Luka 16:24 - Fulfulde Bible

²⁴ O wooki, o wi'i: Yaa baabiraawo am Ibrahiima, hinnam. Nel Laazarus ngam o suuwa hoondu maako nder ndiyam, o feewtina ɗemŋgal am, ngam mi ɗon yaŋgito nder yiite nge'e.

Fulfulde DC Bible

²⁴ O wooki, o wi'i: Yaa baabiraawo am Ibrahiima, hinnam. Nel Laazarus ngam o suuwa hoondu maako nder ndiyam, o feewtina ɗemŋgal am, ngam mi ɗon yaŋgito nder yiite nge'e.

Luka 16:24 Iomraidhean Croise

Ayuba 20:21

Walaa kisɗum e suuno nyaamoowo oo, kanjum risku maako duurataa boo.

Esaaya 27:11

To lice leɗɗe njoori, ngewi, rewɓe ngaran, njamnan ɗe. Ngam ummaatoore nde'e nde walaa faamu. Ngam maajum tagɗo nde yurmintaa nde, baɗɗo nde hinnataako nde.

Esaaya 66:24

“To ɓe ngurtake, ɓe ngi'an ɓalli maayɓe tuurtanɓe yam. Ngilŋgu maɓɓe waatataa, yiite maɓɓe nyifataa. Ɓe laatoto nyidduɓe haa yimɓe fuu.”

Zekariya 14:12

Ndaa masiibooji ɗi Jawmiraawo ukkanto yimɓe ummaatooje honiiɓe Urusaliima fuu: O nyolnan kusel ɓalli maɓɓe diga ɓe ɗon ndari dow kosɗe maɓɓe tawon. Gite maɓɓe nyolan nder gasɗe muuɗum'en, ɗemɗe maɓɓe boo nder kunnduɗe maɓɓe.

Matta 25:41

Nden laamiiɗo wi'an wonɓe haa nano muuɗum: Ndaayeeɗam, onon naalaaɓe! Ndille nder yiite duumiiŋge, taaskitinaaŋge ngam Iblisa e malaa'ika'en muuɗum.

Matta 3:9

Taa nume nder ɓerɗe mooɗon: Ibrahiima woni kaaka amin. Ngam mi ɗon wi'a on, Allah woodi baawɗe waɗango Ibrahiima ɓiɓɓe bee kaa'e ɗe'e.

Matta 5:22

Ammaa min mi ɗon wi'a on: Koo moy tikkani deerɗum, he'i yahreego yeeso alkaali. Koo moy wi'i deerɗum: A meereejo, he'i yahreego yeeso hiitooɓe nder dawriinde. Koo moy wi'i deerɗum: A ginnaaɗo, ɗum he'i nastingo mo nder yiite jahannama.

Luka 16:30

Diskuɗo wi'i: Naa non, yaa baabiraawo am Ibrahiima, to goɗɗo diga maayɓe yehi haa maɓɓe, ɓe tuuban.

Luka 19:9

Yeesu wi'i mo: “Kisndam nasti nder saare nde'e hannde, ngam kaŋko boo o ɓii Ibrahiima.

Luka 3:8

Kuuwe kuuɗe ɗe mbaŋginta on tuubi! Taa nume nder ɓerɗe mooɗon, on mbi'a: Ibrahiima woni kaaka amin. Ngam mi ɗon wi'a on, Allah woodi baawɗe waɗango Ibrahiima ɓiɓɓe bee kaa'e ɗe'e.

Yuhanna 4:10

Yeesu jaabi mo: “To a anndino dokkal Allah, to a anndino boo moy ƴami ma ndiyam yarugo, a ƴamanno mo, o hokke ndiyam ndokkanɗam ngeendam.”

Yuhanna 4:14

Ammaa jaranɗo ndiyam ɗam mi hokkata mo, meetataa ɗomɗugo sam. Ndiyam ɗam mi hokkata mo, laatoto seeɓoore nder maako, seeɓoore ndiyam ndokkanɗam mo ngeendam nduumiiɗam.”

Yuhanna 7:37

Nyalaade timminirde juulde, kayre ɓuri nyalɗe goɗɗe samɗineego. Nyannde man Yeesu ummi, dari. O wolwi bee sawtu, o wi'i: “Koo moy ɗomɗi, wara haa am, yara,

Roma'en 4:12

O laati baaba juulniiɓe fuu. Ammaa naa juulniiɓe fuu ngoni ɓiɓɓe Ibrahiima, sey tokkiiɓe nuɗɗinki maako diga o juulnaakino.

2 Tessaloniiki'en 1:8

O wardan bee yiite huɓɓanŋge ngam hiitaago heefeerɓe ɓe anndaa Allah e ɓe ɗowtanaaki linjiila Jawmiraawo meeɗen Yeesu.

Yaakuba 2:13

Ngam to goɗɗo walaa enɗam, Allah hiitoto mo bilaa enɗam. Ammaa marɗo enɗam hulataa kiita Allah.

Yaakuba 3:6

Ɗemŋgal neɗɗo boo ɗon bana yiite. Ngal laati mooɓgal halleende fuu caka terɗe meeɗen. Ngal ɗon soɓna ɓanndu fuu. Ngal ɗon jamna balɗe ngeendam meeɗen fuu. Kaŋgal boo yiite jahannama jamni ngal.

Wahayu Yuhanna 19:20

Ɓe naŋngi ndabbaawa, kaŋga e pewoowo bi'anɗo o annabiijo baɗɗo alaamaaji yeeso maaga. Bee maaji o zammbori marɓe maandorde ndabbaawa e sujidanɓe suura maaga. Ndabbaawa e pewoowo bi'anɗo o annabiijo cakkinaama bee yoŋki nder weendu yiite huɓɓanŋge bee baruudu.

Wahayu Yuhanna 20:15

Koo moy mo innde muuɗum winndaaka nder deftere ngeendam, o sakkinaama nder weendu yiite.

Wahayu Yuhanna 22:1

Nden malaa'ikaajo go holli yam maayo ndiyam ngeendam. Ngo ɗon jalbita bana kiristal, ngo iwi haa leeso laamu Allah e jawgel.

1 Samuyila 28:16

Samuyila wi'i: “Koni a ƴamatammi to Jawmiraawo acci ma, to o laatake konneejo ma?