Luka 16:9 - Fulfulde Bible

⁹ Yeesu ɓesdi wi'ugo: “Min mi ɗon wi'a on: Keɓane ko'e mooɗon soobiraaɓe bee jawdi duniyaaru ndu'u. To ndi timmiri on, ɓe njaɓa on haa joole duumiiɗe.

Fulfulde DC Bible

⁹ Yeesu ɓesdi wi'ugo: “Min mi ɗon wi'a on: Keɓane ko'e mooɗon soobiraaɓe bee jawdi duniyaaru ndu'u. To ndi timmiri on, ɓe njaɓa on haa joole duumiiɗe.

Luka 16:9 Iomraidhean Croise

Jabuura 73:26

Koo to ɓanndu am jinni bee ɓernde fuu, Allah woni tapaare am semmbiɗnde e geɗal am haa foroy.

Balndi 14:24

Daraja hikma'en, ɗum risku maɓɓe, ammaa faataaɓe heɓtirteeɓe bee faataare muuɗum'en.

Balndi 19:17

Enɗanɗo laafuɗo hokki Jawmiraawo nyamaande, kaŋko o warjoto mo mbooɗeeŋga nga'a.

Balndi 23:5

To a tiitini gite ma dow risku, walaa ko keɓata, ngu waɗan bileeji, ngu fiiran haa asama bana dutal.

Gaazoowo 11:1

Sakkin tamseere ma dow ndiyam, ngam a tawtan nde ɓaawo nyalɗe ɗuuɗɗe.

Esaaya 57:16

Ngam mi jokkirtaa bee maɓɓe haa foroy, mi tikkantaa ɓe haa abada. To naa non, ruuhuuji maɓɓe tampan yeeso am, non boo yoŋkiiji maɓɓe ɗi tagmi.

Daniyel 4:27

o wi'i: “Ndaare no Baabila mawniri! Min wartiri berniwol ngo'ol jooɗorde laamiiɗo. Mi nyiɓi ngol bee baawɗe am mawɗe, ngam tedduŋgal e daraja am!”

Matta 19:21

Yeesu wi'i mo: “To a yiɗi laataago timmuɗo, yah, soorru ko marɗa, hokku ɗum talaka'en, nden kam a heɓoyan ndesaari haa asama. Nden war tokkam.”

Matta 6:19

“Taa paggane ko'e mooɗon jawdi haa duniyaaru, haa gilɗi e peewol mbonnata ɗum, haa wuyɓe boo ngasata cuuɗi, ngujja ɗum.

Matta 6:24

“Walaa mo waawata jagganaago jaagorɓe ɗiɗo, ngam o wanyan oo e o yiɗan oya malla o ɗakkotira bee oo e o meeriɗina oya. On mbaawataa jagganaago Allah e jawdi.”

Luka 11:41

Caahe talaka'en ko woni nder jardugel mooɗon e nyaamrugel mooɗon, nden kuuje fuu laatoto laaɓɗe ngam mooɗon.

Luka 12:33

Coorre ko marɗon, caahe ɗum talaka'en, mbaɗane ko'e mooɗon boorooji sigaago ceede ɗi mbonnataako e jawdi ndi re'ataa haa asama: Haa ton gujjo ɓadataako, gilɗi boo mbonnataa ɗum.

Luka 14:14

A heɓan barka ngam ɓe mbaawataa warjaago ma. Allah warjoto ma ɗum nyannde ummitineeki adili'en.”

Luka 16:11

To on laataaki hoolaaɓe bee jawdi duniyaaru kalfitinaandi on, moy halfinta on jawdi gooŋgaari?

Luka 16:13

“Walaa suka mo waawata jagganaago jaagorɓe ɗiɗo, ngam o wanyan oo e o yiɗan oya malla o ɗakkotira bee oo e o meeriɗina oya. On mbaawataa jagganaago Allah e jawdi.”

Luka 16:4

Yowwa, mi anndi no mbaɗanmi, ngam haa yimɓe feere njaɓɓo yam haa ci'e maɓɓe, to mi wurtinaama kuugal am.

Kuuɗe Nelaaɓe 10:31

O wi'i: Korneliyus, Allah nani do'a ma, o yerdake sadaka ma.

Kuuɗe Nelaaɓe 10:4

O suti malaa'ikaajo man, o hultori, o wi'i: “Ko waɗi, jawmam?” Malaa'ikaajo jaabi: “Allah nani tornde ma, o yerdi sadaka ma.

2 Korintu'en 4:17

Fakat, ɓillaaje amin jontaaje, ɗe koyɗe ɗe nduurataa boo. Ɗe ɗon taaskano min tedduŋgal duumiiŋgal kaayeefiiwal, tedduŋgal nga'al mawni ɓuri ɓillaaje amin piw.

Yahuuda 1:21

tabite nder yiide Allah, nde on ɗon ndeena haa Jawmiraawo meeɗen Yeesu Almasiihu hinno on, hokka on ngeendam nduumiiɗam.