaliima. Maŋgte Jawmiraawo, onon jagganooɓe Jawmiraawo fuu, darotooɓe nder suudu maako jemmaaje fuu!

Jabuura 135:2

darotooɓe nder suudu maako, haa dalde haykaliiru Allah meeɗen.

Balndi 20:6

Yimɓe ɗuuɗɓe ɗon ngeyna mbooɗeeŋga muuɗum'en. Ammaa moy tawata neɗɗo koolaaɗo?

Balndi 30:12

Woodi yimɓe, ɓe laaɓɓe haa gite maɓɓe, ammaa ɓe lootaay tuundi maɓɓe.

Esaaya 1:15

To on mbeeɗi juuɗe mooɗon ngam do'aago, mi wiirnan gite am ngam taa mi yi'a on. Koo to on ɗuɗɗini do'aaje, mi nanataa ngam juuɗe mooɗon keewi ƴiiƴam.

Esaaya 58:2

Ɓe ɗon ƴama muuyo am nde weeti fuu, ɓe ɗon ɗaɓɓa anndugo laabi am. Ɓe ɗon bana ummaatoore waɗannde koo ɗume fodde adilaaku, nde accaay gooŋga Allah maare boo. Ɓe ɗon ƴamammi kiitaaji gooŋɗuɗi, ɓe ngiɗi mi ɓadito ɓe.”

Esaaya 65:5

Nden ɓe ɗon mbi'a: Dara to, taa ɓaditam, ngam mi cenaaɗo. To mi yi'i ko mbaɗoton fuu, mi ɗon tikka tikkere saatunde.

Yeremiya 2:28

Kadi toy ɗowanteeɓe mooɗon ɓe mbaɗanɗon ko'e mooɗon? Sey ɓe ummo, ɓe kisna on to on nasti bone! Onon yimɓe Yahuuda, ɗowanteeɓe mooɗon ɗuuɗi bana gure mooɗon.

Yeremiya 2:35

on ɗon mbi'a: Min ngalaa aybe! Sey a acca tikkango min! Ndaa, mi hiitoto on ngam on mbi'i: Min mbaɗaay hakke!

Ezekiyel 33:31

Nden yimɓe am ngaran, ɓe mooɓo haa maaɗa, ɓe njooɗo yeeso ma ngam nanugo ko mbi'ata. Ammaa ɓe mbaɗataa ko a wi'ata ɓe. Ɓe ɗon mbaɗa ko fottanta ɓe tan, ɓerɗe maɓɓe ɗon ɗaɓɓa ko nafata ɓe tan.

Mika 3:11

Hiitooɓe Urusaliima ɗon njaɓa rusiya nder kiita. Liman'en ɗon njaŋngina ngam heɓugo ngeenaari. Annabi'en boo ɗon mbaɗa hatti ngam heɓugo ceede. Bee non fuu, ɓe ɗon tuugo dow Jawmiraawo, ɓe ɗon mbi'a: “Naa Jawmiraawo ɗon caka meeɗen? Sarru heɓataa en!”

Matta 10:3

Filip e Bartolome, Tomas e Matta jomnoowo, Yaakuba ɓii Alfa e Tadde,

Matta 5:20

Gooŋga mbi'anmi on: On keɓataa nastugo laamu asamanji sam, sonaa to adilaaku mooɗon ɓuri ngu moodiɓɓe tawreeta e Farisa'en.”

Matta 6:5

“Nde on ɗon mbaɗa do'a fuu, taa laate bana naafiki'en. Kamɓe ɓe ngiɗi daraago nder cuuɗi dewal e haa kawtirɗe laabi, ɓe mbaɗa do'a ngam yimɓe ngi'a ɓe. Gooŋga mbi'anmi on: Ɓe keɓi mbarjaari maɓɓe, jinni.

Markus 11:25

Yaake on ndarake ngam waɗugo do'a, to woodi huunde hakkunde mooɗon bee goɗɗo, njaafe mo, ngam haa Baabiraawo mooɗon gonɗo haa asama boo yaafano on aybeeji mooɗon.

Luka 20:47

Ɓe ɗon njaɓta marle rewɓe yurumɓe, ɓe ɗon njuutina do'aare ngam yimɓe ngi'a ɓe. Ɓe keɓan kiita naawka masin.”

Luka 22:41

Nden o daayti ɓe baakin sakkinannde hayre, o tuggi koppi, o waɗi do'a,

Galaatiya'en 3:10

Ammaa darotooɓe dow ɗowtaare muuɗum'en heedi tawreeta, naaloore ɗon dow maɓɓe, ngam Deftere wi'i: “Naaloore Allah dow koo moy ɗowtanaaki umrooje binndaaɗe nder deftere tawreeta nde'e fuu bee tiinaare.”

Filippi'en 3:6

Wakeere tiinaare, mi toonyoowono jama'aare nuɗɗinɓe. Fodde adilaaku tawreeta boo, mi laaɓɗo.

Wahayu Yuhanna 3:17

Ngam a ɗon wi'a: Mi riski, mi woodi jawdi, walaa ko mi sooyi sam. Ammaa a anndaa a ɗon laalaato, a jurumɗo, a laafuɗo, a bumɗo e a temmbo.